Ikastaroak :: Antropologia, Etnologia, Folklorea

Euskal Mitologia: hurbildu antzinako euskal mundura.

  • Izaera: Presentziala
  • Ordu kopurua: 20.00 ordu
  • Matrikula-epearen hasiera: 2012(e)ko uztailaren 2a
  • Matrikula-epearen bukaera: 2012(e)ko uztailaren 3a

IZEN EMATEA IREKITA DAGO, ikusi argibideetan (azpian).

Ikastaroa astearteetan emango da, ondoko datetan: urriak 9, 16, 23, 30; azaroak 6, 13, 20, 27 eta abenduak 11 eta 18.

Sarritan, euskal mitologiaz hitz egiten dugunean, gauza asko pilatzen zaizkigu buruan, dena batera, eta okerrenean nahasirik: Mari, Basajauna, Urtzi, Sorginak, Ilargi, Galtzagorriak, Amalur, Lauburua, Gernikako arbola, etb. Baina nortzuk dira? Zein dira haien arteko harremanak? Nolakoa izango zen garai hartako mundua? Horretaz guztietaz, pertsonaiez baina batez ere euskal mitologiaren antolamenduaz, hitz egingo dugu, eta gure arbasoen mundura hurbiltzen joango gara. Antzina baziren mundua ikusteko eta berarekin harremanetan sartzeko ohiturak... eta ikastaro honen xedea euskal mitologiaren altxorra ezagutaraztea da.

Ikusi irakasleari Berrian egindako elkarrizketa.

Irakaslea

  • Ixabel Millet Heyries

    Kontalaria, idazlea eta formatzailea. Hendaian kokaturiko Bi'Arte elkarteko zuzendaria.

Helburuak

Ikastaro honetan, euskal mitologiaren antolamenduaz hitz egingo dugu gehien bat (Amalur, Mari, Amaluren arabak eta Mariren gortea, Galtzagorriak eta Basozaindariak, etb.), eta antzineko munduaren proiekzio hura ulertzeko bideak proposatuko dira. Pertsonaiak eta numenekin bidaiatuko dugu mitologia barruan, hierarkia horretan bakoitzari dagokion tokia emateko asmoarekin. Eta nola ez, mitologia kontextualizaturik agertzen diren lekuak ere behatuko ditugu, hots euskal ipuinak.

Edukiak

Euskal mitologiaren antolamendua

1.- Mitologiaren definizioa eta kontzeptua: leiendak, mitoak, ipuinak

2.- Euskal mitologia. Honako hau ikusiko da:

  • Plano fisikoa. Gure arbasoek mundu fisikoan soilik bizi ziren, beraz sinesmen guztiak eta munduaren irudikapenak plano fisikoan izaten ziren bakarrik. Horrela sortu zen Amalur eta bere mundua.
  • Plano kontzeptuala. Geroago gizakiok ideien mundura sartu eta sinesmen eta irudikapenak sinbologia abstraktura pasa ziren. Horrela sortu zen Mari eta bere gortea.

3.- Euskal bikoiztasuna: Anbotoko Damaren sinbologia.

4.- Matriarkalismoa euskal mitologian.

5.- Elizaren rola.

6.- Beste mitologiak: antzekotasunak eta ezberdintasunak.

 

Euskal mitologiaren pertsonaiak eta numenak

1.- Gorenak: Mari eta Amalur

2.- Pertsonaiak: Olentzero, Sorginak...

3.- Jeinuak: Maju, Basandere...

4.- Lurreko numenak: Ilargi, Eguzki…

5.- Ureko numenak: Lamiak…

6.- Gaueko numenak: Gaueko, Gauargi…

7.- Numena astralak: Ortzi, Eguberri…

8.- Animaliak: Herensuge, Akerbeltz...

9.- Besteak: Etxea, Sua...

 

Euskal ipuinak

1.- Ipuin mitologikoak eta ahozkotasuna

2.- Ipuinen ezaugarriak eta elizaren urratsak

Metodologia

Metodologia praktikoan oinarrituta bada ere, ezagutza teorikoak ikusiko ditugu era arin eta dinamiko batean.

Nori zuzendua

Gaian interesa daukan orori.

Matrikulaziorako argibideak

Ikastaro hau Nafarroako Unibertsitate Publikoaren 'Kultura Jarduerak' atalaren barne eskaintzen da. Ikastaroan interesa daukan edonork parte hartu dezake, ez da beharrezkoa unibertsitateko kidea izatea.

Matrikula prezioak eta kredituen balio-aitortzea: Kultura Jarduerak.

Izena emateko epea: NUPeko kideentzat (ikasle, irakasle, AZLak...) irailaren 3tik aurrera. Unibertsitate komunitatetik kanpokoentzat: irailaren 12tik aurrera.

 

Izena emateko: Nafarroako Unibertsitate Publikoan

  • Telefonoa: 948 16 84 56 telefonoan, 8:30etatik 14:30etara
  • Web gunea: Kultura Jarduerak
  • Posta elektronikoa: actividades.culturales@unavarra.es

 

Informazio gehiago: UEUren idazkaritzan, nafarroa@ueu.org, 948 36 25 63.

Oharrak

Ikusi irakasleari Berrian egindako elkarrizketa.

Babesleak

  • NUP

Etiketak

NUP, Iruñea, kondairak, legendak, ipuinak, pertsonaiak, numenak

Copyright @ 2019 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.