Udako Ikastaroak :: Filosofia

Bazkide egin zaitez

Filosofiatik ezabatutako emakumeak.

Inprimatu
  • Data: 2021(e)ko uztailaren 6a
  • Tokia: Eibar - Markeskoa Jauregia
  • Nola heldu: https://labur.eus/UEUEibar
  • Ordutegia: Asteartea. 10:00-18:00
  • Izaera: Presentziala
  • Ordu kopurua: 8.00 ordu
  • Matrikula-epearen hasiera: 2021(e)ko maiatzaren 17a
  • Matrikula-epearen bukaera: 2021(e)ko uztailaren 1a

Filosofiaren historian zehar emakumeen* izenak, ahotsak eta ekarpenak ikusiezin izatera kondenatuak izan dira. Injustizia hori salatzeko eta iraultzen hasteko saiakera egin nahi dugu ikastaro honetan. Emakumeen* ikusezintasuna nabarmentzea ezinbestekoa da horri konponbidea lortzeko, beraz, injustizia hori ikertzea izango da lehen pausua. Emakumeen* aldeko borrokan jardun duen feminismoaren ekarpenak hausnartzeko tarte bat izango dugu. Ondoren, filosofa ezberdinen proposamenak aurkezteko txanda izango da, antzinako eta egungo emakumeenak*. Atal praktikoan, emakumeen* izen eta proposamenak bigarren hezkuntzan nola txertatu daitezkeen ikertuko dugu, Agora Filosofia Elkartetik materialak aurkeztuz eta irakasleon saretzea bultzatuz. Solasaldi batekin emango diogu amaiera mahai-inguru bakoitzari. Hizlarien ekarpenak argitaratuko dira material erabilgarri bilakatzeko.

Ikastaro hau UEUk eta Agora Filosofia Elkarteak elkarlanean antolatu dute.

Irakasleak

  • Alaitz Aizpuru Joaristi

    Filosofian lizentziatua. 56ko belaunaldia deitu ohi denean aditua. Bereziki Txillardegiren eta Joxe Azurmendiren pentsamendua landu du. UEUkidea.

  • Maite Arraiza Zabalegui

    Filosofian lizentziatua. Egun, tesi doktorala amaitzen.

  • Agustin Arrieta Urtizberea

    Filosofian doktorea. UPV/EHUko irakaslea.

  • Yolanda Barrios Colodron
  • Idurre Eskisabel Larrañaga

    Kazetaritzan lizentziatua, UPV/EHUko irakaslea.

  • Arantza Etxeberria Agiriano
  • Naiara Gago Povedano
  • Lore Lujanbio Etxeberria
  • Maitane Nerekan Umaran
  • Iratxe Retolaza Gutierrez

    UEUko Literatura saileko sailburua. Euskal Filologian lizentziatua. UPV/EHUko irakaslea. Aldizkari eta egunkarietako kolaboratzailea.

  • Irati Zubia Landa

Helburuak

  • Injustizia epistemikoak mahaigaineratzea: filosofiaren historian emakumeek jasan duten ikusezintasuna azaltzea.
  • Pentsamendu feministak filosofian izan dituen ekarpenak ezagutaraztea.
  • Emakume filosofoen proposamenak ezagutzera ematea.
  • Bigarren hezkuntzako Curriculumean dagoen gabezia estrukturala agerian uztea eta materialak sortzea.

Edukiak

4 mahai-ingurutan banatuko da jardunaldia, hiru saio teoriko eta praktiko bat.

  • Lehen mahai-ingurua: Testuinguruaren eguneratzea: filosofiaren hutsuneak agerian utziko ditugu, filosofiaren historian pentsamendu feministak egin dituen ekarpenak seinalatuz.
  • Bigarren mahai-ingurua: Gakoak birplanteatzen: indarrean dauden kontzeptu batzuk landuko ditugu: zaintza, injustizia epistemikoak eta feminismoaren erronkak.
  • Hirugarren mahai-ingurua: Izen propioak: emakume filosofo batzuen proposamenak ezagutzera emango ditugu (Simone de Beauvoir, Hannah Arent eta Virginia Woolf).
  • Laugarren mahai-ingurua: Emakume filosofoak Bigarren Hezkuntzako Curriculumean: Bigarren Hezkuntzako gabeziak estaltzeko proposamen berriak aurkeztu eta bultzatuko ditugu.

