Ikastaroak :: Psikopedagogia

Haur-psikologia: gaurko haurrak etorkizuneko helduak

  • Izaera: Presentziala
  • Ordu kopurua: 20.00 ordu
  • Matrikula-epearen hasiera: 2015(e)ko otsailaren 2a
  • Matrikula-epearen bukaera: 2015(e)ko apirilaren 10a

Ikastaroa larunbatetan izango da: apirilaren 18an eta 25ean.

Ikastaroa bete egin da. Matrikula egin dezakezu eta horrela itxaron zerrendan sartuko zara baina ez egin matrikularen ordainketa tokia dagoela jakinarazi arte.

Gaur egun inork ez du zalantzan jartzen pertsona baten garapenean haurtzaroak duen garrantziaren handia. Bizitzaren lehen urteetan osatzen zaigu nortasuna edo izaera, eta orduko garaiaren kalitateak baldintzatzen du, hein handi batean, helduaren sendotasuna edo ahulezia. Ukaezina da, beraz, ume baten hazkuntza-prozesuaren ardura esku artean duenaren erantzukizun soziala; eta ezinbestekoa, hortaz, gizarte gero eta heldugabe eta zoritxarrekoago honetan, etorkizuneko gizartea osatuko duten oraingo haurren hazkuntza-sistemari buruzko hausnarketa eta eztabaidari arduraz heltzea. Gizarte bakoitzean indarrean dagoen hazkuntza-sistema ez baita ulertzen ahal gizarte hori kudeatzen duen sistemak beharrezko dituen interesetatik kanpora. Gizarte/sistema bakoitzak, bera kolokan jarriko ez duten pertsonak behar baititu eta “horrelako gizakiak” ematen dituen hazkuntza-sistema sustatuko baitu.

Umeen aurreko gure jarrera behin ere neutroa edo aseptikoa ez dela-eta, ezinbestekoa da umeekin lanean edo harremanean dauden profesionalek zein gurasoek ongi ezagutzea zein den haur bat pertsona izatera daraman bidearen nondik norakoa, horren jakitun, arduraz, erabaki dezan zer helburu eta irizpideren arabera gidatzen duen bere kimuaren hazkuntza.

Ume baten hazkuntza arduratsua da dagokeen ekintzarik iraultzaileena.

Ikastaro honetan 0·3 adin-tarte funtsezkoaren gakoak eta une esanguratsuak aztertzen saiatuko gara.

Irakaslea

  • Ane Ablanedo Larrion

    Unibertsitateko irakaslea (UPPA, NUP). Haur-prebentzioan espezialista. Eskola alternatibo eta pedagogia librearen gaian formatzailea. Hizlari eta artikulugilea. UEUkidea.

Helburuak

  • Giza garapenaren gakoak eta logika ezagutzea eta haurren hazkuntzaren eta helduen nortasunaren arteko harremana ulertzea. Helduon hutsune afektiboen sumatzetik, haurrengan prebentzioa sustatu nahi izatera. Etorkizuneko gizarte helduago eta osasuntsuago baten oinarria.
  • 0/3 urte-tartearen garrantziaz ohartaraztea, helduaroko osasunaren baldintza.
  • Hazkuntza-funtzio ezinbesteko bezain garrantzitsu honetan gurasoak zein haur-eskoletako profesionalak lagundu eta segurtatzea.
  • Gurasoak laguntzea umeekiko harreman arruntean suertatzen diren eguneroko arazoen aurrean: jana, loa, kasketak, mugak, negarra…

Edukiak

  • Hazkuntza. Umea heldu bilakatuko duen bidea. Nolako heldua? Hazkuntza-ereduak.
  • Helduen sufrimenduaren ezagupenetik prebentzio-eredu baten formulaziora.
  • Gizartea, gero eta heldugabeagoa. Gu geu, gero eta zoritxarrekoagoak. Noiz arte?
  • Haurren zoriontasunaren mitoa.
  • Garen aita edo ama horiek. Izaki garbiak ala geure historiaren biktimak? Izan ginen umearengan arakatzen. Gure karakterraren garrantzia.
  • 0/7 adin-tartea. Karakterraren gauzatzea.
  • “Normaltasunak” edo gaixotasunik ezak ez dakar osasuna. OSASUNA, hitz larrietan. Osasuna vs patologia vs normaltasuna.
  • Zenbait hazkuntza-eredu. Frustrazioaren teoria vs Autorregulazioaren diskurtsoa.
  • 0/1 urtea. Umetokitik kanpoko haurdunaldia. Garai honen funtsezko garrantzia.
  • Atxikimendua. Sendotasunaren sustraien tokia.
  • Nini eta haurren hizkuntza deskodetzen. Niniekiko lengoaiak: enpatia, kontaktua, begirada.
  • Dependentziaren esperientzia sakona, geroko ume autonomo eta independenteen garantia.
  • Maternage funtzioa.
  • Negarra.
  • Titia, biberoia, txupetea. Ahotasunaren fasea.
  • 1 urtetik aurrerakoa. Banantze, indibidualizatze-prozesua.
  • Psikomotrizitatea eta katuka ibiltzea.
  • Esfinterraren kontrola. Fardela.
  • Mugak: obedientzia. Autoritarismoa vs autoritate funtzionala.
  • Beldurrak.
  • Fantasiaren garaia.
  • Inbidiak eta zeloak.
  • Eskolatzea, edo mundura ateratzea/gizarteratzea?...noiz?
  • Kasketak.
  • Erasokortasuna.

Metodologia

Ikastaroa teoriko-praktikoa izango da. Teoriak izango du arlo handi bat (14 ordu), baina norberaren hausnarketa ahalbidetzeko teknika eta baliabideekin uztarturik. Edo esperientzian oinarritutako jarduerak proposatuko dira.

Halaber, ikasgelako saioen osagarri, ikasleak lan pertsonala egin beharko du (6 ordu).

Nori zuzendua

0/3 urteko umeekin lanean edo harremanean diharduten profesionalei. Hazkuntza-prozesuan ari diren aita-amei. Interesa duen edonor ere ongi etorria izanen da.

Matrikulaziorako argibideak

  • Matrikulatu aukera sakatu eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: 943 82 14 26, markeskoa@ueu.org (Mari Karmen).
  • Hemen UEUren matrikulazio-araudi orokorra.
  • Diru-laguntzen informazioa.

Oharrak

Euskal Autonomia Erkidegoko unibertsitateaz kanpoko irakasleentzako prestakuntza-ikastaroak homologatzeko prozeduran onartutako ikastaroa.

Homologazio kodea: 1568348007

Etiketak

hezkuntza, haurrak, haurren garapena, hazkuntza prozesua, haurtzaroa, heldutasuna, gurasoak, hezitzaileak, garapen psikoafektiboa, Ikastetxe Nagusia, Eibar, udaberriko ikastaroak

Copyright @ 2019 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.