Udako Ikastaroak :: Hizkuntzalaritza
Euskaldun guztiok bi hizkuntza (gutxienez) ikasi eta erabiltzen ditugu gure eguneroko bizitzan. Baina zein eragina dauka elebitasunak hizkuntzaren jabekuntzan eta erabileran edo hizkuntzen patologietan? Nola lortzen dugu uneoro erabili nahi dugun hizkuntza egokia hautatzea, edo hizkuntza batetik bestera nahi dugunean aldatzea? Eraginik ba al du gure hizkuntzaren erabileran geure bi hizkuntzek ezaugarri tipologiko bereizle nabariak izateak euren artean? Berdin prozesatzen al ditugu gure bi hizkuntzak? Ikastaro honetan psikohizkuntzalaritza eta neurohizkuntzalaritza arloetatik elebitasunari buruz lortutako azken aurkikuntza nagusiak erakutsiko dira modu ulergarri batean. Horretarako, elebitasuna ikertzen diharduten punta-puntako euskal ikertzaileek jarraitzeko errazak izango diren ikastaro hezigarriak emango dituzte afasiaz, fonologiaz, hiztegigintzaz, sintaxiaz, semantikaz edota elebiduna izatearen ondorio kognitiboez.
UPV/EHUko irakasle-ikertzailea, Oinarrizko Psikologia Prozesuak eta Garapen sailean. Elebidunen irakurketa prozesuen jabekuntza eta erabileran aditua. Psikologian egin zuen doktoretza Universitat de Valencian.
Ikertzailea University of Groningenen non Neurozientzia Kognitiboan doktoretza lortu zuen 2017. urtean. Garuneko hizkuntza patologietan aditua.
Nebrija Unibertsitateko ikertzaile nagusia. Eleaniztasunaren oinarri neurobiologiko eta kognitiboetan aditua. Ehundik gora argitalpen zientifiko punta-puntako aldizkarietan.
@jdunabeitia
UPV/EHUko ikertzaile, master eta graduko irakasle, eta Lingüística/Linguistics Doktorego programako batzorde akademikoko kidea Euskal Herriko Unibertsitatean (EHU/UPV)
@kepaerdozia
UPV/EHUko Katedraduna. Sintaxian eta elebitasunean aditua. Gogo Elebiduna taldeko zuzendaria. MIT-n burutu zuen doktoretza 1990. urtean. University of Rochestereko irakaslea izan zen, eta irakasle gonbidatua Viena, Utrecht, Napoles eta Rio de Janeiroko unibertsitateetan. Jakiundeko kidea da.
@itziarlaka
Universität Hildesheimeko IwSit institutuan ikertzailea eta EHUko irakasle-ikertzailea. Giza-Zientzia Digitaletan eta Lexikografia konputazionalean aditua. Euskal Filologian doktore Miren Azkaretern zuzendaritzapean egindako tesiari esker.
UPV/EHUko ikertzailea. Doktorego tesia burutzen dihardu euskara-gaztelania elebidunen hizkuntza prozesamenduaren inguruan, argumentu egitura eta kasu sistemari arreta berezia jarriz.
UPV/EHUko irakasle-ikertzailea. Korpusen erabilera eta ustiaketan aditua. Tesia burutzen ari da Itziar Lakaren zuzendaritzapean.
@aloxieusko
Baionako IKER-UMR5478ko ikertzailea. Hizkuntza patologiak dituzten gaixoen prozesamenduan eta hauen ebaluaketan aditua. Doktorego tesia Université Toulouse Le Mirail-en burutu zuen.
Ramón y Cajal ikertzailea EHUn. Elebitasunean eta hizkuntza hautaketa prozesuetan aditua. Zientzia Kognitiboak eta Hizkuntzan doktorea (Universitat de Barcelona). Jakiundeko kide urgazle gaztea da.
@porrupi
UPV/EHUko irakasle-ikertzailea. Elebidunen perpaus prozesamenduan eta neuroirudien teknikan aditua.
UZTAILAK 4, osteguna
9:00-9:05 - Ongietorria.
9:05-10:00 - Elebitasunaren neurokognizioa: Ikuspegi orokorra.
10:00-11:00 - Irakurmenaren garapena eta elebitasuna: Aurkikuntzak eta hezkuntzarako jarraibideak.
11:00- 11:30 - Atsedena.
11:30-12:20 - Emozioak eta bigarren hizkuntzen jabekuntza: Olioa eta ura?
12:20-13:10 - Lexikoa eta flexioaren azterketa translinguistikoa hizkuntza arazoak dituzten haur eta heldu eleanizdunengan.
13:10-14:00 - Afasiaren diagnostikoa eta terapia pertsona elebidunetan: Eraginkortasuna eztabaidan.
Miren Arantzeta. Groningeneko Unibertsitateko ikertzailea
UZTAILAK 5, ostirala
9:00-10:00 - Bi hizkuntza garun bakarrean: Cómo controlamos zein hizkuntzatan hitz egin nahi dugun?
10:00-11:00 - Bigarren hizkuntza prozesatzen: Zerk eragiten dio?
11:00- 11:30 - Atsedena.
11:30-12:20 - Garunaren elektrofisiologia eta euskara.
12:20-13:10 - Itzulpen-baliokidetasuna hiru dimentsiotan: Kognizioa, itzulpengintza eta hiztegigintza.
13:10-14:00 - Corpusak: Datuen altxor ezkutua.
Punta-puntako ikertzaileek 40-45 minutuko hitzaldiak emango dituzte eta ondoren 5-10 minutuko eztabaidak egongo dira ikasleekin, hizlariak berak bideratuta.
Hizkuntza ikertzaileei.
Hizkuntza arloko profesionalei.
Hizkuntza irakasleei.
Hizkuntzen erabileran, prozesamenduan eta elebitasunean interesa duen orori.
Eusko Jaurlaritzak Euskal Autonomia Erkidegoko unibertsitateaz kanpoko irakasleentzako prestakuntza-ikastaro moduan homologatuta. Homologazio kodea: 1968348020
Ebaluaziorako irizpideak:
Ikastaroko parte-hartze ziurtagiria lortzeko ondoko baldintzak bete beharko ditu ikasleak:
