Jardunaldiak :: Lurraldea-antolaketa, Soziolinguistika

Bazkide egin zaitez

Lurraldea eta Hizkuntza. Erronkak & Tresnak. II. Jardunaldiak.

Inprimatu
  • Izaera: Presentziala
  • Ordu kopurua: 15.00 ordu
  • Matrikula-epearen hasiera: 2014(e)ko abenduaren 1a
  • Matrikula-epearen bukaera: 2015(e)ko otsailaren 4a

Lurralde-antolakuntzaren eta hizkuntza-dinamiken arteko harreman estu bezain ahaztuaz hausnartu genuen I. Jardunaldian (Lurraldea eta Hizkuntza. Hizkuntza eta Lurraldea I. Jardunaldiak) pasa den urtarrilean. Hirigintzaren eta euskararen arteko erlazio kezkagarri horretan gehiago sakontzeko asmoarekin antolatu dugu Lurraldea eta Hizkuntza II. jardunaldia 2015ean. Oraingoan, lurralde-antolakuntzan hizkuntza-irizpideak txertatzeko erronka eta tresna zehatzei buruz jardungo dugu. Arkitektura juridiko berri baten osaeraz hitz egiteko garaia delako; hirigintzaren alorreko erabaki itzal handikoen eragin linguistikoak aurreikusten eta bideratzen bermatuko duen testuinguru legal baten premia baitugu. Pertsonaltasun-printzipiotik lurraldetasun-printzipiora doan jauzi kualitatiboaz solastatuko gara, euskaldunen bizitoki geografikoak hauskortasun berezia duelako urbanizazio-prozesu desorekatzaileen aurrean. Euskararen arnasguneak babestea ez ezik, bihotz-gune ezinbesteko horiek zabaltzea ere helburu duten ekimenei aterki juridikoa emateko oinarriak inoiz baino beharrezkoago ditugulako.

 

UEUrekin elkarlanean antolatzaile:

 

 

Eskuratu hemen jardunaldi honetako hitzaldiak eta aurkezpenak jasotzen dituen liburukia: LUHI2. Erronkak eta tresnak.

Irakasleak

  • Igor Ahedo Gurrutxaga

    EHUko irakaslea.

  • Goio Allika Anduiza

    Bai Arkitektura Bai Hirigintza SL

  • Joxean Amundarain Iturrioz

    GFAko Hizkuntza Normalkuntzako arduraduna.

  • Goizane Arana Arexolaleiba

    UEMAko teknikaria.

  • Iratxe Arriola Alzola

    Abokatua. DOT-Desazkundea.

  • Paul Bilbao Sarria

    Kontseilua Euskararen Gizarte Erakundeen Kontseiluaren idazkari nagusia

  • Imanol Esnaola Arbiza

    Filologian lizentziatua, Gaindegiako koordinatzailea, UEUkidea.

    Twitter: @imanolesna

  • Eneko Etxeberria Bereziartua

    Azpeitiko alkatea.

  • Iñaki Iurrebaso Biteri

    Soziolinguistika Klusterreko kidea.

  • Itsaso Olaizola Azurmendi

    Zuzenbidean eta magisteritzan lizentziatua. Kutxa Ekoguneko proiektu kudeatzailea eta hizkuntza-ekologia arduraduna. UEUkidea eta LUHI graduondoko Batzorde Akademikoko kidea.

  • Miquel Pasqual Garcias

    OCB-Obra Cultural Balear.

  • Eva Pons Parera

    UB - Bartzelonako Unibertsitateko irakaslea.

  • Iurdana Txintxurreta Rotaetxe

    Bai Arkitektura Bai Hirigintza SL

  • Iñigo Urrutia Libarona

    Zuzenbidean doktorea. UPV/EHUko irakaslea.

  • F. Xavier Vila Moreno

    UB - Bartzelonako Unibertsitateko irakaslea.

