Scratch: teknologia berriak ikasgelan. Multimedia garapenak helburu pedagogikoekin.

IKASTAROA BETE egin da, hala ere, eman izena, itxaron zerrendan sartuko zara.

Ikastaro honi 12 ordutako Balio Akademikoa aitortuko zaio.

Scratch, edonorentzat den programazio-lengoaia MITek (Massachussets Institute of Tecnology) garatutako bitarteko hezitzailea dugu. Scratchek bideojoko multimediak modu errazean garatzeko aukera ematen du, baina, horrez gain bere oinarrian hainbat ezaugarri pedagogiko agertzen dira.Beraz, Scratch tresna egokia da gaur egun hezkuntzan behar beharrezkoak diren hainbat gaitasun lantzeko. Hori horrela izanik, honelako bitartekoak XXI. mendeko eskoletan maizago agertzea etorkizuneko belaunaldientzako oso lagungarri izango da.

Irakasleak

• Jon Bustillo Bayon

  Didaktika eta Eskola Antolakuntza saileko irakaslea (Gasteizko Irakasle Eskola, EHU)

• Pablo Garaizar Sagarminaga

  DeustoTech Learning, Ingenieri Fakultatea, Deustuko Unibertsitatea.

Helburuak

• Bitartekoa ezagutzea eta hezkuntzan konpetentzien garapenean izan dezakeen eragin positiboa ulertzea.
• Gaitasun nahikoa eskuratzea ikastetxeetako egunerokotasunean bitarteko hau erabiltzeko.

Edukiak

Teoria

• Zer da Scratch?
• Ezaugarri pedagogikoak.
• Erabilpen hezitzaileak eta beraien zergatiak.

Praktika

• Lehen Urratsak.
• Zirkuitu baten garapena.
• Ipuinen garapena.
• Sorgina harrapatzen.
• Galderak eta erantzunak (quiz jokua).
• Lanak sarean partekatzen.

Metodologia

%20 erabiliko da Scratch zer den eta irakaskuntzan nolako eragina duen ikusteko

%80 erabiliko da ariketak egiteko, Scratch bitartekoa menperatzen hasteko.

Nori zuzendua

Hezitzaileei, irakasleei, gurasoei, begiraleei eta orokorrean, interesa daukan edonori.

Matrikulaziorako argibideak

Etiketak

IKTak, hezkuntza, programazio lengoaia, bideojokuak, multimedia, eibar, udako ikastaroak