Mahai-inguru bakoitzaren amaieran solasaldi irekia zabalduko da.

Nori zuzendua

Gaian interesa duen orori zabaluta, Filosofia irakasleei bereziki.

Egitaraua

2021-07-06
Ordua Edukiak Irakaslea
10:00-11:30

1. Mahai-ingurua: Testuinguruaren eguneratzea.

  • Euskal pentsamendua eta feminismoa: non dira gurutzaketak? Idurre Eskisabel, Kazetaria eta antropologoa, UPV/EHUko kazetaritza irakaslea.
  • Hilekoa eta subjektu filosofikoa. Arantza Etxeberria, Filosofia irakaslea UPV/EHUn.
  • Pentsamendu feminista filosofiarako sarreran. Agustin Arrieta, Filosofia irakaslea UPV/EHUn.

Solasaldia.
11:30-12:00

Atsedenaldia.
12:00-13:30

2. Mahai-ingurua: Gakoak birplanteatzen.

  • Zaintza eta gobernamentalitate neoliberala. Lore Lujanbio, Filosofia politikoan doktoregaia UPV/EHUn.
  • Injustizia epistemikoak: Agorara sartzeko zailtasun bat gehiago. Irati Zubia, Filosofian doktoregaia UPV/EHUn.
  • Zaintzaren filosofia. Maite Arraiza, Filosofian doktorea UPV/EHUn.
Solasaldia.
13:30-15:00

Bazkaltzeko tartea.
15:00-16:30

3. Mahai-ingurua: Izen propioak.

  • “X ez da jaiotzen: egin egiten da”. Simone de Beauvoir eta euskal pentsamenduak topo egin zutenekoa. Alaitz Aizpuru, Filosofian lizentziaduna UPV/EHUn. Elkar Argitaletxean dihardu.
  • Hannah Arendt, pentsatzeko ausardia. Yolanda Barrios, Bigarren Hezkuntzako Filosofia irakaslea.
  • Virginia Woolf, pentsamendu bat norberarena. Iratxe Retolaza, Emagin elkarteko kidea (Ikerketa eta Formazio Feminista).
Solasaldia.
16:30-17:00

Atsedenaldia.
17:00-18:00

4. Mahai-ingurua: Emakume filosofoak BHko Curriculumean.

  • Bidea egiteko proposamenak. Maitane Nerekan eta Naiara Gago, Bigarren Hezkuntzako Filosofia irakasleak. Agora Filosofia Elkartekideak.

Matrikulaziorako argibideak

TALDEA BETE EGIN DA (2021-06-25, 20:00). Itxaron zerrendan ireki da, eman izena baina ez egin ordainketarik.

  • Matrikulatu aukera sakatu (goian izenburuaren azpian) eta han agertutako zaizun fitxa bete.
  • Matrikula-orria bete ondoren, mezu bat jasoko duzu zure posta elektronikoan, matrikularen eta ordainketaren inguruko argibideekin.
  • Ez baduzu mezurik jasotzen, akatsen bat izan da. Horrela bada, jarri gurekin harremanetan: 943 82 14 26, i.iciar@ueu.eus, (Irati).
  • Hemen UEUren matrikulazio-araudi orokorra.
  • Diru-laguntzen informazioa.

Oharrak

COVID-19 izurrite egoeran ikastetxeek jarraitu beharreko prebentzio-, segurtasun- eta higiene-neurri berdinak jarraituko dira gure egoitza eta jardueretan. Hona argibideak: UEUren prebentzio-neurriak.

Etiketak

UI49, emakumeak, feminismoa, bigarren hezkuntza
UEU365
Prest_Gara 2022/2023 ikasturterako UEUren eskaintza

2022/05/19

Graxi Irigaray: “Helburua Ipar Euskal Herria harrera lekua izateaz gain, sormen lurraldea ere izatea da”

2022/04/20

Eneko Mendiluze: “Lehenengo pausua psikologo euskaldunen sarea osatzea, egonkortzea eta elkarlana sustatzea da”

2022/04/07

ETIKETAK