Jardunaldiak :: Lurraldea-antolaketa, Soziolinguistika

Bazkide egin zaitez

Lurraldea eta Hizkuntza. Arnasguneen garapen jasangarrirantz. V. Jardunaldiak.

Inprimatu
  • Izaera: Presentziala
  • Ordu kopurua: 5.50 ordu
  • Matrikula-epearen hasiera: 2020(e)ko abenduaren 1a
  • Matrikula-epearen bukaera: 2021(e)ko urtarrilaren 22a

LUHI4 jardunaldietan arnasguneen prebentzioaren ikuspegia gainditu eta lurgune euskaldunen eta arnasguneen garapen iraunkorra bermatzeko oinarriak proposatu genituen. Oinarri horietan sakontzera eta horiek garatu zein zehaztera datorkigu LUHI5 jardunaldia.  

Nazioarteko esperientzien berri izateko, garapen soziekonomiko endogenorako ereduak ezagutzeko, arkitektoen betaurrekoak janzteko eta arnasguneetan oinarritutako hizkuntza politiken ereduan sakontzeko saioa izango da oraingoa.

Izan ere, Lurraldea eta Hizkuntza jardunaldien aurreko edizioek zerbait agerian jarri badute, hori izan da, hizkuntza-politika egin egiten dela politika publiko guztietan, eta politika publiko guztiek badutela eraginik euskararen normalizazio prozesuan; kasu askotan, eragin kaltegarriak, gainera. Eragin hori bereziki nabaria da arnasgune euskaldunetan (euskararen lurgune geografikoak), euskaraz normaltasunez eta naturaltasunez bizi diren herriak eta auzoak izanik, politika publikoak ezartzen baitira horietan, kontuan izan gabe euskararen erabileran duten inpaktua eta, oro har, ezta hizkuntza kudeaketa ere.

Lurraldea eta Hizkuntza jardunaldien edizio berri hau, beraz, aurreko jardunaldietan ikasitakoa osatzera eta zehaztera dator, eginiko ibilbidean pausu bat gehiago ematera, hain zuzen. Horrek ez du eskatzen, inondik inora ere, aurreko jardunaldietan landutakoa ezagutzea, jardunaldi honetan landuko direnak ulertu ahal izateko. Halere, eginiko ibilbidearen berri izan nahi izanez geroz, hemen duzue aurreko edizioetako informazioa:

  1. 2014ko Lurraldea eta Hizkuntza I. jardunaldietan (Lurraldea eta Hizkuntza. Hizkuntza eta Lurraldea) lurralde-antolakuntzaren eta hizkuntza-aldaketaren arteko harreman kezkagarria mahai gaineratu genuen, Eragin Linguistikoaren Ebaluazioa (ELE) izeneko tresna baten beharra agertuz. 
  2. 2015eko Lurraldea eta Hizkuntza 2. jardunaldietan (Lurraldea eta Hizkuntza. Erronkak & Tresnak) ELE tresna horren lehen bertsioa aurkeztu genuen. 
  3. 2016ko LuHi3 jardunaldietan (Lurraldea eta Hizkuntza. Oraina & Geroa) gaiaren lanketa akademikoari jarraipen logikoa emanez, ELE tresnaren oraina eta etorkizuna irudikatu genuen, esperientzia zehatzak aurkeztuz, balizko kalteak apaltzeko neurri zuzentzaileez hausnartuz, eta ELE tresnaren txertaketa legal posiblea iradokiz.
  4. 2018ko LUHI4 jardunaldietan (Lurraldea eta Hizkuntza. Arnasguneen prebentziotik garapenera) prebentzioaren ikuspegitik beste urrats bat aurrerago eginez, lurgune euskaldunen eta arnasguneen garapen iraunkorra bermatzeko oinarriak proposatzera jo genuen.
UEUrekin elkarlanean antolatzaile:
Laguntzailea:
.
>>> Elkarrizketak:
.
.

Metodologia

Jardunaldia streaming bidez zuzenean eman zen.

Nori zuzendua

Gaian interesa daukan edonori.

Egitaraua

2021-01-23
Ordua Edukiak Irakaslea
08:30-09:00

Harrera eta dokumentazio banaketa.
09:00-09:15

Agurra eta jardunaldiaren hasiera.

  • Garbiñe Mendizabal (Gipuzkoako Foru Aldundia).
  • Paul Bilbao (Kontseilua)
  • Iraitz Lazkano (UEMA)
  • Kepa Sarasola (UEU)

>>> Ikusi atal honen bideoa.
09:15-10:45

Gaeltacht-en garapen politika. Bilakaera eta ikasgaiak.

  • Conchúr Ó Giollagáin (University of the Highlands and Islands).
  • Elkarrizketatzailea: Paul Bilbao (Kontseilua)
> Eskuratu hemen hitzaldian erabilitako aurkezpena.
>>> Ikusi hemen atal honen bideoa.
10:45-11:30

Lurgune euskaldunen garapena eskualde eskalan.

  • Joseba Garmendia. (Iñaki Arregi bekaren irabazlea).
  • Eztabaida gidatua: Imanol Esnaola (Gaindegia)
> Eskuratu hemen hitzaldian erabilitako aurkezpena.
>>> Ikusi hemen atal honen bideoa.
11:30-12:00

Atsedena
12:00-12:45

Arnasguneen garapen jasangarria arkitekturaren ikuspegitik.

  • Nora Erdozia (arkitektoa) eta Arritxu Zelaia (hizkuntza aholkularia)
> Eskuratu hemen hitzaldian erabilitako aurkezpena.
>>> Ikusi hemen atal honen bideoa.
12:45-14:15

Mahai ingurua: Arnasguneetan oinarritutako hizkuntza politikak.

Gonbidatuak:

  • Begoña Enbeita (Muxika)
  • Olatz Peon (Tolosa)
  • Oier Oiarbide (Gabiria)
  • Joseba Otondo (Baztan)
Moderatzailea: Iker Salaberria (Kontseilua)
.
>>> Ikusi atal honen bideoa
14:15-14:30

Ondorioak.

>> Eskuratu ondorioen testua: #LUHI5 “Lurraldea eta Hizkuntza. Arnasguneen garapen jasangarrirantz” V. Jardunaldietako ondorioak

>>> Ikusi atal honen bideoa

Matrikulaziorako argibideak

  • Matrikulatu aukera sakatu (goian dago, izenburuaren azpian) eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: 942 821426, i.iciar@ueu.eus, (Irati).
  • Hemen UEUren matrikulazio-araudi orokorra.
  • Diru-laguntzen informazioa.
Aretoak aforo mugatua dauka, gehienez 50 pertsona batuko dira (hizlari eta antolatzaileak barne). Izen ematearen dataren arabera onartuko dira partaideak.

Oharrak

COVID-19 izurrite egoeran ikastetxeek jarraitu beharreko prebentzio-, segurtasun- eta higiene-neurri berdinak jarraituko dira gure egoitza eta jardueretan. Hona argibideak: UEUren prebentzio-neurriak.

Etiketak

jardunaldia, Donostia, arnasguneak, LUHI, lurraldea, hizkuntza, hizkuntza politika, garapen jasangarria
UEU365
Ainhoa Uriarte: “Gure hezkuntza sistemak entzutera behartzen ditu ikasleak”

2021/04/20

Uxune Martinez: “Opakutasunak beldurra sortzen du, gardentasunak konfiantza sortzen duen bitartean”

2021/03/29

Ander Izagirre: “Ikusten ez ditugun izaki bizidun mordoaz inguratuta gaude”

2021/03/05

ETIKETAK