Irakasleen formakuntza :: Pedagogia

323 Hizkuntzak, kulturak eta lurraldeak.

  • Izaera: Presentziala
  • Ordu kopurua: 20.00 ordu
  • Matrikula-epearen hasiera: 2010(e)ko irailaren 5a
  • Matrikula-epearen bukaera: 2010(e)ko urriaren 5a

Ikastaro honen bidez hizkuntzak, kulturak eta lurraldeak duten harreman eta loturaz jabetuko gara. Irakaskuntza alorreko markoa oinarritzat hartuta kontzeptu horien banakako hausnarketa eta elkarreraginaz ohartuko gara egungo gizartean.

Ikastetxea testuingurutzat harturik, honetan aurki daitezkeen hizkuntza, kultura eta lurralde ezberdinetako konplexutasuna kudeatzeko baliabideak eskainiko dira.

Arlo praktiko eta parte-hartzaileari espazioa eskainiko zaio nork bere galderak, adibideak edota esparruko gaiak 3 alor horietatik azter ditzan.

Ikastaro hau astearte eta asteazkenetan (urtarrilak 17, 19, 24, 26, 31 eta otsailak 2, 7, 9) izango da.

Irakaslea

  • Samira Goddi Mendizabal

    Publizitate eta Harreman Publikoetan lizentziatua. Gizarte eta Kultur antropologian lizentziatua.

    Kultur aniztasuneko teknikaria. Kultura arteko bitartekaria izana.

    unibertsitatea.net atarian duzue irakasleari egindako elkarrizketa.

Helburuak

  • Hizkuntzak, kulturak eta lurraldeak kontzeptuak osotasunean ulertzea.
  • Norbanakoa aztertu beste kultura, hizkuntza edota lurralde bateko norbaitekin harramantzen denean. Horrela estereotipo eta aurreiritzien aurrean nola kokatzen garen ikusi.
  • Hiru kontzeptuen arteko harreman eta distantziak aztertzea. Kultur aniztasunak dauzkan ezaugarriak ikusi eta kontzeptuen arteko loturak aztertu gure errealitatean.
  • Ikastetxean planteatzen diren adibide praktikoak gelan analizatzea testuinguru horretan zehazki aniztasuna kudeatzeko baliabideak eskainiz.

Edukiak

  • Munduan dauden hizkuntza ezberdinak aztertu eta hauek duten lekua ikusi.
  • Munduan aurkitzen diren idazkera sistema ezberdinak aztertu eta identifikatu.
  • Hizkuntza espazioak analizatu; etxean, ikastetxean etab. Jatorri ezberdineko ikasleek duten erabilera esparru eta transmisioa identifikatu.
  • Kulturak eta identitateak aztertu, norbanakoarengatik hasita.
  • Kultura eta hizkuntza hauek kokatzen diren lekuak ikusi baita guregan duten eragina aztertu.
  • Gaur egun, gure herrietan bizi eta elkar bizitzen dugunon arteko kultur eta hizkuntzak aztertu.
  • Jatorri ezberdineko haur eta gazteen kasuan, migrazio fenomenoa aztertu. Borondatearen kontrako migrazioa askotan.
  • Baliabideak eskaini gai hauen inguruko materiala lortzeko.
  • EAEko jatorri aniztasunaren gehiengoa kontutan hartuta, herrialde zehatz batzuen inguruko adibideak azaldu.
  • Bitartekaritarako teoria multifaktoriala azaldu; ezaugarri pertsonal, kultura eta testuingurukoak jokatzen dutelarik.

Metodologia

Arlo teorikoa nahiz praktikoa landuko da ikasgai honetan.

Arlo teorikoari dagokionez, material ikus erraza eta ulerkorra banatuko da eta eskoletan bertan landu.

Eduki teorikoak sakontasunez landuko dira eta ondoren alde praktikoarekin eduki horiek hobeto finkatzeko asmoz garrantzia eskainiko zaio.

 

Arlo praktikoari dagokionean, bideo eta jolas modukoak eskainiko zaizkie hausnarketa eta praktikotasunari begira gaia hobeto sakontzeko. Taldeka nahiz banakako hausnarketa eta planteamenduak nahiz adibide moduko gatazkak planteatuko zaizkie. Dituzten baliabideekin eta azaltzen zaizkien egoeren aurrean erreakzioak azaldu eta denon artean lantzeko helburuarekin.

Gaiarekin zerikusia duen film labur, rol playing-a edota histori narratiboen bitartez kultur aniztasunaren inguruko gogoetak planteatuko dira.

Matrikulaziorako argibideak

Hezkuntza Sailaren web gunean: GARATU

Oharrak

Urtarrilaren 19an ez da saiorik egingo. Orduak berreskuratzeko ondorengo saioetako ordutegia luzatuko da, hau da, 17:00-20:00 izango da.

Babesleak

  • Hezkuntza Saila

Etiketak

hizkuntzak, pedagogia, kulturak, kulturartekotasuna, aniztasuna

Copyright @ 2019 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.