Udako Ikastaroak :: Hezkuntza

Hezkuntza-sistema alternatiboak, gizarte aldaketarako tresna eta gako.

  • Izaera: Presentziala
  • Ordu kopurua: 12.00 ordu
  • Matrikula-epearen hasiera: 2013(e)ko maiatzaren 13a
  • Matrikula-epearen bukaera: 2013(e)ko ekainaren 23a

Ikastaroa bete egin da, hala ere, eman izena eta ITXARON ZERRENDAn sartuko zara, ez egin ordainketarik (idazkaritzatik zurekin harremanetan jarriko gara).

----------------------------------

Eusko Jaurlaritzaren irakasleen formaziorako plangintzaren bidez homologatutako ikastaroa (ikusi argibideak behean).

Azpizenburua: Eskola Alternatiboak, egungo eskolaren kritikatik, pedagogia bizi eta libreagoren xerka.

Hezkuntza ez da gizarte sistematik eta honen balore eta helburuetatik aparte uler daitekeen zerbait. Aitzitik, sistema mantenduko duen hiritarra fabrikatu/adoktrinatzeko eginkizunean Hezkuntza sistemak daukan zeregina funtsezkoa eta ezinbestekoa da. Horrela, egungo sistemaren gaineko hausnarketa egitea zinez garrantzitsua da, bertako heldu/haur arteko harremana osasuntsuago eginez, haurra benetako protagonista duen eskola demokratikoagoa sortze aldera.

Irakaslea

  • Ane Ablanedo Larrion

    Unibertsitateko irakaslea (UPPA, NUP). Haur-prebentzioan espezialista. Eskola alternatibo eta pedagogia librearen gaian formatzailea. Hizlari eta artikulugilea. UEUkidea.

Helburuak

Indarrean den hezkuntza sistemaren gaineko hausnarketa ahalbidetzea. Hezkuntza-irakaskuntza prozesua osasuntsuagoa egiteko gakoak ezagutzea. Pedagogia berriak eta eskola-eredu ezberdinak ezagutzea. Sistemaz kanpoko eskola eredu ezberdinak ezagutzea. Sistema barneko eskola ere barnetik hobetu ahal izateko klabeak jakitea.

Edukiak

  • Hezkuntza sistemaren historia laburra.
  • Egungo sistemaren gaineko hausnarketa. Baloreak: agerikoak eta ezkutukoak. Hezkuntza sistemak eta ideologia.
  • Eskola errealitate konbentzionalarekiko diskurtso kritikoa.
  • Heztea vs adoktrinatzea. Hezitzailearen funtzioa..
  • Hezitzaile-ikasle arteko harreman demokratikoa. Autoritatea vs autoritarismoa. Ezkutuko boterea.
  • Sozializatzea, eskolatzea?
  • Haurrak berezkoa du ikasteko gogoa. Ez diezaiogun jakin mina hil. Haurraren interesetatik abiatutako kurrikulum-a.
  • Hezitzailearen egitekoa, haurrak berezkoa duen hazkuntza prozesuan lagun izatea besterik ez da.
  • Haurra prozesuaren protagonista. Haurraren erritmo, garapen eta indibidualtasunarekiko errespetua.
  • Beste eskola bat posible da.
  • Pedagogia “berriak”. Montessori, Freinet, Paulo Freire, Ivan Illich. Neill.
  • Sistemaz kanpoko eskola eredu ezberdinak: Summerhill, Waldorf, Montessori, Paideia, Eskola demokratikoak, eskola txikiak. Eskola eredua aldatzen duten errealitateak.
  • Euskal Herriko eskola alternatiboak.
  • Sistema barrenean ere, iraultza posible.

Metodologia

Metodologia teoriko praktikoa izango da.

Nori zuzendua

Maisu-maistra eta irakasleei. Haur hezitzaileei. Eskolatzeko adina duten haurren gurasoei, eta interesa duen edonori.

Matrikulaziorako argibideak

  • Matrikulatu aukera sakatu eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: 943 82 14 26, i.iciar@ueu.org, (Irati).
  • Hemen UEUren matrikulazio-araudi orokorra.

Oharrak

Euskal Autonomia Erkidegoko unibertsitateaz kanpoko irakasleentzako prestakuntza-ikastaroak homologatzeko prozeduran onartutako ikastaroa.

Homologazio kodea: 1368170004

Parte-hartze ziurtagiriaren inguruko xehetasunak:

  • %80ko asistentzia beharrezkoa da ziurtagiria lortzeko (egunero pasatzen den asistentzia-orriaren arabera kontrolatzen da).
  • Ikastaroa amaitu ondoren, akta bidaliko da Jaurlaritzara. Akta hori jaso eta 60 egunetara parte hartze ziurtagiria baliogarri izango da.