Udako Ikastaroak :: Hezkuntza

Hezkidetza. Nondik eta nola hasi?

  • Hasiera-data: 2014(e)ko uztailaren 21a
  • Amaiera-data: 2014(e)ko uztailaren 22a
  • Tokia: Iruñea- Jaso Ikastola
  • Nola heldu: http://www.tagzania.com/pt/jaso-ikastola-1/
  • Ordutegia: Astelehena-Asteartea. 9:00-13:00/15:00-17:00
  • Izaera: Presentziala
  • Ordu kopurua: 12.00 ordu
  • Matrikula-epearen hasiera: 2014(e)ko maiatzaren 12a
  • Matrikula-epearen bukaera: 2014(e)ko uztailaren 13a

Nafarroako Gobernuaren Hezkuntza Departamentuak homologatutako ikastaroa.

Haurrek, jendarteratze prozesuari esker, sexu eta genero jendarte kategoriak jaso eta horiek manifestatzen ikasten dute. Jaio eta nerabezarora arte luzatzen den prozesu performatiboa eta menderatzailea da jendarteratzea; identitate maskulino eta femeninoak modu akritikoan barneratu eta sendotzeko prozesua, alegia. Areago, eskola da testuinguru esanguratsuenetarikoa jendarteratze prozesuak produzitu, berproduzitu eta eraldatzeari dagokionean.

Heteronormatibitate eta diskriminazio horri aurre egiteko lehenengo urratsa da genero eta sexu kategoria berriak aintzat hartzea, ondoren, genero/sexu identitate ez normatiboei ere, eskolan leku emateko. Azken finean, sexu/genero sistema osoa zalantzan jarri behar dugu. Irakasleek eta eskolak eraldatu ditzakete estereotipo tradizionalak, diskurtso alternatiboen bitartez, haurrak genero arauak erresistitzera bultzatuz, hau da, egoera femenino edo maskulino esklusiboak baztertuz eta pertsonen egoeretara hurbilduz. Horrek sustatu dezake, alegia, identitateen, subjektibotasunen eta aukeren aniztasuna.

Horrenbestez, ikastaro honetan aztertuko dugu nola bilakatu eskola identitateen auto-eraketa dinamika malgu eta moldagarriak garatzeko espazioa. Hau da, praktika hezkidetzailea garatzeko lehenengo urratsak emango ditugu.

Irakaslea

Helburuak

  • Hezkidetza kontzeptua ezagutu, ulertu, baloratu eta, bereziki, gaiaren inguruan hausnartu.
  • Haurren identitatearen garapena eta genero/sexu identitatearen garapenaren prozesua ezagutu eta kritikoki aztertu.
  • Haurren prozesu emozionala, afektibo-sexuala eta soziala ulertu; txikien autonomia eta segurtasun afektiboa emozionala garatzeko bideak kritikoki aztertuz.
  • Praktika hezkidetzailea garatzeko gakoak eskuratu.

Edukiak

Hiru bloke nagusitan banatu ditugu landuko diren edukiak:

  1. Genero identitatea: transmisioa eta adierazpenak; genero/sexu mugak eta gaitasunen banaketa. Feminitatearen eta maskulinitatearen esanahiak gure kulturan, heteronormatibitatearen azterketa, generoa eta sexualitatearen arteko lotura (desioa eta identitatearen eraikuntza), ‘Queerying gender’ eskolan.
  2. Hezkidetza/Hezkuntza estrategiak: Sentimenduen adierazpena eta errespetua, parte-hartzea, elkartasuna, harreman afektiboak eta sozialak lantzeko bideak. Eredu femenino eta LGTBQI-en aniztasuna. Eredu maskulino positiboen presentzia eta baliozpena. Lan multi-dimentsionala (hezkuntza komunitatea). Genero hegemonikoen eta eskola espazioaren arteko banaketa.
  3. Hezkidetza praktikan: Esperientzia erreal baten aurkezpena. Hezkidetza Proiektuak nola garatu: Arazoen identifikazioa eta hipotesien sistematizazioa, estrategien lanketa, planifikazioa eta ebaluazio mekanismoak.

Metodologia

Teoria eta praktika. Garrantzitsua da irakasleak marko teoriko oso eta aberats batez jabetzea, eta, era berean, funtzionala izan behar du, irakasleek aplika dezaten.

  • Teoria eta praktika uztartuko ditugu.
  • Hausnarketa: Indukzio-dedukzio eta analisia-sintesia.
  • Talde dinamika eta lan esperientzian oinarritutako tailerrak.
  • Praktikara zuzenduta.

Nori zuzendua

Gaian interesa duen edonori eta, bereziki, Haurreskola, Haur, Lehen eta Bigarren Hezkuntzako hezitzaileei.

Matrikulaziorako argibideak

  • Matrikulatu aukera sakatu (goian dago, izenburuaren azpian) eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: 943 82 14 26, i.iciar@ueu.org, (Irati).
  • Hemen UEUren matrikulazio-araudi orokorra.

Oharrak

Hezkuntza, Lanbide Heziketa eta Unibertsitateko Zuzendari Nagusiaren uztailaren 29ko 390/2014 ebazpenaren bidez irakasleen formaziorako homologatutako ikastaroa da.

Babesleak

Etiketak

Iruñea, udako ikastaroak, haurrak, identitatea, generoa, sexu identitatea, hezkuntza afektiboa, hezkuntza emozionala, genero identitatea, hezkuntza, hezitzaileak

Copyright @ 2019 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.