Udako Ikastaroak :: Hezkuntza

Bazkide egin zaitez

Ikusle/ikaslearen arreta mantentzeko clown teknikak.

Inprimatu
  • Hasiera-data: 2015(e)ko ekainaren 29a
  • Amaiera-data: 2015(e)ko uztailaren 1a
  • Tokia: Eibar - Markeskoa Jauregia
  • Nola heldu: https://labur.eus/UEUEibar
  • Ordutegia: Astelehena-Asteazkena. 9:00-14:00
  • Izaera: Presentziala
  • Ordu kopurua: 15.00 ordu
  • Matrikula-epearen hasiera: 2015(e)ko maiatzaren 25a
  • Matrikula-epearen bukaera: 2015(e)ko ekainaren 21a

Askotan Ikusle/ikasleen aurrean gaudela, arreta galtzen dutela ohartzen gara. Batzuetan beranduegi konturatzen gara, baina beste batzuetan arreta berriro ere lortzeko garaiz gaude. Baina nola ohartu? noiz aldatu? nola? Jolasaren bidez orain eta hemen egongo gara, kontziente, adi baina jolasaren gozamena galdu gabe. Norberaren ezagutzarako baliagarriak diren teknikak erabiliz, ikusleekin komunikatzen saiatuko gara. Ikastaro honetan erabiliko ditugun teknikak, clown teknikak izango dira, izan ere, Clownak ikuslearen beharra du existitzeko, izaki komunikatzailea baita. Guztia kontatzen du, bere zirrara txikienetatik handienetara. Pailazoa ikuslearen arreta mantentzeko maisutasuna dauka. Badaki zer sentitzen duen uneoro eta azaldu egiten digu. Pailazoa oso baikorra da eta edozein egoerari aurre egiteko gai denez, inprobisazioaren maisua dela ere esan dezakegu. Clowna librea da, momentuan bizi den izaki librea. Clown batentzako bizitza, bere bizitza, komunikazioa da.

Irakaslea

  • Iosu Florentino Badiola

    KABIA antzerki ikerkuntza guneko partaidea. Bilbao eszenako irakaslea.

Helburuak

  • Ikasleek Clown-aren kodeak ikastea.
  • Ikusle/ikaslearekiko begiradaren kontzientzia izatea.
  • Arreta bereganatzeko teknikak lortzea.
  • Jolasaren gozamena galdu gabe, hemen eta orain egotea.

Edukiak

  • Begirada, komunikatzeko ezin bestekoa den tresna landuko dugu.
  • Taldekideen arteko entzumena funtsezkoa izan da ere arreta handia jarriko diogu.
  • Gorputza adierazteko erabiliko dugunez, gorputz adierazpena eta ahotsa landuko dugu.
  • Ikasle bakoitzak bere izaera eta jarrerak hobeto identifikatzeko, bakoitzak bere bizipenen behaketa egingo du.

Metodologia

Taldearen arteko entzumena, ezagutza eta harremanak jolas desberdinen bidez landuko dugu. Clown-aren ikuspegi orokorrena murgiltzeko ere jolas desberdinak egingo ditugu. Clown-aren begiratzeko modua erlazionatzeko modua eta teknikak ere jolasen bidez egingo ditugu. Arreta mantentzeko jolasak egingo ditugu, kontzientzia garatzeko. Inprobisazioen bitartez ikasitako guztia praktikak jarriaz.Ondoren feedback bat egingo genuke egoerak aztertzeko.

Nori zuzendua

Ikusle/Ikasleen aurrean lan egiten duen edonori. Bere buruaz barre egiteko gogoa duenari. Mundua berriro ere ume baten ikuspegiarekin ikusi nahi duenari. Jolasteko gogo handiarekin dagoen edonori.

Matrikulaziorako argibideak

  • Matrikulatu aukera sakatu (goian dago, izenburuaren azpian) eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: 943 82 14 26, i.iciar@ueu.eus, (Irati).
  • Hemen UEUren matrikulazio-araudi orokorra.

Oharrak

Arropa erosoa eta jolasteko gogoa, ezinbestekoak izango dira.

Etiketak

ikastaroa, Eibar, haurrak, umeak, parte hartzea, dinamikak
UEU365
Iñaki Dorronsoro: “Bioekonomiaz hitz egin beharrean, bio-sozio-ekonomia-politika-kulturaz arituko nintzateke”

2021/11/16

Abel Camacho: “Euskal Unibertsitatea sortzea da gure azken xedea eta, bide horretan, Euskal online unibertsitatea bideragarria dela ikusten dugu”

2021/11/15

“Enpresak beren negozioen etekinengatik ez ezik, gizarteari egindako ekarpen jasangarriengatik ere hasi dira balioztatzen”

2021/11/11

ETIKETAK