Ikastaroak :: Artea , Hezkuntza

Sormenerako Hezkuntza, artea esperimentatuz

  • Hasiera-data: 2015(e)ko azaroaren 7a
  • Amaiera-data: 2015(e)ko abenduaren 12a
  • Tokia: Ikasgela Birtuala
  • Ordutegia: astelehena-larunbata. 0:00-24:00
  • Izaera: On-line
  • Ordu kopurua: 25.00 ordu
  • Matrikula-epearen hasiera: 2015(e)ko irailaren 7a
  • Matrikula-epearen bukaera: 2015(e)ko azaroaren 5a

Ikastaroa on-line izango da. Ikasgelako saio bi izango ditu, ikastaroaren hasiera-egunean, azaroaren 7an, 9:30etatik 13:30etara lehenengoa, eta ikastaroaren amaieran, bigarrena. Ikasgelako saioak UEUren Ikastetxe Nagusian izango dira (Otaola hiribidea, 1. Eibar).

Ikastaro honetan sormenerako gaitasuna eta arte esperimentazioa landuko dira.

Sormena gizakiek ideia, kontzeptu, objektu berriak, horien arteko loturak zein problema baterako soluzioak irudikatu, pentsatu eta sortzeko duten ahalmen psikosoziologikoa da, artearen nahiz zientziaren aurrerapenerako elementu garrantzitsuena dena.

Ildo horretatik, ikastaroak hau proposatzen du: teknika berritzaileen bitartez, sormen ahalmen hori garatu eta jorratu ahal izateko bideak zabaltzea. Bakoitzaren sormena abiapuntu eta helmuga harturik, bidean agertzen zaizkigun zailtasunak gaindituz egingo dugu bidaia.

Arteak, arte mugimenduek, artistek eta beraien lanak sormen prozesuan parte har dezaten ezinbestekoak ditugun metodologia eta ezagupenak landuko ditugu, beti-ere esperimentazioa bide izango dugularik. Ikastaro honek norberaren eta ingurukoen sormena garatzeko oinarrizko tresnak eskaintzen ditu.

Irakaslea

  • Bittor Cámara Hierro

    Arte Ederretan Lizentziatua, Diseinu Grafikoan Diplomatua eta Marrazketa espezialitateko irakaslea DBH eta Batxilergoan.

Helburuak

  • Sormena lantzea bakoitzak bere baitan dituen baliabideak kontuan hartuta.
  • Artea eta esperimentazioa sormen baliabide bezala bultzatzea.
  • Sormenaren eta artisten arteko erlazioa haurren ingurunean ezagutzea.
  • Sormen ahalmenaren inguruko mitoekin apurtzea.

Edukiak

  • Sormenaren nondik norakoak.
  • Arte esparruetatik kanpoko sormenaren erabilera.
  • Norberaren ekarpenak: balorazioa eta erabilera.
  • Artearen esperimentazioa.
  • Norberaren baitan dagoen ikustezko dokumentazioa.
  • Sormenaren inguruan bizi ditugun aurreiritziak.

Metodologia

Ikastaroa b-learning motakoa izango da, hau da, ikasgelako saioak eta on-line irakaskuntza konbinatuko dira. Hasteko, 4 orduko aurrez aurreko saio bat izango da. Ondoren ikastaroa on-line bideratuko da irakaslearen etengabeko gidaritzapean, bost astetan zehar ariketa praktikoen bitartez eta proiektu baten osaketarekin. Amaitzeko, 4 orduko aurrez aurreko saio bat izango da, bukaerako proiektu lana partekatzeko eta ebaluazioa egin ahal izateko.

Ikaskuntza-irakaskuntza metodologia honen bidez ikasleen parte-hartzea bultzatuko da.

Nori zuzendua

Irakasleei: Haur Hezkuntza, Lehen Hezkuntza, Derrigorrezko Bigarren Hezkuntza, Helduen Hezkuntza. Begiraleei, Monitoreei, Gurasoei, etab.

Matrikulaziorako argibideak

  • Matrikulatu aukera sakatu eta han agertutako zaizun fitxa bete.
  • Matrikula-orria bete ondoren, mezu bat jasoko duzu zure posta elektronikoan, matrikularen eta ordainketaren inguruko argibideekin.
  • Ez baduzu mezurik jasotzen, akatsen bat izan da. Horrela bada, jarri gurekin harremanetan: 943 82 14 26, markeskoa@ueu.eus, (Mari Karmen).
  • Hemen UEUren matrikulazio-araudi orokorra.
  • Diru-laguntzen informazioa.

Oharrak

  • Ikastaroa on-line izango denez, ezinbestekoa da nork bere ordenagailua, posta elektronikoa eta Internet konexioa izatea.
  • Euskal Autonomia Erkidegoko unibertsitateaz kanpoko irakasleentzako prestakuntza-ikastaroak homologatzeko prozeduran onartutako ikastaroa. Homologazio kodea: 1568348026.

Babesleak

Etiketak

esperimentazioa, sormena, artea, UEU, Ikastetxe Nagusia, ikastaroa

Copyright @ 2019 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.