Udako Ikastaroak :: Arkitektura

Zuk zeuk eraiki: autoeraikuntza ikastaroa.

  • Izaera: Presentziala
  • Ordu kopurua: 21.00 ordu
  • Matrikula-epearen hasiera: 2015(e)ko maiatzaren 25a
  • Matrikula-epearen bukaera: 2015(e)ko ekainaren 23a

Eraikuntza sektoreak pertsonen oinarrizko aterpe eta espazio beharrak modu jasangarrian (ekologikoki, sozialki, zein ekonomikoki) asetzeko gabeziak ditu. Ikastaro honen xedea behar hauek asetzeko beste bide bat azaleraztea da: bioeraikuntza irizpideen araberako autoeraikuntza.

Hasteko, modu teorikoan eta begirada ezberdinetatik, autoeraikuntzak eskaintzen duen potentzialtasunaz eta aurkitzen dituen oztopoez jardungo da: araudiak, eraikuntza teknikak, kosteak, proiektuak, baimenak, obra prozesuak, autoeraikitzailearen ezintasunak… Ondoren, Euskal Herriko autoeraikuntza esperientzia ezberdin eta askotarikoak lehen eskutik ezagutzeko aukera izango da.

Ikastaroa borobiltzeko, egun osoko jarduera praktiko batez, ikasleak autoeraikitzaile bihurtuko dira. Material natural ezberdinez eta bioeraikuntza teknika ezberdinak praktikan jarriz estalki elementu bat eraikiko da taldean.

Ikastaro teoriko eta praktiko honen bidez autoeraikuntza proiektu bat garatzeko baliabideak jasoko ditu ikasleak: lastozko etxetxo bat eraikiko da, Nebraska sistema erabiliz (autoportantea), non eraikuntzaren fase ezberdinak ezagutzeko aukera egongo den. Erabiliko diren materialak lastoa, egurra, buztina, harea, etab izango dira. Teilatuko egitura, leihoak eta atea jarriko dira, hauek ere bait dira eraikuntzan ezagutu beharreko parte garrantzitsuak. Autoeraikuntzaren munduan sartzeko lehengo pausu bat izango da bakoitzaren trebeziari bultzada bat emonez, materialak eta tresnak landuz.

Irakasleak

Helburuak

  • Eraikuntza sektoreak oinarrizko beharrak modu jasangarrian asetzeko dituen gabeziei alternatiba bat
  • Autoeraikuntzaren potentzialtasun eta oztopoak ezagutarazi, eta Euskal Herriko adibideak ezagutu.
  • Ikasleari autoeraikuntza proiektu bat garatzeko baliabideak eskaini.

Edukiak

  • Autoeraikuntzari lau begirada: Igor Cubillo, abokatua; Josu Jauregi, eraikitzailea; Ekaitz Uribe, arkitektoa; eta, autoeraikitzaileak, Iker Lopez de Vicuña eta Sandra Estebanez.
  • Bioeraikuntza, bertako material naturalez eraikitzeko teknikak.
  • Praktika konstruktiboa.
  • Jasangarritasuna.

Metodologia

Arlo teorikoa:

  • Autoeraikuntzan topo egiten duten lau eragileren begirada ezberdinak azalduko dira, eta ondoren eztabaida.
  • Euskal Herriko autoeraikuntza adibide eta esperientzia ezberdinak partekatuko dira.

Arlo praktikoa

  • Bertako material naturalez eraikuntza teknika ezberdinak ezagutu.
  • Lastozko eraikin bat taldean eraiki.

Nori zuzendua

Arkitektura edo arkitektura teknikoko ikasleei, eraikuntza sektorean aritzen den edonori, autoeraikuntza proiektu bat garatzea buruan dutenei…

Matrikulaziorako argibideak

  • Matrikulatu aukera sakatu (goian dago, izenburuaren azpian) eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: 943 82 14 26, i.iciar@ueu.eus, (Irati).
  • Hemen UEUren matrikulazio-araudi orokorra.

Oharrak

Eusko Jaurlaritzaren sare publikoko irakasleen homologaziorako prozeduran aurkeztu dugu ikastaro hau, ebazpenaren zain.

Etiketak

ikastaroa, Eibar, eraikuntza, jasangarritasuna, bioeraikuntza

Copyright @ 2019 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.