Udako Ikastaroak :: Lurraldea-antolaketa, Arkitektura

Bazkide egin zaitez

Euskal paisaiak 2050: Eibarko erronkak aztertuz lurralde zabalerako aukerak sortzeko.

Inprimatu
  • Izaera: Presentziala
  • Ordu kopurua: 12.00 ordu
  • Matrikula-epearen hasiera: 2017(e)ko maiatzaren 22a
  • Matrikula-epearen bukaera: 2017(e)ko uztailaren 3a

Euskal paisaiak hainbat erronka dauzka mahai gainean. Faktore sozioekonomiko nahiz fisikoek eragin zuzena dute etorkizun hurbilerako aurreikusten den egoeran.

Alde batetik populazioaren zahartze-prozesu geldiezinari eta produkzio-modu berriei dagozkien beharrizanak daude. Bestalde morfologikoki oso mugaturik dagoen orografia bati aurre egin behar zaio.

Eibar herria historikoki gai izan da dentsitate altua eta erabilera anitzak nahastearen bitartez paisaia honetara ederki egokitu den ingurumena eraikitzeko. Halere, bere baitan zituen industria gehienak erabilera barik geratu dira. Erabil genezake kasu hau lagin moduan, euskal paisaia itxuratuko duen talde esperientzia bat eraikitzeko? Baiezkoan gaude, eta eginez ikastean oinarrituriko tailer bat abian jarriko dugu horretarako.

Irakasleak

  • Gaizka Altuna Charterina

    Madrilgo Unibertsitate Politeknikoko Arkitektura Proiektu Sailean Doktoregaia. Arkitektura Proiektu Aurreratuetan Masterra Madrileko Arkitektura Goi Eskola Teknikoaren bitartez. Arkitektoa Arkitektura Donostiako Goi Eskolaren bitartez.

  • Ibone Arreche Eriz

    Arkitektoa. Donostiako Goi Eskola Teknikoan lizentziatua. Hirikiten taldeko kidea.

  • Itxaso Ceberio Bergés

    Arkitektoa. Nafarroako Unibertsitateko Goi Mailako Arkitektura Eskola Teknikoan lizentziatua, Berlage Institutuan (Herbehereak) Arkitektura eta Hirigintzan diplomatua, Madrilgo Goi Mailako Arkitektura Eskola Teknikoan (ETSAM). Hirigintza Masterra egindakoa.

  • Ezekiel Collantes Gabella

    Arkitektoa. Donostiako Arkitektura Goi Eskolako Teknikoko irakaslea (UPV/EHU). Hirikiten taldeko kidea.

  • Itsaso Goñi Martinez

    Arkitektoa. Madrilgo Goi Mailako Arkitektura Eskola Teknikoan (ETSAM ) Hirigintza Masterra egindakoa. Hirikiten taldeko kidea.

  • Arantzazu Luzarraga Iturrioz

    Arkitektoa. Paisaia eta Ingurumenan diplomatua (ETSAUN). Arkitektura-proiektu aurreratuetan Masterra (ETSAM). Madrilgo Goi Mailako Arkitektura Eskola Teknikoko (ETSAM) Proiektu Sailean doktoretza-ikaslea.

Helburuak

  • Euskal biztanleriaren zahartze eta gainbeherak suposatzen duen erronkari buruz hausnartzea.
  • Teknologiari loturiko produkzio modu berriek behar dituzten espazio fisikoak nolakoak diren atzematea.
  • Arlo bi hauek uztartu eta Eibarreko paisaia desindustrializatua lanerako kasutzat hartuz, euskal lurralde eta paisaiara estrapolatu daitekeen esperientzia eraikitzea.

Edukiak

  • Hirigintzan erabiltzen den Ahultasunak-Mehatxuak-Sendotasunak-Aukerak (AMSA) taula lanerako tresna gisa harturik, tailer formatuko ikastaro praktikoa eskainiko da.
  • Eibarko orografia zaila eta erabilera anitzetan eskarmentua barne-jatorria duten ezaugarriak dira, hiriaren bereizgarriak. Aldiz, egungo gizarteak dakartzan mehatxuak eta aukerak,populazioaren gainbehera eta lan-egiteko era berriak kasu, kanpo-jatorrizkoak.
  • Ahultasun, mehatxu, sendotasun eta aukeren arteko erlazioak arakatuko ditugu etorkizuneko euskal paisaiaren irudiak pentsatzeko asmoz.

Metodologia

Lehenengo egunean (uztailak 12), goizean sarrerako lau mikro-hitzaldi, hitzaldi instrumental bat eta arratsaldean “deriba” gidatua Hirikiten kolektiboaren eskutik.

Bigarren egunean (uztailak 13), goizean lehenengo eguneko hausnarketak batuko dituen talde-dinamika eta tailerra, arratsaldean taldean landutako proiektuaren aurkezpena eta hausnarketa kolektiboa mahainguru formatuan.

Nori zuzendua

Aztertuko den gaia interes orokorrekoa izanik ikastaroa publiko zabalari bideratuta dago. Tailer formatua arkitektura ikasleentzako ezagunagoa izan arren euskal lurralde eta paisaiaren etorkizunean interesa duen edonorentzat zabalik dago ikastaroa.

Matrikulaziorako argibideak

  • Matrikulatu aukera sakatu (izenburuaren azpian dago) eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioaren inguruko argibideekin.
  • Ez baduzu mezurik jasotzen, akatsen bat egon dela adierazten du. Horrela bada, jarri gurekin harremanetan: 943 82 14 26, i.iciar@ueu.eus (Irati).
  • Hemen UEUren matrikulazio-araudi orokorra.
  • Diru-laguntzen informazioa.

Oharrak

Euskal Autonomia Erkidegoko unibertsitateaz kanpoko irakasleentzako prestakuntza-ikastaroak homologatzeko prozeduran onartutako ikastaroa (2017ko apirilaren 27ko ebazpena).

Homologazio kodea: 1768348018

Parte-hartze ziurtagiriaren inguruko xehetasunak:

  • %80ko asistentzia beharrezkoa da ziurtagiria lortzeko (egunero pasatzen den asistentzia-orriaren arabera kontrolatzen da).
  • Ikastaroa amaitu ondoren, akta bidaliko da Jaurlaritzara. Akta hori jaso eta 60 egunetara parte hartzea baliagarri izango da.

Babesleak

Etiketak

ikastaroak, Eibar, populazio-zahartzea, produkzio modu berriak, sozioekonomia, hausnarketa, etorkizuna
UEU365
Ainhoa Uriarte: “Gure hezkuntza sistemak entzutera behartzen ditu ikasleak”

2021/04/20

Uxune Martinez: “Opakutasunak beldurra sortzen du, gardentasunak konfiantza sortzen duen bitartean”

2021/03/29

Ander Izagirre: “Ikusten ez ditugun izaki bizidun mordoaz inguratuta gaude”

2021/03/05

ETIKETAK