Ikastaroak :: Soziolinguistika

Euskararen biziberritzea: marko, diskurtso eta praktikarako aukera berriak birpentsatzen.

  • Izaera: Presentziala
  • Ordu kopurua: 10.00 ordu
  • Matrikula-epearen hasiera: 2016(e)ko urriaren 28a
  • Matrikula-epearen bukaera: 2017(e)ko urtarrilaren 29a

Azken hamarkadetan euskararen biziberritzeari begira egindako aurrera pausoak agerikoak diren bezala, euskalgintzan diharduten agenteen artean gero eta orokortuagoa dago fase baten agortzearen kontzientzia. Aurreko fasean, euskararen ezagutza sendotzea eta zabaltzea hartu zen ardatz, ezagutza eta erabileraren artean harreman zuzen eta positiboa zegoela sinetsita, eta euskararen biziberritzea ezagutzak bermatuko zuela pentsatuta. Ikuspegi hori zalantzan dago gaur egun; euskararen ezagutzak gora egin arren, erabilerak ez duelako joera eta neurri berbera jarraitu, ez hedabideetan, ez etxean, ez aisialdian, ez eskolako esparru batzuetan, ezta lan munduan ere. Aldi berean, urteotan, testuinguru soziala bera ere aldatu egin da, garai batean eraginkorrak ziren euskararen biziberritzeari begirako diskurtsoen baliozkotasun eta eraginkortasuna auzitan jarriz.

Eszenatoki horrek interpelatu egiten gaitu: norantz eta nondik egin behar dira euskararen biziberritzearen aldeko ahalegin berriak? Orain arteko marko berberetan funtzionatzen jarraitu dezakegu? Diskurtso berriak behar ditugu? Badaude? Zein praktika izango dira beharrezkoak hemendik aurrera? Eta noski, zein harreman daude eta behar ditugu praktika, diskurtso eta marko zahar-berrien artean?

Ikastaro hau   Deustuko Unibertsitateko Euskal Gaien Institutuarekin eta  Oihaneder Euskararen Etxearekin elkarlanean antolatu da.

 

Ikusi hemen UEUren 44. Udako Ikastaroaren aurkezpen bideoa: Ibon Manterola eta Jone Goirigolzarri, Euskararen biziberritzea.

Irakasleak

Helburuak

  • Euskararen biziberritzearen orain arteko ibilbidearen hausnarketa kritikoa egitea esparru eta ikuspegi anitzetatik.
  • Euskararen normalizazioan aurrera egiteko diskurtso eta praktika berriak proposatzea, esparruz esparru.
  • Euskararen biziberritzearen ikuspegi globala lantzea, esparruen arteko sinergiak bilatuz.

Metodologia

Ikastaroak hitzaldiak eta eztabaida-saioak bilduko ditu. Ikastaroari sarrerako hitzaldi batekin emango zaio hasiera. Hitzaldiaren helburua euskararen biziberritze prozesuaren ibilbide kritikoa burutzea izango da, gaur egungo markoa irudikatuz eta ikastaroan zehar landuko diren gaiei sarrera eginez.

Ikastaroari itxiera mahai inguru batekin emango zaio. Azken jarduera horren helburua ikastaroan zehar agertutako ideia interesgarrienak bildu eta ikastaro/hausnarketa saio berrietarako galdera berriak planteatzea izango da.

Hitzaldietan zein mahai-inguruan ohiko galdera txandatxoak ere izango dira.

Nori zuzendua

Ikastaroa maila profesional, akademiko zein pertsonalean euskararen biziberritzearekiko interesa duen norbanako, talde zein erakunde guztiei dago zuzendua. Besteak beste, erakunde publiko zein pribatuetako langileei: euskara teknikariak eta plangintza sortzaile eta bideratzaileak, aisialdiko begiraleak, kazetariak, irakasleak, ikerlariak, eta abar.

Egitaraua

2017-01-31

Ordua Edukiak Irakaslea
19:00-21:00

Euskararen biziberritzea eta eskola.

Hitzaldian erabilitako aurkezpena:Euskararen biziberritzea eta eskola.

Hitzaldian aipatutako ikerketa (Euskal Gaiak blogetik deskargatzeko esteka): ''Euskal hiztun berriak: esperientziak, jarrerak eta identitateak''

2017-02-28

Ordua Edukiak Irakaslea
19:00-20:45

Familia eta aisialdia.

  • ''Gazteak euskararen jolastokian''. Jaime Altuna eta Jone M. Hernandez. Hitzaldian erabilitako aurkezpena.
  • ''Transmisioaz harago, haurrak euskaldun haztea helburu.'' Paula Kasares. Hitzaldian erabilitako aurkezpena.

2017-03-28

Ordua Edukiak Irakaslea
19:00-20:45

Hedabideak.

  • ''Euskararen biziberritzea. Hedabideak''. Alberto Barandiaran. Hitzaldian erabilitako aurkezpena.
  • ''Komunikabideak eta gu berriak. Mapak iraungi zitzaizkigunekoa.'' Gorka Salces. Hitzaldian erabilitako aurkezpena.

2017-04-25

Ordua Edukiak Irakaslea
19:00-20:45

Lana.

2017-05-30

Ordua Edukiak Irakaslea
19:00-20:45

Itxiera mahai ingurua.

Matrikulaziorako argibideak

1. IKASTARO OSOAN izena emateko:

  • prezioa: 45,00€
  • Matrikulatu aukera sakatu (goian dago, izenburuaren azpian) eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: 943 82 14 26, i.iciar@ueu.eus, (Irati).
  • Hemen UEUren matrikulazio-araudi orokorra.

 

2. SAIO BATEN izena emateko:

  • Egitarauan klikatu zuk aukeratutako saioan dagoen 'matrikulatu' aukeran.
  • Hitzaldiaren orrira eramango zaitu. Bertatik egin dezakezu izen ematea.
  • Prezioa: orokorra 14,00€ / ikasle eta langabetuak: 12,60€ / UEUko kideak 10,50€

Oharrak

Euskal Autonomia Erkidegoko unibertsitateaz kanpoko irakasleentzako prestakuntza-ikastaro gisa homologatuta.

2016ko azaroaren 24ko ebazpena, kodea: 1668348039

Etiketak

Gasteiz, ikastaroak, euskararen biziberritzea, diskurtsoak, euskara, hizkuntza plangintza

Copyright @ 2017 UEU -- Bisitariak: 681911

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.