058 Arte Hezkuntza: musikaren baliabide tekniko eta espresiboak

Biharko saioa (otsailak 9) Biboko UEUren egoitzan izango da, Erribera kalea 14, 1D

Musika gelan landu daitezkeen elementuak aztertuko dira, baita musikaren baliabide pertsonalen erabilera ere.

Aurrez-aurreko saioak urtarrilak 19, 26, otsailak 2, 9, 16, martxoak 1, 8 (ostegunetan) izango dira.

Irakaslea

• Jurdana Otxoa Lopez de Etxezarreta

  Bibolinean lizentziatua. Bibolin, hezkuntza musikala eta musika mugimenduko irakaslea musika eskoletan.

Helburuak

• Musika gelan landu daitezkeen elementu ezberdinak landu: erritmoa, polirritmiak, musika tresnak, bat-bat-batekotasuna, ahotsa, partiturak eta entzumenaren heziketa.
• Musikarako baliabide pertsonalen erabilera ezagutu eta landu: erritmoa, ahotsa, sormena...
• Haur eta lehen hezkuntzarako egokitutako edukiak eta teknikak ezagutu.

Edukiak

• Erritmoa: Erritmoaren alorra haurren adinaren arabera landuko da. Gorputz perkusioa modu ezberdinean jorratzeko dinamikak sortuko dira: gorputzeko hainbat atalen arteko elkar-ekintzaren bitartez soinu desberdinak sortu, lurra edo mahaietan esku jokoak eginaz, objektuak konbinatuta, erritmo jolasak... Polirritmiak: norberaren gorputzeko atalekin landuko da, aldi beran koordinazioa eta kontrola garatuz. Taldean lan egiteko gaitasunak landuko dira, balioa, arreta eta besteen lanarekiko errespetuan oinarrituta. Bat-batekotasuna eta sormena landuko dira.
• Musika tresnen sormena, haurren irudimena lantzeko, soinu berriak sortu eta tresna hauekin musika edo erritmoak sortzen ikasi.
• Ahotsaren arloan kantutegia landuko da eta baita abesten lantzen diren erritmo eta interbalodun abestiak ere. Era berean,oinarri melodiko nahiz erritmikoak emanaz bat-batekotasuna landuko da. Era berean, gure fonazio-aparatuaren azalpen fisiologiko laburra emango da, ahots arazoak antzeman eta ekiditeko klabeak emanez. Ahots teknikak (arnasketa eta intonazioa barne) modu teoriko eta praktikoan landuko dira.
• Partiturak: irakurketa konbentzionala lantzeaz gain, beste modu batzuk ere landuko dira, baliokideak erabiliz eta noten izenak istoriotxoen bidez ikasiz. Tablatura moduko partiturak eta akordeak irakurtzen ere erakutsiko da.
• Entzumena lantzeko hainbat jarduera erakutsiko dira: imitazio jolasak, musikogramak, dantzak,jolas prosodikoak (tinbrea,intentsitatea, noten altuera,...), soinuen diskriminazioa, ipuin musikatuak, instrumentuen entzuketa, programa informatikoak erabiltzeko aukera..

Metodologia

Ikastaroaren muina praktikoa izango da, ikasi beharreko guztia ariketa eta esperientzia pertsonalaren bidez barneratuko dute partaideek. Ikastaro dinamikoa izango da eta ikasleen parte hartze aktiboa eskatuko da.

Oinarri teorikoa ere landuko da eta, aldi berean, ikasgaian sakontzen jarraitzeko material osagarria interneten nola eta non eskuratu azalduko da.

Nori zuzendua

Hezkuntza Saileko irakasleei: GARATU

Egitaraua

Matrikulaziorako argibideak

Babesleak

• Eusko Jaurlaritza. Hezkuntza Saila

Etiketak

ikastaroa, ikastaroak, bilbo, erritmoa, polirritmiak, musika tresnak, bapatekotasuna, ahotsa, partiturak, entzumenaren heziketa