Helburuak

  • Urbanizazio-prozesu desorekatzaileen aurrean euskaldunon habitatak duen hauskortasunaz hausnartzea.
  • Eragin kaltegarri hori ekidin egiteko hartu beharreko neurri juridiko, urbanistiko eta linguistikoez hausnartzea.
  • Euskaldunon habitata (ere) babeste aldera, pertsonaltasun-printzipio juridikotik lurraldetasun-printzipiora doan jauziaz ohartaraztea.

Metodologia

Hitzaldiak, mahai-inguruak eta tailerrak garatuko dira.

Nori zuzendua

Jardunaldia hizkuntzalaritzaren inguruko adituei zuzentzen zaie bereziki: soziolinguistei, euskara-teknikariei, eta, oro har, euskara indarberritzeko interesa duten guztiei. Halaber, hainbat diziplina arteko gaia izaki, beste zenbait aditurentzat ere interesekoa izango da: geografoentzat, arkitektoentzat, hirigileentzat eta legelarientzat, batik bat.

Egitaraua

2015-02-05
Ordua Edukiak Irakaslea
08:30-09:00

Harrera eta dokumentazio banaketa.
09:00-09:30

Jardunaldiari sarrera.

  • Zigor Etxeburua, GFA.
  • Maren Belaustegi, UEMA.
  • Paul Bilbao, Kontseilua.
  • Iñaki Alegria, UEU.

Ikusi hemen atal honen bideoa: Sarrera.
09:30-11:30

1.blokea: sarrera.

  • Sarrera. Udalerri euskaldunen garrantzia euskararen normalizazio prozesuan.
  • Azterketa: Udalerri euskaldunetako aldagai sozial eta ekonomiko zenbaiten bilakaera. Imanol Esnaola, Gaindegia.
  • Azterketa: Udalerri euskaldunetako bilakaera soziolinguistikoa EAEn, 1981-2011. Iñaki Iurrebaso, Soziolinguistika Klusterra. (Aurkezpena)
  • Galderetarako tartea.

Atal honetako bideratzailea: Miren Segurola, UEMA

Ikusi atal honen bideoa: 1. blokea.
11:30-12:00

Atsedena
12:00-13:30

2. blokea: Lege aterkia.

Mahai ingurua:

  • ''No vull més fronteres!” Discursos i argumentacions sobre el principi de territorialitat lingüística en el capitalisme tardà''. (Ez ditut muga gehiago nahi! Lurraldetasun linguistikoaren printzipioari buruzko diskurtso eta argudiaketak kapitalismo berantiarrean.) F. Xavier Vila, Bartzelonako Unibertsitatea.
  • ''Projeccions i límits del principi de territorialitat.'' (Lurraldetasun printzipioaren etorkizun eta mugak.)  Eva Pons, Bartzelonako Unibertsitatea.
  • ''Euskarazko udal jarduerek ba al dute lege babes eraginkorrik?'' Iñigo Urrutia, UPV/EHU (Aurkezpena)

Moderatzailea: Paul Bilbao, Kontseilua.

Ikusi hemen atal honen bideoa: 2. blokea.
13:30-15:00

Bazkaltzeko etena
15:00-18:00

3. blokea: Diziplinartea eta esperientziak.

  • ''La llengua catalana a les Illes Balears avui.'' (Katalana Balear Uharteetan gaur egun). Miquel Pasqual, OCB-Obra Cultural Balear. (Testua)
  • ''Lurralde-antolaketa eta komunitatearen garapena''. Igor Ahedo, UPV/EHU. (Aurkezpena)
  • ''Lurralde Antolaketako Artezpideak: Hizkuntza eta edukiaren uztartzea.'' Iratxe Arriola, DOT-Desazkundea. (Aurkezpena)
  • ''Eguneroko errealitatea udal batetik.'' Eneko Etxeberria, Azpeitiko alkatea. (Aurkezpena)
  • ''Hizkuntza-ekologia paradigma: Ekologiaren ikuspuntu, kontzeptu eta teknikak hizkuntzen babeserako.'' Itsaso Olaizola, Ekogunea.
  • Mahai ingurua.

