Jardunaldiak :: Zientzia teknologikoak

Bazkide egin zaitez

Humanitate digitalak: aukerak, erakundeen rol berriak eta elkarlana.

Inprimatu
  • Izaera: Presentziala
  • Ordu kopurua: 5.00 ordu
  • Matrikula-epearen hasiera: 2019(e)ko maiatzaren 13a
  • Matrikula-epearen bukaera: 2019(e)ko ekainaren 20a

Era ezberdinetako datu digitalen kudeaketak paradigma aldaketa ekarri du diziplina ezberdinetan, baina baita ere eragile sozial eta kulturaletan. Egun, gero eta aukera gehiago dago kudeatzeko jendartean sortzen diren datuak errealitateko esparru anitzetan (giza-jarduerak, klikak, testuak, irudiak eta soinuak, besteak beste) eta kantitate handiagoetan (big data), Konputazio Zientziei esker.

Horrek eta diziplinartekotasunak ikuspegi enpirizista ekarri du Humanitateetako eta baita Gizarte-zientzietako komunitate askotan. Gero eta garrantzia handiago du ikerketa egiteko erabili diren datuak elkarbanatzea, ikerketak erreproduzitzeko edo, baita ikerketa hobetzeko eta zergatik ez ikerketa zalantzan jartzeko.

Arlo honetan, hasierako galdera digitalizazioak eta Konputazio Zientziek zertan lagun dezaketen aztertzea izan zen, baina egun galdera horren mugak ikusi ondoren, Humanitate Digitaletan bestelakoak dira egiten den galdera: Zentzua al du digitalki orain arte egiten ibili garena egiteak? Zer da digitalki soilik egin daitekeena? Esparru digitalean sorturiko giza-interakzioak nolakoak dira? Nola eragiten du digitalizazioak ikerketan bertan?

Euskal Herrian eta euskaraz, ordea, Konputazio zientzietan eta Humanitateetan nahiz Gizarte-zientzietan ez da diziplinarteko elkarlan handirik egon. Azken urteetan ordea, euskarazko dokumentuen digitalizazio masiboarekin, sare sozialen eztandarekin eta hizkuntz teknologien hedapenarekin arloen arteko lankidetza abiadura biziz garatzen ari da. Esparru bien artean eremu berriak ere ireki dira; eta historian, hezkuntzan, hizkuntzalaritzan, soziologian, kazetaritzan, zuzenbidean eta beste arlo askotan datuetan oinarritutako tresna eta ikerketa asko garatzen ari dira.

Gure ustez Humanitate digitalak edo eHumanitateak izena eman zaion eremu dakartzan aukerak baliatzeko garaian gaude eta Euskal Herrian aukera handiak ditugu lan interesgarriak aurrera eramateko. Lan hori bultzatzeko nazioartean Humanitate Digitalak sustatzeko elkarteak sortu dira. Euskal Herrian ez dago horrelakorik eta horregatik hain zuzen ere antolatu dugu jardunaldi hau: elkarte hori nola sor daitekeen hausnartzeko eta jakintza-arloen arteko elkarlana nola bultzatu daitekeen eztabaidatzeko.

.

--> Ikusi hemen egunak eman zuenaren Laburpen bideoa

Irakasleak

  • Joseba Koldobika Abaitua Odriozola
  • Rodrigo Agerri Gascón

    Informatika Doktorea, IXA taldeko (UPV/EHU) ikertzailea.

  • Iñaki Alegria Loinaz

    UPV/EHUko Informatika Fakultateko irakaslea/ikerlaria. UEUko zuzendari-ohia. UEUkidea.

  • Joxean Apeztegia Agirre

    BERRIAko infografista.

  • Mikel Iruskieta Quintian

    www.hezikt.eus Berezko Tituluko (UPV/EHU) zuzendaria da. Euskal Filologian (2001) eta Filosofian (2007) lizentziatua eta doktorea 2014an Euskal Filologian. Bilboko Hezkuntza Fakultateko eta Hizkuntzaren eta Literaturaren Didaktika Saileko irakaslea 2008tik eta Hizkuntzaren Analisia eta prozesamendua (UPV/EHU) master ofizialeko irakaslea. Halaber, IXA Taldeko ikertzailea eta CLARIN-ERICeko kide. UEUko kidea.

