Emozioak eta norberaren gaitasunak lantzen

Ikastaroa BETE egin da. Interesa izanez gero, izena eman eta itxaron-zerrendan sartuko zara baina ez egin matrikularen diru-sarrerarik.

Ikastaroa larunbatetan izango da: azaroaren 9an (9:30/14:00 - 15:30/18:30) eta 16an (9:30/14:00).

Jendaurrean dabilen jende gehienak, nahiz eta kulturalki zereginak ezberdinak izan, antsietate mailaren bat bizi ohi du. Adibide gisa, kontzertuetan parte hartu, irakasle izan edo epaimahaietan parte hartu duenak badaki ezohikoa dela beldur eszenikoaren sintomarik ez duen norbait aurkitzea. Ekintza baten aurrean tentsio maila jakin bat bizitzeak emaitza hobetu dezakeela badakigu, baina, urduritasuna gure kalterako denean, eragin ez desiratua gainditzeko baliabideak eskuratzea beharrezkoa da.

Eskoletara, gero eta urduriago datoz ikasleak: maitasun falta, konfiantza falta, antsietatez gainezka… Geure buruarengan ziurtasuna sendotzeak, gainontzekoen eragina positiboki baliatzeko aukera emango digu.

Ikastaro honetan zuzeneko saioetan gure esperientzia hobetzeko errekurtsoak landuko ditugu. Errekurtsook entrenamendu mentalaren zenbait teknikatan oinarritzen dira: Kontrol Mentala, PNL, Yoga, Sofrologia, Barkamen Erradikala, Ho´oponopono, Psikologia Positiboa, eta abar.

Irakaslea

• Urko Arozena Muxika

  Musikeneko eta Hernaniko Musika Eskolako perkusio-irakaslea. Entrenamendu Mentalean aditua. UEUkidea.

Helburuak

• Gure bizitza pertzepzioa positiboa izan daitekeela ikustea.
• Beldur eszenikoa eta antsietatea gainditzea.
• Gure burua ezagutu eta maitatzea.
• Zoriontsua izatea.

Edukiak

• Geure burua maitatzen lagunduko diguten tresnak.
• Besteen aurrean geure burua eta gure proiektuak ziurtasunez defendatzeko tresnak.
• Beldur eszenikoa gainditzeko tresnak.
• Kideekin eduki genitzakeen gatazkak baretu eta konpontzeko tresnak.
• Inguruko energiak gure alde jartzen ikasteko tresnak.
• Benetan nahi duguna zer den eta horren bila joateko tresnak.
• Gure memoria nabarmen hobetu araziko duten tresnak.
• Estresa desagerrarazten lagunduko diguten tresnak.
• Gure gorputza energiaz betetzen lagunduko duten tresnak.
• Gure gorputza indarberritzen lagunduko duten tresnak.
• Humanoagoak izaten lagunduko diguten tresnak.
• Geure burua errespetatzen eta aldi berean ingurukoak errespetatzen lagunduko diguten tresnak.
• Azkarrago eta sakonago ikasten lagunduko diguten tresnak.
• Zoriontsu izaten lagunduko diguten tresnak.

Metodologia

Ariketa praktikoak eginaz esperientzia ezberdinak bizi-arazi eta horiek nola kudeatu irakatsiko da. Azalpen teorikoak eman ondoren, ariketa praktikoak egingo dira. Zenbaitetan lehenengo ariketa praktikoa egingo da eta ondoren emango dira azalpen teorikoak.

Nori zuzendua

Bizitza kalitate bikaina lortu eta zoriontsua izan nahi duen edonori.

Matrikulaziorako argibideak

Oharrak

Euskal Autonomia Erkidegoko unibertsitateaz kanpoko irakasleentzako prestakuntza-ikastaroak homologatzeko prozeduran onartutako ikastaroa.

Homologazio kodea: 1368348006

Parte-hartze ziurtagiriaren inguruko xehetasunak:

• %80ko asistentzia beharrezkoa da ziurtagiria lortzeko (egunero pasatzen den asistentzia-orriaren arabera kontrolatzen da).

• Ikastaroa amaitu ondoren, akta bidaliko da Jaurlaritzara. Akta hori jaso eta 60 egunetara parte hartze ziurtagiria baliogarri izango da.

Babesleak

• 

  Gipuzkoako Foru Aldundia-Euskara

Etiketak

heziketa emozionala, gorputz kontzientzia, UEUren Ikastetxe Nagusia, Udazkeneko ikastaroak, eibar