Ikastaroak :: Hezkuntza, Informatika

Bazkide egin zaitez

Code.org. Programatzen ikasteko tresna baten erabilpena eta lokalizazioa.

Inprimatu
  • Izaera: Presentziala
  • Ordu kopurua: 8.00 ordu
  • Matrikula-epearen hasiera: 2015(e)ko irailaren 7a
  • Matrikula-epearen bukaera: 2015(e)ko urriaren 14a

Gaur egun, ikasleengan programatzen ikasteak dituen onurak ezagunak dira, hala nola, arreta mantentzeko gaitasun handiagoa, autonomia gehiago edo kontzeptu berriak ezagutzeko nahi handiagoa ( ikus Effects of Logo and CAI environments on cognition and creativity artikuluaren ondorioak). Horretarako, Code.org, irabazi asmorik gabeko erakundeak, eskura jartzen digu plataforma egokia. Bertan, irakasle bezala, ikasleen jarraipena eta material aunitz aurki dezakegu. Horretarako tresna honi buruz irakasleak behar duen oinarrizko ideiak azalduko dira.

Gainera, tresna modu parte-hartzaile batean edukiak euskaratzea ahalbidetzen du. Ikastaro honetan lan-talde bat sortzea da helburua.

Irakaslea

  • Itsaso Usunariz Arcauz

    Informatika ingenieritzan graduatua. Lanbide Heziketako irakaslea. UEUkidea.

Helburuak

  • Irakasleari tresna aurkeztea eta eskolan erabili ahal izateko beharrezkoak izango dituen kontzeptuak aurkeztea.
  • Lan tresna hau euskaratzeko lan talde bat osatu, denboran jarraipena izango duena.

Edukiak

Code.org:

  • Kontua sortu: Irakasle eta ikasle kontuak. Jarraipena.
  • Programazioa Code.org-rekin.

Code.org euskeratu: Non eta nola.Lan taldea osatu.

Metodologia

Code.org-i dagokion edukiak ordenagailuan landuko dira denak. Irakaslearen azalpenak jarraituko dira, aldi berean honek proposatutako adibide edo ariketa txikiak eginez.

Arratsaldeko saioan, tresna euskeratzeko prest dauden pertsonekin lan talde bat osatuko da.

Nori zuzendua

Ikastaro hau, edozein pertsonari zuzenduta dago, bai irakasle, guraso edo programazioan interesa pizturik duen edozeini.

Matrikulaziorako argibideak

  • Matrikulatu aukera sakatu (goian dago, izenburuaren azpian) eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: 948 36 25 63, nafarroa@ueu.eus, (Edurne).
  • Hemen UEUren matrikulazio-araudi orokorra.

Oharrak

Nafarroako Gobernuko sare publikoko irakasleen homologaziorako prozeduran aurkeztu dugu ikastaro hau, ebazpenaren zain.

Etiketak

ikastaroa, Iruñea, Jaso, ikastola, teknologia, programazioa, hezkuntza
UEU365
Idoia Zengotitabengoa: “Distopiaren narrazioak ukatu egiten du 50 urte barruko euskal komunitatea irudikatzearena eta bere existentziarako beharrezko praktika”

2022/06/30

Oskia Agirre: “Baliabide teknologikoez gain, profesionalen prestakuntza eta balioespena ere beharrezkoak direla ikusaraztea erronka handia da”

2022/06/30

Gidor Bilbao: “Liburugintza tradizionalak bere bidea egiten segitzen du, baina unibertsitate-jakintzaren komunikaziorako beste bide batzuk zabaltzen ari da UEU”

2022/06/30

ETIKETAK