Udako Ikastaroak :: Sexologia

Sexuaren eraikuntza norberarengandik.

  • Izaera: Presentziala
  • Ordu kopurua: 11.00 ordu
  • Matrikula-prezioak: Orokorra: 55,00 €. Ikasle, langabe eta erretiratuak: 49,50 €. Bazkideak: 41,00 €
  • Matrikula-epearen hasiera: 2018(e)ko maiatzaren 14a
  • Matrikula-epearen bukaera: 2018(e)ko uztailaren 2a

Sexualitatearen inguruan, gaur egun ere, ezjakintasun, mito eta sineskeria ugari ikus dezakegu. Ikastaro honen helburua ikasleei erremintak ematea da hauek deseraikitzen hasteko, sexualitatearen ulermen hobe bat izan dezaten desinformazio, gain-informazio eta aurreiritziei aurre eginez.

Ikasleei, ahalik eta erarik dinamiko eta interaktiboenean sexualitatea, sexua, erotika, orientazioa eta plazera bezalako kontzeptuen inguruan hausnarketa eragingo zaie, azkeneko ikasketa eurena izanik.

Beraz, sexualitatea ezagutzeko grina baduzu, aurreiritziak albora utzi eta zeure burua eraikitzen jarraitu nahi baduzu, txoko bat daukazu gure artean!

Irakasleak

  • Iñaki Dorronsoro Maioz

    UEUko sexologia sailburua da 2018tik.

  • Elizabeth Olaskoaga Ezeiza

    Hirusta Kolektiboko kidea da. Pedagogia ikasketak egin ondoren sexologiaren munduan sartu zen aholkularitzan eta irakaskuntzan. Nerabeekin, gurasoekin, emakume taldeekin. UEUkidea.

Helburuak

  • Sexualitatearen inguruko beharrezko kontzeptu batzuk ulertzea.
  • Kontzeptu horiek norberarengan identifikatzea, norbere sexualitatea ulertzeko.
  • Ikasleei erremintak ematea lan honetan sakontzeko.

Edukiak

  • Sexua, sexualitatea eta erotika
  • Orientazioa eta erakarpena
  • Plazeraren ezagutza eta ulermena ardatz
  • Tabuak, mitoak, praktikak eta zailtasunak

Metodologia

Ahalik eta metodorik dinamikoenak erabiltzen saiatuko gara. Ikasleak eroso senti daitezen joko eta ariketatxoak erabiliko dira aurkezpenetan eta ikasleen iritzi eta zalantzak argitzera ematea eskatzen duten puntuetan, ondoren lanketa bat eginez guztien artean eta beharrezko azalpen eta zuzenketak eginez irakasleak. Baita ere, multimedia baliabideak erabiliko dira gai batzuk jorratzeko, ondoren berriz ere denen artean lanketa bat eginez eta ondorioak ateraz.

Nori zuzendua

Sexualitatea ulertzeko eta halaber alderdi horretan hazteko interesa duen edonori, edota sexologiaren munduan bertan hastapenak egiteko asmoa duen edonori.

Matrikulaziorako argibideak

  • Matrikulatu aukera sakatu (goian dago, izenburuaren azpian) eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: 943 821426, i.iciar@ueu.eus, (Irati).
  • Hemen UEUren matrikulazio-araudi orokorra.
  • Diru-laguntzen informazioa.

Oharrak

Euskal Autonomia Erkidegoko unibertsitateaz kanpoko irakasleentzako prestakuntza-ikastaroak homologatzeko prozeduran onartutako ikastaroa (2018ko ekainaren 6ko ebazpena).

Homologazio kodea: 1868348019

Parte-hartze ziurtagiriaren inguruko xehetasunak:

  • %80ko asistentzia beharrezkoa da ziurtagiria lortzeko (egunero pasatzen den asistentzia-orriaren arabera kontrolatzen da).
  • Ikastaroa amaitu ondoren, akta bidaliko da Jaurlaritzara. Akta hori jaso eta 60 egunetara parte hartzea baliagarri izango da.

Babesleak

Etiketak

ikastaroak, eibar, sexologia

Copyright @ 2018 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.