  • Dorota Krajewska

    Hizkuntzalaritzan lizentziatua. UPV/EHUko doktoregaia.

  • Xabier Landabidea Urresti

    Aisia eta Giza Potentzialean doktorea. Deustuko Unibertsitateko Euskal Gaien Institutuko ikertzaile elkartua. UEUko Komunikazio sailburua.

    Twitter: @txerren

  • Montse Maritxalar Anglada
  • Xabier Mujika Mujika
  • Julen Orbegozo Terradillos
  • Asier Sarasua Aranberri

    Ahotsak.com egitasmoko arduraduna. Interneten aditua da eta euskara eta teknologia berrien inguruko gaiak uztartzen ditu.

Egitaraua

2019-06-20
Ordua Edukiak Irakaslea
09:00-09:30

Harrera eta dokumentazio banaketa.
09:30-09:45

Ongi etorria eta aurkezpena.

  • Andres Urrutia, Euskaltzainburua
  • Kepa Sarasola, UEUko zuzendaria
  • Iñaki Alegria, jardunaldiaren antolatzailea

--> Ikusi hemen ongi etorriaren bideoa
09:45-10:15

HITZALDIA: Humanitate Digitalak (HD). Sarrera, digitalizazioaren aukerak eta erronkak.

  • Rodrigo Agerri (UPV/EHU, IXA taldea) (aurkezpena)

--> Ikusi hemen hitzaldiaren bideoa
10:15-11:00

MAHAI-INGURUA: Digitalizazioa eta Hezkuntza.

  • Montse Maritxalar (UPV/EHU, IXA, UEU)  (aurkezpena)
  • Joseba Abaitua (DU)
  • Xabier Mujika (Berritzegune Nagusia)

Moderattzailea: Mikel Iruskieta (UPV/EHU)

--> Ikusi hemen mahai-inguru honen bideoa
11:00-11:30

Atsedenaldia
11:30-12:15

MAHAI-INGURUA: Hizkuntza eta e-Humanitateak.

  • Dorota Krajewska (Aziti Bihia taldea, UPV/EHU)
  • Asier Sarasua (Ahotsak.eus, CodeSyntax)  (aurkezpena)

Moderatzailea: Iñaki Alegria (UPV/EHU, UEU)

--> ikusi hemen mahai-inguru honen bideoa
12:15-13:00

MAHAI-INGURUA: Zientzia sozialak eta komunikazioa.

Moderatzailea: Xabier Landabidea (DU, UEU)

--> Ikusi hemen mahai-inguru honen bideoa
13:00-13:30

HITZALDIA: CLARIN Europako sarea: eHumanitateak eta zientzia sozialak lankidetzarako behar duten hizkuntza azpiegiturak sortzen.

--> Ikusi hemen hitzaldiaren bideoa
13:30-14:00

Ondorioak.

Matrikulaziorako argibideak

Jardunaldia doakoa da baina ezinbestekoa da aurretik izena ematea.

  • Matrikulatu aukera sakatu (goian dago botoia, izenburuaren azpian) eta han agertutako zaizun fitxa bete.
  • Matrikula-orria bete ondoren, mezu bat jasoko duzu zure posta elektronikoan, matrikularen eta ordainketaren inguruko argibideekin.
  • Ez baduzu mezurik jasotzen, akatsen bat izan da. Horrela bada, jarri gurekin harremanetan: 943 82 14 26, i.iciar@ueu.eus, (Irati).
  • Hemen UEUren matrikulazio-araudi orokorra.
  • Diru-laguntzen informazioa.

Babesleak

Etiketak

Bilbo
UEU365
51. Udako Ikastaroetarako PROPOSAMENAK bidaltzeko deialdia.

2022/11/29

Lorea Agirre: “Handira jo beharko genuke, gutxienez helmuga eta aspirazioetan”

2022/10/17

“Hizkuntz politika estatu politika da edo hala beharko luke”

2022/10/13

ETIKETAK