Jardunaldiak :: Soziolinguistika, Soziologia

XXI. menderako hizkuntza politikaz jardunaldia.

  • Data: 2022(e)ko urriaren 19a
  • Tokia: Eibar - Markeskoa Jauregia
  • Nola heldu: https://labur.eus/UEUEibar
  • Ordutegia: Asteazkena. 9:00-17:00
  • Izaera: Presentziala
  • Ordu kopurua: 8.00 ordu
  • Matrikula-epearen hasiera: 2022(e)ko irailaren 26a
  • Matrikula-epearen bukaera: 2022(e)ko urriaren 17a

XXI. mendearen lehen laurdenean murgildurik gaudela, mundu mailan sekula ezagutu ez den abiadako aldaketak ari dira gertatzen: robotizazioa, inteligentzia artifiziala, gauzen interneta, teknologia aurrerapenak, informazio joan-etorriak eta, horren guztiaren ondorioz, gizartearen eta bere balioen eraldaketa sakona. Europan batik bat, ingurunea biziki aldatzen ari da migrazio mugimenduek, mugikortasunak eta gizarte batzuen zahartzeak eraginda. Espero daitekeenez, horrek guztiak sekulako eragina izango du identitatearen erreprodukzio sistemetan oro har eta, zer esanik ez, gurea bezalako komunitate/nazio gutxiagotuetan.

Hortaz, hizkuntzen eta identitateen erresilientzia mailak determinatuko du eraldaketa guzti honetatik nola irtengo diren hizkuntzak eta herriak.

Euskal Herrira etorrita, euskararen egungo normalizazio ereduak goia jo duen zantzuak nabari dira hizkuntza zeharkatzen duten arlo gehienetan: hezkuntzan, helduen euskalduntzean edo erakunde publikoen normalizazio prozesuetan, lan munduaren euskalduntzean, kultur transmisioan edota esparru komunikatiboan, besteak beste. Horrek guztiak eragin zuzena dauka euskararen transmisioan eta biziraupenean, kale erabilera datuek adierazten duten bezala.

Aipatu eraldaketa horiek guztiak kontuan izanik gogoeta sakon bat egitea ezinbestekoa dugu, euskararen normalizazioa helburu.

Paradigma aldaketen garaian bizi gara eta egoera berri horietara egokitzeko gaitasuna izateak berebiziko garrantzia izango du. XX. mende amaierako egoerari begira sortutako hizkuntza politikek ez dute seguruenik errealitate berri horri erantzuteko ahalmenik. Gelditu eta ingurura begiratzeko garaia dugu euskararen normalizazio prozesuan, sistemikoak eta egiturazkoak diren eraldaketez ohartzeko eta prospektiboki sakontzeko errealitate horren aurrean euskal botere politikoek (euskal erakundeek) nola jokatu behar duten. XXI. mendeko eta menderako euskararen normalizazio bideetan, aztertu beharra dago botere politikoa nola eta zertarako baliatu euskararen normalkuntza osoa erdiesteko.

XXI. mendeko erronken aurrean zer hizkuntza politika behar dugun argitzeko eztabaidatu beharra dago. Hori da jardunaldi hauen asmoa.

Telesforo Monzon laborategiko Txillardegi Gogoeta Guneak, Jakinek eta UEUk elkarlanean antolatu dugu jardunaldia.

Irakaslea

Egitaraua

2022-10-19
Ordua Edukiak Irakaslea
09:00-09:15

Harrera eta dokumentazio banaketa.

09:15-09:30

Sarrera eta ongi etorria.

  • Kepa Sarasola (UEU)
  • Haritz Azurmendi (Jakin)
  • Malen Dominguez (TMeLab)
09:30-10:00

HITZALDIA: Euskararen egoeraren argazki azkarra.

  • Asier Etxenike (Aztiker)
Moderatzailea: Malen Dominguez (TMeLab)
.
10:00-10:30

HITZALDIA: Hizkuntza politikaren beharraz.

  • Paul Bilbao (Kontseilua)
Moderatzailea: Malen Dominguez (TMeLab)
.
10:30-11:00

Atsedenaldia.

11:00-12:30

MAHAI-INGURUA: Gaur egungo marko legalen mugak eta zirrikituak.

  • Eva Pons (UB)
  • Iñigo Urrutia (UPV-EHU)
Moderatzailea: Zelai Nikolas (abokatua)
.
12:30-14:00

MAHAI-INGURUA: Tokiko hizkuntza politikaren gobernantza: udalak, eskualdeak, arnasguneak.

  • Iraitz Lazkano (UEMA)
  • Celia Rubio (Arrigorriagako udala)
  • Ione Josie (Euskara Hirigune Elkargoa)
Moderatzailea: Aize Otaño (Txillardegi Gogoeta Gunea)
.
14:00-15:00

Bazkalordua.

15:00-16:30

MAHAI-INGURUA: Hizkuntza politika Nafarroan, Ipar Euskal Herrian eta EAEn: uneko egoera, aukerak eta lehentasunak.

  • Iker Salaberria (Txillardegi Gogoeta Gunea)
  • Dabid Anaut (udal teknikaria)
  • Eneko Gorri (Plazara)
Moderatzailea: Malen Dominguez (TMeLab)
.
16:30-16:45

Ondorioak eta aurrera begirakoak.

  • Asier Basurto eta Miren Segurola (Txillardegi Gogoeta Gunea)

Matrikulaziorako argibideak

  • Matrikulatu aukera sakatu (goian dago, izenburuaren azpian) eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: i.iciar@ueu.eus, 943821426 (Irati).
  • Hemen UEUren matrikulazio-araudi orokorra.