Ikastaroak :: Hezkuntza, Informatika, Matematika

GeoGebraPrim: eredu dinamikoak Lehen Hezkuntzan

  • Izaera: On-line
  • Ordu kopurua: 20.00 ordu
  • Matrikula-epearen hasiera: 2014(e)ko irailaren 8a
  • Matrikula-epearen bukaera: 2014(e)ko urriaren 6a

Ikastaroa on-line izango da. Ikasgelako saioa izango du, ikastaroaren hasiera-egunean, urriaren 14an, 17:00etatik 19:00etara.

Lehen Hezkuntzan egoera didaktikoak diseinatzeko orduan, erabilitako baliabideen euskarri-aniztasunak mesede egiten dio jarduera matematikoari. Arkatza eta papera, eta baliabide fisikoekin batera, ordenagailu bidezko eredu dinamikoak erabiliz gero, aberastu egiten da ikasleen produkzio matematikoa.

Gainera, eredu dinamikoek badituzte ohiko baliabide estatikoek ez dituzten zenbait ezaugarri, esate baterako: objektu matematikoen adibide gutxi batzuen ordez, aukera ematen dute objektu horiek “klase” gisa agertzeko (aurkezpen “ostentsiboa” gaindituz); saiakera ugari behar dituzten jarduera induktiboetan, denbora eta energia aurrezten dute; eta objektu matematiko baten hainbat aspektu integratzen dituzte (zenbakizko ezaugarriak eta ezaugarri geometrikoak). Genesi instrumentalaren teoriak ezaugarritzen eta babesten du eredu dinamikoen erabilera.

Irakaslea

  • Aitzol Lasa Oyarbide

    Matematikan lizentziatua. Bigarren Hezkuntzako Irakasletza Masterra. Doktorego-tesia egiten Matematikaren Didaktikan.

    Nafarroako Unibertsitate Publikoan (NUP) Matematikaren Didaktika Arloko irakaslea da.
    Unibertsitatea.net atarian elkarrizketa.

Helburuak

  • Lehen Hezkuntzako irakasleak software dinamikoaren erabileran trebatzea.
  • Egoera didaktikoen diseinuan eredu dinamikoak noiz eta nola erabili daitezkeen aztertzea.
  • Jarduera-adibideak eta jarduera-proposamenak eztabaidatzea.

Edukiak

Lehenengo eta behin, GeoGebra softwarean oinarrizko trebakuntza egingo da (Lehen Hezkuntzako etaparako propio diseinaturiko softwarearen GeoGebraPrim aldaera erabiliko da). Lehen Hezkuntzako curriculumetik abiatuz proposatuko dira jarduerak eta aplikazioak. Ikastaroan landuko diren adibideak eta ariketak eskolan erabiltzeko modukoak izango dira.

Metodologia

Ikastaroa b-learning motakoa izango da, hau da, ikasgelako saioak eta on-line irakaskuntza konbinatuko dira. Ikastaroa on-line bideratuko da irakaslearen etengabeko gidaritzapean, baina hasieran aurrez aurreko saioa izango du. Ikaskuntza-irakaskuntza metodologia honen bidez ikasleen parte hartzea bultzatuko da.

Modulu bakoitzaren hasieran, apunte-sorta bat emango da, non agertuko diren softwarea erabiltzeko jarraibideak eta eduki matematiko jakin bat lantzeko jarraibide didaktikoak. Ondoren, trebakuntza-ariketak eta jarduera.proposamenak landuko dira.

Nori zuzendua

Lehen Hezkuntzako irakasleei zuzendua, Matematika arloa lantzeko.

Matrikulaziorako argibideak

  • Matrikulatu aukera sakatu eta han agertutako zaizun fitxa bete.
  • Matrikula-orria bete ondoren, mezu bat jasoko duzu zure posta elektronikoan, matrikularen eta ordainketaren inguruko argibideekin.
  • Ez baduzu mezurik jasotzen, akatsen bat izan da. Horrela bada, jarri gurekin harremanetan: 943 82 14 26, markeskoa@ueu.org, (Mari Karmen).
  • Hemen UEUren matrikulazio-araudi orokorra.
  • Diru-laguntzen informazioa.

Oharrak

Ikastaroa on-line izango denez, ezinbestekoa da nork bere ordenagailua, posta elektronikoa eta Internet konexioa izatea.

Euskal Autonomia Erkidegoko unibertsitateaz kanpoko irakasleentzako prestakuntza-ikastaroak homologatzeko prozeduran onartutako ikastaroa.

Homologazio kodea: 1468348047

Babesleak

Etiketak

matematika aplikazioa, software dinamikoa, UEUren Ikastetxe Nagusia, udazkeneko eskaintza, eibar

Copyright @ 2019 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.