760 Plazerez irakurri haur literatura

Matrikulazio epea: 2018ko ekainaren 4tik 15era arte, biak barne. IRAKASLEGUNEA

• Heziberirk proposatzen dituen oinarrizko zehar-konpetentziak lantzeko baliabide aproposa da literatura. Honetarako, oso garrantzitsua da liburu onak aukeratzen jakitea, eta horixe izango da ikastaro honen helburu nagusia: irakasleei baliabideak eskaintzea liburu onak aukeratzen jakiteko.

• Ikastaro honekin haur hezkuntza eta lehen zikloaren lehen hezkuntzako irakasleengan kalitatezko haur literaturako baliabideak aurkeztea da, haurren garapen psikoafektiboan eragin daitezkeenak, metodologia teoriko eta praktikoaren bidez, baliabideak eta liburuak ezagutuz eta bakoitzaren hausnarketa sakona eginez.

Irakaslea

• Juankar Alonso Albisu

  Psikologian Lizentziatua. Haur literatura eta haurraren garapen psikoafektiboari buruzko hainbat ikastaro, hitzaldi eta ponentzia eman ditu guraso, irakasleei, erakunde publiko eta pribatuetan. Galtzagorriko kidea. Bularretik Mintzorako, irakurzaletasuna sustatzeko, egitasmoaren ebaluazioaren arduraduna.

Helburuak

• Haurren hizkuntza- eta literatura-komunikaziorako konpetentzia garatzeko tresnez hausnartzea (Heziberri 2020)
• Ikasle guztien garapen psikoafektiboa areagotzea, literaturaren bidez.
• Ahozkotasuna suspertzeko estrategiak ezagutzea
• Hezitzaileak irakurzaletasuna sortzen eta eusten laguntzea eta horretarako estrategiak eskaintzea
• akurzaletasuna sustatzeko kalitatezko haur literaturako liburuak ezagutzea

Edukiak

• Nola sustatu garapen psikoemozionala haur literaturaren bidez; heziketa emozionala, sentikortasuna, irudimena, ahozkotasuna, …
• Nola suspertu irakurketek eta ipuinek eragiten duten emozio-sentikortasuna
• Balioen igorpena haur literaturaren bidez; hezkidetza, elkarbizitza, …
• Zer da ipuin on bat?: Aukeratzeko irizpideak
• Genero-ikuspegia

Metodologia

Ikastaroa aurrez aurreko motakoa izango da eta,. Ikastaroak, orokorrean bi zati ditu; saio bakoitzean, edukien oinarri teorikoak azalduko dira eta bigarrenean edukiekin zerikusi duten liburuak ikusi eta aztertuko ditugu taldean. Guztira, ikastaroan 80 kalitatezko ipuin eta beste baliabideak aztertuko dira. Oinarri kontzeptualak ikus-entzunezko materialen bidez landuko dira. Ondoren, landutakoaren kalitatezko haur liburuak proposatuko dira, ikasleen parte-hartzea eta hausnarketa kritikoa bultzatuz. Amaieran, ikasitako gaitasunetan oinarritutako proiektua burutuko da, ikastaroa borobilduz (heziberri 2020ekin bat eginik). Era berean, parte hartzaileek norberaren iritzien arabera ezagutzen dituzten liburuak, partekatzeko aukera izango dute, taldeari modu eraikitzailean eraginez.

Nori zuzendua

Irakasleak orokorrean (Haur Hezkuntza eta LH 1. zikloa)

Matrikulaziorako argibideak

Babesleak

• Eusko Jaurlaritza.Hezkuntza, Unibertsitate eta Ikerketa saila

Etiketak

literatura, ahozkotasuna, irakurzaletasuna, irudimiena