Udako Ikastaroak :: Antropologia, Etnologia, Folklorea

Bazkide egin zaitez

Euskal Mitologia: hurbildu antzinako euskal mundura.

Inprimatu
  • Izaera: Presentziala
  • Ordu kopurua: 12.00 ordu
  • Matrikula-epearen hasiera: 2013(e)ko maiatzaren 13a
  • Matrikula-epearen bukaera: 2013(e)ko ekainaren 30a

Maiz, euskal mitologiaz mintzatzen garenean, gauza anitz pilatzen zaizkigu buruan, dena batera, eta okerrenean nahasirik: Mari, Basajauna, Urtzi, Sorginak, Ilargi, Galtzagorriak, Amalur, Lauburua, Gernikako arbola, etb. Baina nortzuk dira? Zein dira haien arteko harremanak? Nolakoa izango zen garai hartako mundua? Horretaz guztietaz, pertsonaiez baina batez ere euskal mitologiaren antolamenduaz, mintzatuko gara, eta gure arbasoen mundura hurbiltzen joango gara. Antzina baziren mundua ikusteko eta berarekin harremanetan sartzeko ohiturak... eta ikastaro honen xedea euskal mitologiaren altxorra ezagutaraztea da.

Irakaslea

  • Ixabel Millet Heyries

    Kontalaria, idazlea eta formatzailea. Hendaian kokaturiko Bi'Arte elkarteko zuzendaria.

Helburuak

Ikastaro honetan, euskal mitologiaren antolamenduaz mintzatuko gara gehien bat (Amalur, Mari, Amaluren alabak, Mariren gortea, Etxea, Gernikako arbola, etb.), eta antzineko munduaren proiekzio hura ulertzeko bideak proposatuko dira. Pertsonaiak eta numenekin bidaiatuko dugu mitologia barruan, hierarkia horretan bakoitzari dagokion tokia emateko asmoarekin. Eta nola ez, mitologia kontextualizaturik agertzen diren lekuak ere behatuko ditugu, hots euskal ipuinak.

Edukiak

Euskal mitologiaren antolamendua

1.- Mitologiaren definizioa eta kontzeptua: leiendak, mitoak, ipuinak

2.- Euskal mitologia. Honako hau ikusiko da:

  • Plano fisikoa. Gure arbasoek mundu fisikoan soilik bizi ziren, beraz sinesmen guztiak eta munduaren irudikapenak plano fisikoan izaten ziren bakarrik. Horrela sortu zen Amalur eta bere mundua.
  • Plano kontzeptuala. Geroago gizakiok ideien mundura sartu eta sinesmen eta irudikapenak sinbologia abstraktura pasa ziren. Horrela sortu zen Mari eta bere gortea.

3.- Euskal bikoiztasuna: Anbotoko Damaren sinbologia.

4.- Matrialismoa.

5.- Mitologiaren bilakaera historian zehar.

 

Euskal mitologiaren pertsonaia eta numen batzuk

1.- Gorenak (makrokosmosa): Amalur eta Mari

2.- Amalurren mundua: Ilargi, Eguzki, Urtzi, Hodei...

3.- Mariren gortea: Sorginak, Lamiak, Basajaun-basandereak...

4.- Gizakien mundua (mikrokosmosa): Etxea, Sua (Olentzero), Gaueko, Gauargi...

5.- Animaliak: Herensuge, Akerbeltz...

 

Euskal ipuinak

1.- Ipuin mitologikoak eta ahozkotasuna

2.- Ipuinen ezaugarriak eta elizaren urratsak

Metodologia

Metodologia praktikoan oinarrituta bada ere, ezagutza teorikoak ikusiko ditugu era arin eta dinamiko batean.

Nori zuzendua

Euskal mitologian interesa duen orori.

Matrikulaziorako argibideak

  • Matrikulatu aukera sakatu eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: 943 82 14 26, i.iciar@ueu.org, (Irati).
  • Hemen UEUren matrikulazio-araudi orokorra.

Etiketak

baiona, udako ikastaroak, udako ikastaroak, legendak, mitoak, ipuinak, euskal tradizioak
UEU365
Idoia Zengotitabengoa: “Distopiaren narrazioak ukatu egiten du 50 urte barruko euskal komunitatea irudikatzearena eta bere existentziarako beharrezko praktika”

2022/06/30

Oskia Agirre: “Baliabide teknologikoez gain, profesionalen prestakuntza eta balioespena ere beharrezkoak direla ikusaraztea erronka handia da”

2022/06/30

Gidor Bilbao: “Liburugintza tradizionalak bere bidea egiten segitzen du, baina unibertsitate-jakintzaren komunikaziorako beste bide batzuk zabaltzen ari da UEU”

2022/06/30

ETIKETAK