Euskara Gaitasuna Lantzen tailerra (V).

Aurretik Udako Ikastaroetan emandako Euskara gaitasuna lantzeko tailerra (II) ikastaroaren jarraipena da, baina parte hartzeko ez da ezinbestekoa aurrekoa egina izatea.

Irakasleak

• Antton Christian Harignordoquy Peritzena, AEK-ko irakasle ohia, ikastolako irakasle ohia, IKAS pedagogia zerbitzuko proiektu arduradun ohia, itzultzaile profesionala.
• Paskual Rekalde Irigoien, Euskal filologian lizentziaduna Euskal Herriko Unibertsitatean. Nafarroako Gobernuko euskara itzultzaile eta Eusko Jaurlaritzako terminologia batzordeko kide eta Euskaltzaina.
• Andres Alberdi Gorostiaga, Elgoibarko Institutuko euskara-katedradun ohia, Bigarren Hezkuntzako zenbait irakasmaterialen egilea, EIMAko koordinatzaile ohia, EBEko batzordeko burua, euskaltzain urgazlea.

Edukiak

.

Ikastaro honek bi atal nagusi ditu:

LEHEN ATALA: Euskarazko argitalpenetarako tresnak eta zuzenketa-adibideak.

9:30-12:30

Ipar Euskal Herrian irakurtzen diren euskarazko akats eta frantsesaren kalko okerrek eragin ohi dituzten estilo arazo batzuk zuzentzea eta hizkuntza zuzen erabiltzeko hainbat baliabide ezagutzea, bereziki eragin handiko argitalpenetan ari direnentzat. Helburuak: Kalitatezko argitalpenak egin behar dituztenek izan ditzaketen zalantzak argitzeko eta zuzenketa-moldeak ezagutzeko ikastaro praktikoa.

Edukiak :

• Euskaltzaindiko “Zalantzen txokoa” bilaketa-sistema:
• Baliabideak: Euskara Batuaren Eskuliburua (EBE), Jagonet eta Euskara Eskuz Esku (EEE).
• Ezaugarri nagusiak, hartzaileak, helburuak ; Kasu praktikoak
• Euskaltzaindiko Hizkuntza Kalitatearen Behatokia (HIZBEA) zerbitzua:
• Hartzaileak, helburuak, metodologia eta baliabideak; Kasu praktikoak
• IKAS Euskal Pedagogia Zerbitzuko testuen azterketa:
• Ezaugarri nagusiak ; Kasu praktikoak

Irakasleak:

.- Paskual Rekalde Irigoien, Euskal filologian lizentziaduna Euskal Herriko Unibertsitatean. Nafarroako Gobernuko euskara itzultzaile eta Eusko Jaurlaritzako terminologia batzordeko kide eta Euskaltzaina.

.- Andres Alberdi Gorostiaga, Elgoibarko Institutuko euskara-katedradun ohia, Bigarren Hezkuntzako zenbait irakasmaterialen egilea, EIMAko koordinatzaile ohia, EBEko batzordeko burua, euskaltzain urgazlea.

BIGARREN ATALA: Frantsesak eragindako kalkoak saihestuz.

14:30-16:30

• Azken urte hauetan, hein handi batean frantsesaren kalko okerrek eraginda, ipar Euskal Herrian irakurtzen diren euskarazko akats eta estilo arazo batzuk zuzentzea eta hizkuntza zuzen erabiltzeko hainbat baliabide ezagutzea (Euskaltzaindiaren hiztegia, Euskara Batuaren Eskuliburua, Nola Erran, Berria Estilo Liburua, Ikasmaterialetako hizkuntzaren egokitasun-irizpideak finkatzeko Aholku Batzordeak argitaratu dokumentuak...).
• Helburuak: Frantsesak eragindako zenbait kalko arruntez ohartaraztea. Hiztunek eta argitaratzaileek izaten dituzten hainbat zalantza eta arazori erantzuteko baliabideak ematea. Erreferentziazko dokumentuetan nola bilatu erakustea.
• Metodologia: Maiz hedabideetan entzuten eta prentsan edota argitalpen edota afixetan irakurtzen diren akats zenbait abiapuntutzat hartuz, ordezko egitura zuzenak aurkeztuko dira, aitzineko urteetako ikastaroetan bezala, baina erreferentzia berriak ere emanez. Ikasleek egindako galderei erantzunen zaie edo, behintzat, erantzuteko bideak aztertuko dira.

Irakaslea: Christian ''Antton'' Harignordoquy, AEK-ko irakasle ohia, ikastolako irakasle ohia, IKAS pedagogia zerbitzuko proiektu arduradun ohia, itzultzaile profesionala.

.

Metodologia

Oinarri teorikoa eta praktika uztartzen dituen ikastaroa da.

Nori zuzendua

Argitaletxeak, hedabideetako kazetari eta aurkezleak, irakasleak, euskara teknikariak, euskara ikasleak... euskararen profesionalei bereziki eta orokorrean gaian interesa duen edonori zuzendua zaio.

Matrikulaziorako argibideak

Etiketak