Udako Ikastaroak :: Hezkuntza, Psikologia, Psikopedagogia

Bazkide egin zaitez

Visual Thinking hezkuntzan: ikasten ikasteko tresna.

Inprimatu
  • Izaera: Presentziala
  • Ordu kopurua: 15.00 ordu
  • Matrikula-epearen hasiera: 2017(e)ko maiatzaren 22a
  • Matrikula-epearen bukaera: 2017(e)ko ekainaren 19a

Ikastaro honen xedea irakaskuntzan ohikoak ditugun edukiak modu eraginkor eta eraikitzailean lantzeko moduak lantzea da. Horretarako, edukiak sailkatzeko, antolatzeko, eskematizatzeko eta informazio hori modu bisualean lantzeko adibideak ikasi eta landuko dira. Gisa horretara informazioa barneratzeko, kudeatzeko eta aurkezteko beste modu batzuk esperimentatu ahal izango ditugu gure ikasleekin, baita talde-lana zein jarduera indibiduala uztartzeko metodologia garatu ere.

Irakasleak

  • Joseba Beramendi Nazabal

    Exprai. Marrazkilaria eta diseinatzailea. Hainbat hedabidetan kolaboratzailea. Visual recording saioak egin izan ditu eta baita antzeko ikastaroak EAEko Bigarren Hezkuntzako irakasleentzat.

  • Mikel Lizaso Odriozola

    Kazetaria (10 urtez) eta Bigarren Hezkuntzako irakaslea (zortzi urtez). Antzeko ikastaroak eman izan ditut EAEko Bigarren Hezkuntza irakasleentzat.

Helburuak

  • Ikasleek informazio barneratu, kudeatu eta aurkezteko moldeak esperimentatu.
  • Metodo hauen bidez talde zein bakarkako lana, digitalean zein paperean, lantzeko ematen dituen aukerak arakatu.
  • Idatzizko zein ikus-entzunezko edukien kudeaketa eraginkorra eta errepresentazio bisuala landu.
  • Marrazkiak egiteari diogun beldurra gainditu.

Edukiak

  • Sarrera: visual thinking kontzeptua landu.
  • Idatzizko edukien eskematizazioa: mapa mentalak.
  • Mapa mentalak paperean eta digitalean.
  • Mapa mentalak azaldu.
  • Teknika hauek taldeka eta bakarka lantzeko ematen dituen aukerak.
  • Marrazketari beldurra kentzeko teknika errazak.
  • Errepresentazio bisual baten konposaketa eta antolaketa.
  • Ideia klabeak modu bisualean lantzeko aukerak. Zein izan daiteke eskemarik egokiena?
  • Ikonografia.
  • Ideien hierarkia.
  • Tipografiak eta hauen erabilera.
  • Visual thinking adibide bat landu parte-hartzaile bakoitzak irakasten duen irakasgaian.
  • Ikus-entzunezko eduki bat (bertso bat) landu, aurkeztu eta aztertu.

Metodologia

Metodologiak teoria eta praktika konbinatuko ditu. Tekniken aplikazio praktikoa erakutsiko da. Geletan ariketa praktikoa egiteko jarraibideak azalduko dira. Partaideen arteko lankidetzarako Web 2.0 (blogak, webguneak...) tresnak erabiliko dira.

Nori zuzendua

Irakasleei, ikasleei eta edukiak modu eraginkor eta bisualagoan lantzeko interesa duen edonori.

Matrikulaziorako argibideak

  • Ikastaroa DOAKOA da baina ezinbestekoa da aurretik izena ematea.
  • Matrikulatu aukera sakatu (izenburuaren azpian dago) eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioaren inguruko argibideekin.
  • Ez baduzu mezurik jasotzen, akatsen bat egon dela adierazten du. Horrela bada, jarri gurekin harremanetan: 943 82 14 26, i.iciar@ueu.eus (Irati).
  • Hemen UEUren matrikulazio-araudi orokorra.
  • Diru-laguntzen informazioa.

Oharrak

Ikastaroaren alde praktikoa lantzeko, komeni da partaide bakoitzak bere ordenagailua edo tableta ekartzea. Ez da ezer instalatu behar, interneteko baliabideak erabiliko dira.

Ikastaroak 15 orduko balio akademikoa izango du eta horretarako ikasleak 3 orduko lan pertsonal bat egin beharko du.

Babesleak

Etiketak

ikastaroak, sormena, irudiak, marrazkiak, ideiak, hezkuntza
UEU365
Iñaki Dorronsoro: “Bioekonomiaz hitz egin beharrean, bio-sozio-ekonomia-politika-kulturaz arituko nintzateke”

2021/11/16

Abel Camacho: “Euskal Unibertsitatea sortzea da gure azken xedea eta, bide horretan, Euskal online unibertsitatea bideragarria dela ikusten dugu”

2021/11/15

“Enpresak beren negozioen etekinengatik ez ezik, gizarteari egindako ekarpen jasangarriengatik ere hasi dira balioztatzen”

2021/11/11

ETIKETAK