Udako Ikastaroak :: Hizkuntzalaritza

Euskararen lekua munduan eta historian: mitoetatik egitateetara.

  • Izaera: Presentziala
  • Ordu kopurua: 12.00 ordu
  • Matrikula-epearen hasiera: 2014(e)ko maiatzaren 12a
  • Matrikula-epearen bukaera: 2014(e)ko uztailaren 6a

Eusko Jaurlaritzaren irakasleen formaziorako plangintzaren bidez homologatutako ikastaroa (ikusi argibideak behean).

Euskara hizkuntza isolatua izateak aspaldi erraztu du bere historiaz eta bilakabideaz era guztietako uste eta proposamenak plazaratzeko bidea: XVI. eta XVII. mendeetako historialarien hipotesiez geroztik, euskal herritarrek zein kanpotiko ikertzaileek hainbat proposamen egin dituzte euskararen ustezko izaera bereziaz, jatorriaz, antzinako hedaduraz, euskalkien bilakabideaz eta abarrez. XX. mendean, nazioarteko hizkuntzalarien artean arruntak ziren metodoak gurera iritsi zirenean, arestiko uste horietako gehienak okerrak zirela erakutsi zen; baina, dagoeneko hain zeuden hedatuta non oraindik ere entzun baitaitezke. Ikastaro honek bi ardatz izango ditu: euskararen ustezko berezitasuna eta euskararen barne-historia. Benetan hain berezia al da euskara hizkuntza gisa? Zer leku du munduko hizkuntzen artean? Noiz sortu ziren gaur egun ezagutzen ditugun euskarak? Aldaketarik gertatu al da azken mendeotan?

Irakasleak

Helburuak

  • Euskara munduko hizkuntzen artean kokatzea.
  • Euskararen ustezko berezitasunak konparazioaren bidez aztertzea.
  • Euskararen azken mendeotako historiaren zenbait gai interesgarri azaltzea.
  • Euskararen historia aztertzeko metodoak azaltzea eta hausnarketa bultzatzea.

Edukiak

  • Euskararen ustezko isolamendua vs mendez mendeko ukipenaren ondorioak.
  • Euskararen aldakortasuna eta bilakabidea, beste hizkuntza batzuekin konparatuz.
  • Euskalkien jatorria: usteak, frogak eta azterbideak.
  • Euskal testu zaharrak eta euskararen barne-historia.
  • Euskal literaturaren inguruko uste oker errotuak.
  • Euskara ikertzaile kanpotarren begietan.

Metodologia

Nagusiki eta oro har, dinamikotasuna eta parte hartzea bultzatuko dira, baita saio teorikoenetan ere: saio guztietan zenbait material banatu eta ikasle/entzuleekin interakzioa bilatuko da, ikasleen ezagutza eta ideiak oso lagungarri izango baitira zenbait gai aztertzeko eta azaltzeko, eta ikasleei eurei hausnarrarazteko. Eskola magistral klasikoak baino gehiago, tailer-itxurako ikastaro praktiko gidatuak izango dira.

Nori zuzendua

Aipatutako gaien inguruko interesa duen edonor izan daiteke hartzaile: hizkuntzen eta hizkuntzalaritzaren esparruko ikasleak eta irakasleak, eta euskararen historia ezagutu nahi dutenak, (Euskal) Filologiako zein euskaltegietako goi-mailetako ikasleak. Ez da beharrezkoa izango hizkuntzalaritzari eta filologiari buruzko ezagutza izatea, landuko diren ideiak eta ariketa praktikoak oinarrizkoak baitira.

Egitaraua

2014-07-16

Ordua Edukiak Irakaslea
09:00-09:05

Eguneko saioen aurkezpena.

09:00-10:00

Euskara bere bakardadean?

Eskuratu hemen hitzaldi honen dokumentazioa: Aurkezpena eta Eskuorria.

10:00-11:00

Euskararen historiaurrea(k) edo zer eta zertarako erka eta berreraiki.

11:00-11:15

Atsedenaldia

11:15-12:15

Euskara aldakor, euskara egonkor.

Eskuratu hemen hitzaldi honen dokumentazioa: Eskuorria.

12:15-13:15

Oharrak euskalkiez eta hauen problematikaz.

Eskuratu hemen hitzaldi honen dokumentazioa: Eskuorria.

13:15-15:00

Bazkalordua.

15:00-16:00

Euskararen hots ''bitxiak''.

Eskuratu hemen hitzaldi honen dokumentazioa: Aurkezpena.

16:00-17:00

Euskararen gramatika (ustez) apartekoa.

Eskuratu hemen hitzaldi honen dokumentazioa: Eskuorria.

2014-07-17

Ordua Edukiak Irakaslea
09:00-09:05

Eguneko saioen aurkezpena.

09:00-10:00

Sendi galduaren bila: euskararen izter-lehengusuak garaiz garai.

Eskuratu hemen hitzaldi honen dokumentazioa: Aurkezpena.

10:00-11:00

Euskarari buruzko ikerketak Europan: zenbait adibide.

Eskuratu hemen hitzaldi honen dokumentazioa: Aurkezpena eta Eskuorria.

11:00-11:15

Atsedenaldia

11:15-12:15

Euskararen historia: mitoak eta ipuinak.

Eskuratu hemen hitzaldi honen dokumentazioa: Aurkezpena.

12:15-13:15

Hizkuntzalaritza eta Filologia bidaide.

Eskuratu hemen hitzaldi honen dokumentazioa: Aurkezpena eta Eskuorria.

13:15-15:00

Bazkalordua.

15:00-16:00

Euskalki idatzietan ahozko euskara.

Eskuratu hemen hitzaldi honen dokumentazioa: Aurkezpena eta Eskuorria.

16:00-17:00

Zenbait ohar XIX. mendeko sartaldeko euskalkiaz.

Eskuratu hemen hitzaldi honen dokumentazioa: Aurkezpena eta Eskuorria.

Matrikulaziorako argibideak

  • Matrikulatu aukera sakatu (goian dago, izenburuaren azpian) eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: 943 82 14 26, i.iciar@ueu.org, (Irati).
  • Hemen UEUren matrikulazio-araudi orokorra.

Oharrak

Euskal Autonomia Erkidegoko unibertsitateaz kanpoko irakasleentzako prestakuntza-ikastaroak homologatzeko prozeduran onartutako ikastaroa.

Homologazio kodea: 1468348025

Parte-hartze ziurtagiriaren inguruko xehetasunak:

  • %80ko asistentzia beharrezkoa da ziurtagiria lortzeko (egunero pasatzen den asistentzia-orriaren arabera kontrolatzen da).
  • Ikastaroa amaitu ondoren, akta bidaliko da Jaurlaritzara. Akta hori jaso eta 60 egunetara parte hartze ziurtagiria baliagarri izango da.

Babesleak

Etiketak

Eibar, udako ikastaroak, ikerketa, filologia, aldakortasuna, bilakaera, isolamendua, testu zaharrak, barne historia

Copyright @ 2017 UEU -- Bisitariak: 649032

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.