Atal honetako bideratzailea: Unai Fernandez de Betoño, UEU

Ikusi hemen atal honen bideoak: 3.blokea (1.bideoa) eta 3. blokea (2.bideoa).
2015-02-06
Ordua Edukiak Irakaslea
08:30-09:00

Harrera.
09:00-12:00

4. blokea: praktika.

Tailerra: Eragin linguistikoa ebaluatzeko tresna.

  • Sarrera. Zigor Etxeburua, GFA.
  • Eragin Linguistikoaren Ebaluazioa (ELE) tresnaren ibilbidea. Goizane Arana, UEMA.
  • Tolosaldeko esperientziaren aurkezpena. Hizlariak: Iurdana Txintxurreta eta Goio Allika (Bai Arkitektura Bai Hirigintza) (Aurkezpena)
  • Eragin Lingustikoaren Ebaluzioa (ELE). Sistematizatzeko ereduaren aurkezpena. Goizane Arana, UEMA, eta Joxean Amundarain, GFA. (Aurkezpena)
  • Tailerra: Neurri zuzentzaileak aztergai.

Ikusi hemen atal honen bideoak: 4.blokea (1.bideoa) eta 4.blokea (2.bideoa)
12:00-12:30

Atsedena
12:30-13:00

Jardunaldiaren amaiera eta aurrera begirakoak.

Jardunaldiko Batzorde Akademikoko kideak:

  • Paul Bilbao, Kontseilua.
  • Unai Fernandez de Betoño, UEU.
  • Miren Segurola, UEMA.
  • Iñigo Urrutia, UPV/EHU.

Ikusi hemen atal honen bideoa: Ondorioak.

Matrikulaziorako argibideak

1. MATRIKULA doan da baina jardunaldian parte hartzeko ezinbestekoa da aurretik izena ematea.

Izena emateko argibideak:

  • Matrikulatu aukera sakatu (goian dago, izenburuaren azpian) eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioaren inguruko argibideekin.
  • Doan da, ez egin kasu ordainketa aipatzen duten argibideei.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: 943 82 14 26, i.iciar@ueu.eus (Irati).
  • Hemen UEUren matrikulazio-araudi orokorra.

...

2. BAZKARIA: otsailaren 5ean guztiok batera bazkaltzeko aukera egongo da, argibideak:

  • Aurretik izena eman behar da, idatzi helbide honetara i.iciar@ueu.eus edo deitu 943 82 14 26 (Irati).
  • Alergia edo intolerantziaren bat baduzu, emailean adierazi.
  • Bazkaria 'lunch' moduan izango da, alboko areto baten zutik eta pintxoez osatuta (5 pintxo, postrea eta kafea). Prezioa 15€ dira.

Bestela, aretoaren inguruan badago bazkaltzeko tokirik: I.M. Barriola Zentroa, Gelategiaren azpian kafetegia dago, bazkariak eta otartekoak ematen dituzte.

Oharrak

Jardunaldiko partaideak kontaktuan jarraitzeko helburuarekin, partaideen zerrenda (izen abizenak eta emaila) banatuko da lehen egunean dokumentazioarekin batera.

Zure izena eta emaila dokumentazio horretan EZ baduzu AGERTZEA nahi, matrikula egiterakoan oharretan adierazi mesedez.

Babesleak

Etiketak

jardunaldia, euskara, arnasguneak, zuzenbidea, legedia, desazkundea, parte hartzea, hirigintza, lurralderatzea, eragin linguistikoa
UEU365
UEUdazkena 2021, eskaintza berria prest!

2021/09/06

“Funtsezkoa da Wikipediaren inguruko gogoeta soziolinguistikoari heltzea”

2021/07/20

Mirene Begiristain: “Bizitza bizigarriak egiten dituzten proposamenak planteatu behar ditugu”

2021/07/20

ETIKETAK