Ikastaroak :: Hezkuntza, Pedagogia

Isiltasuna gelan

  • Izaera: Presentziala
  • Ordu kopurua: 12.00 ordu
  • Matrikula-epearen hasiera: 2013(e)ko irailaren 9a
  • Matrikula-epearen bukaera: 2013(e)ko urriaren 18a

Ikastaroa astearteetan izango da: urriaren 22an, 29an eta azaroaren 5ean eta 12an.

Gaur egun ikastetxe askotan zarata-maila oso altua da, eta gela barruetan isiltasuna zigor eta kontrolaren bidez lortzen dugu, askotan nekez. Isiltasun hori oso hauskorra da eta buelta erdi egiten dugunean apurtu egiten da.

Ikastaro honek kontzentrazio eta lasaitasunetik datorren isiltasun emankorra gelara ekartzeko bideak jorratzen ditu. Horretarako, batetik, kanpoko zarata jaisteko neurriak lantzen ditugu, eta bestetik eta garrantzitsuen, norbere buru barruko “zaratak” baretu eta barne isiltasuna lortzera bideratutakoak.

Ikasgeletan aldaketa hori artikulatzeko berebiziko garrantzia dauka irakasleak prozesua bultzatzeko segurtasuna izatea, bai ariketa praktikoak bideratzeko orduan bai, eta batez ere, ikasleen aurrean autoritateari eustean.

Irakaslea

Helburuak

  • Ikasleen artean eta ikastetxeetan dagoen zarata-maila jaisteko eta isiltasun aktiboa sustatzeko baliabideak eskuratzea, isiltasun horren berezko balioan eta elkarrekiko errespetuan oinarrituta.
  • Irakaslearen figurari dagokion autoritatea indartzea.

Edukiak

  • Kanpoko isiltasuna: eskola-mailan eta gela barruan dagoen zarata-maila jaisteko baliabide eta neurriak. Irakasleen ahotsa babesteko aholkuak.
  • Barruko isiltasuna: ikasle eta irakasleen egunerokotasunean isiltasunaren balioa errotzeko praktikak: isiltasun aktiboa bideratzeko aholkuak, meditazioak.
  • Irakaslearen autoritatea: edozein aldaketak lidergo sendoa eskatzen du. Irakasleen autoritatearen gainbeheraren arrazoiak aztertu eta antzinako irakasle autoritarioaren figuratik aldenduta, berezko autoritatea duen irakaslearena sendotu, aldaketa-prozesuaren eragile moduan.
  • Proiektua: tailerraren amaieran, parte-hartzaile bakoitzak ikasitakoa praktikan jartzeko proposamen zehatza izango du landuta, aurrera begira lantzeko kudeaketa-plan batekin.

Metodologia

Modulu honek hausnarketa teorikorako atal txiki bat dauka, batez ere autoritatearen gaia lantzeko. Gainerako lana praktikoa da, aholku zehatzak eta ariketak uztartuz. Ariketa horiek Gestalt dinamiketan oinarrituta daude eta komunikazioa eta adimen emozionala garatzeko PNL (Programazio Neuro Linguistikoa) arloko lana egiten dugu.

Nori zuzendua

Irakasleei, Irakasle-eskolako ikasleei, ume eta gazteekin harremana duten begiraleei.

Matrikulaziorako argibideak

  • Matrikulatu aukera sakatu eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: 943 82 14 26, markeskoa@ueu.org, (Mari Karmen).
  • Hemen UEUren matrikulazio-araudi orokorra.

Oharrak

Euskal Autonomia Erkidegoko unibertsitateaz kanpoko irakasleentzako prestakuntza-ikastaroak homologatzeko prozeduran onartutako ikastaroa.

Homologazio kodea: 1368348006

Parte-hartze ziurtagiriaren inguruko xehetasunak:

  • %80ko asistentzia beharrezkoa da ziurtagiria lortzeko (egunero pasatzen den asistentzia-orriaren arabera kontrolatzen da).
  • Ikastaroa amaitu ondoren, akta bidaliko da Jaurlaritzara. Akta hori jaso eta 60 egunetara parte hartze ziurtagiria baliogarri izango da.

Babesleak

Etiketak

isiltasuna, arreta, kontzentrazioa, erlaxazioa, autoritatea, ahotsa, UEUren Ikastetxe Nagusia, Udazkeneko ikastaroak, eibar

Copyright @ 2019 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.