064 IKT-en erabilera Musika irakaskuntzan

Matrikulazio epea: 2022ko maiatzaren 20tik ekainaren 3ra, biak barne. HEZIGUNEA atarian

Gaur egungo gizartean informazioaren eta komunikazioaren teknologiek berebiziko garrantzia hartu dute. Nola txertatu hauek ikasgelan, ikaskuntza esperientzia aberasteko balio dezaten?

Ikastaro honetan irakaslearen ahalduntzea bilatuko da, gaur egungo baliabide digitalek bere ezagutzei hego berriak eta norabide interesgarriak zabal ditzaketela frogatuz.

Orokorrean, lehen eta bigarren hezkuntzan ezinbestekoa da gaur egun irakaslea gailu eta zoru teknologikora egokituta eta gaurkotua egotea. Musika irakaskuntzan berariaz, aukera berri interesgarriak irekitzen dizkio, bai sortzeko, baita ikasleekin bat egiteko leku pedagogikoak aurkitzeko ere.

Irakasleak

• Felipe Murillo Egiguren
• Ines osinaga urizar

Helburuak

• Gelako IKT-en erabileran musika irakaslea trebatzea.
• Irakasle bakoitzak egoera, testuinguru eta eskura dituen baliabideak kontutan izanik, interesgarriena litzaiokeena aukeratzeko asmoz, IKT desberdinen ezagutza orokor bat izatea.
• Partitura editoreen bidez musika idaztea eta editatzea.
• Audio editoreen bidez musika grabatzea eta editatzea.
• Sareak eskaintzen dituen aukerak eta mugak ezagutuz, eta horretarako aukerak eta mugak argi izanik, musika argitaratu eta konpartitzea.
• Egile eskubideen marko legala ezagutzea.
• Proiektu kolaboratiboak lantzeko baliabideak ezagutu eta erabiltzea.
• Sare sozialetarako edukiak sortzeko baliabideak ezagutzea.
• Musika saioak egituratu eta erregistratzeko baliabideak eskaintzea.
• Transmisioa bermatuz eta euskal folklorean indarra jarriz, musikaren ikuspuntu eguneratua eta gaur egungo kontestu digitalera egokitutako jarrera eta baliabideak transmititzea.

Edukiak

• Sarrera: informazio eta komunikazioaren teknologia gaur egungo hezkuntzan. Aukerak eta mehatxuak.
• Informatika musika gelan. Nola eta zertarako?
• Audio editoreak. Grabatu, editatu eta esportatu.
• Partitura editoreak. Idatzi, editatu eta elkarbanatu.
• Samplinga, soinuekin lan egiteko era bat.
• Soinu-bildumak. Libreak eta ez libreak.
• Copyright, copyleft eta jabetza intelektuala.
• Bandlab. Proiektu kolaboratiboak eta bestelako aukerak.
• MusicLab. Ordenagailua, beste instrumentu bat.
• Ikasgelatik mundura. Sortutakoa plazaratzeko bide eta modu desberdinak.
• Musikak: musiken aukeraketa eta baliabideak. Egokitasunaren eta aberastasunaren irizpideak. Transmisioa eta kanona.
• Errekurtsoak antolatzen: proposamen teoriko-praktiko bat.

Metodologia

Planteamendu metodologiko berriztatzaileak eta praktikan oinarriturikoak erabiliko dira.

Ikastaroak hiru fase izango ditu:

1. Lehen fasea: Ikaskuntza aktiboa izango da eta ikastaroaren edukiak landuko dira.

2. Bigarren fasea: partaideak ikastaroan ikasitakoa beraien ikastetxeetan praktikan jarriko dute.

3. Hirugarren fasea: partaideak egindako lana eta honen balorazio beste partaideei aurkeztuko dizkie eta partekatuak izango dira.

1. astea: Lehenengo gaia landuko da. Guztira, 7,5 ordu.                                      

2. astea: Bigarren gaia landuko da. Guztira, 7,5 ordu.  

3. astea: Hirugarren gaia landuko da. Guztira,7,5 ordu.  

4. astea: Laugarren gaia landuko da. Guztira, 7,5 ordu.  

Matrikulaziorako argibideak

Babesleak

• Eusko Jaurlaritza.Hezkuntza, Unibertsitate eta Ikerketa saila

Etiketak