Argazkigintza digitala eta GIMP, irudiak editatzeko programa librea

IZEN EMATEA IREKITA DAGO, ikusi argibideetan (azpian).

Ikastaroa larunbatetan emango da, ondoko datetan: urriak 6, 20 eta azaroak 3 eta 17.

Kamera digitalak ia denon eskuetan ikusten ditugularik ere, ez dakigu behar moduko etekina ateratzen kamera berri hauek eskaintzen dizkiguten aukerei.

Ikastaro honetan kamera digital hauen erabilera eta atera diezaiekegun onurak aztertuko ditugu, argazkiak ordenagailura nola "jaitsi", argazki horiek nola erabili edo paperera pasa, mailez bidali, e.a. Horretarako, GIMP irudiak editatzeko programa librea erabiliko dugu. GNU proiektuaren baitan dago, eta GNU General Public License baimenarekin eskura daiteke. Oso hedatuta dago eta tresna ugari eskaintzen ditu eta  Adobe  Photoshopen alternatiba oso interesgarria da.

Irakasleak

• Ander Gillenea Muxika

  Ander Gillenea Muxika argazkilari profesionala da. Argazki agentzia desberdinekin egiten du lan freelance moduan eta argazkilaritza ikastaroak ematen ditu Euskal Herrian zehar.

• Nagore Koch Elizegi

  Nagore Koch Elizegi. Arte Grafikoetan Teknikaria eta  Argazkilaritza Publizitarioan aritutakoa.

Helburuak

• Kamera digitalen erabilera eta aukera ezberdinak ezagutzea.
• Argazki digitalen ezaugarriak ezagutu eta hauek moldatzeko dauden aukerak ezagutzea.
• Argazki digitalekin lanean: GIMP programa erabiltzen ikastea.
• Irudiei ahalik eta etekin handiena ateratzen ikastea.

Edukiak

1. Sarrera - Argazkilaritzaren elementuak - Argazki kamera: Zer den, atal ezberdinak eta kamera digitalaren berrikuntzak - Argazki kamera erabiltzen hasteko kontseiluak      
2. Diafragma - Distantzia fokala - Perspektiba - Obturadorea / Abiadura - Sentsorea - Sentikortasuna (ASA) -  Objetiboa.
3. Argi neurketa - Kamera moduak / aukerak - Fokatzea / Moduak -  Sakontasun eremua: Diafragmaren erabilera / Distantzia fokala
4. Konposaketa / Oinarrizko arauak - Enkoadratzea - Balantze zuria - Flaxa - Histograma - Artxibo motak
5. GIMP programaren menuen eta tresnen kokapenarekin aurkezpena.-Tresna lehioa., (herramintak).-Menuak.-Geruzak.-Testuaren integrazioa.-Koloreen erabilpena.-Gordetzeko formatuak

Metodologia

Erabiliko dugun metodologia teoria eta praktika uztartuko ditu, oinarrizko teoria emango dugu baina batez ere ikastaro praktiko bat egingo dugu. Kamerak eskuan harturik argazki saioak egingo ditugu, ateratako argazkiak ordenagailuetara sartu eta ordenagailuan ditugun erabilera aukerak ikusiko ditugu. Kamera piztu aurretik hasi eta argazkia atera, ordenagailuan sartu, ordenagailuan editatu eta paperera pasa zein mailez nola bidaltzeko prozesua landuko dugu, besteak beste. Ordu gehienak praktikoak izango dira, ikasle bakoitzak bere kameraz gain ordenagailu bat izango bait du.  

Nori zuzendua

Gaian interesa duen orori.

Matrikulaziorako argibideak

Babesleak

• NUP

Etiketak

NUP, argazki digitalak, GIMP, argazki tratamendua