Haur psikologia: haurren portaeren ikaskuntza

0-2 urte arteko haurraren garapena ulertzeko gakoak aztertuko dira ikastaro honetan. Egunerako errutinak eta eman daitezkeen jarrera oldarkorren aurrean izan beharreko jarrera landuko dira, besteak beste.

Irakaslea

• Ane Ablanedo Larrion

  Unibertsitateko irakaslea (UPPA, NUP). Haur-prebentzioan espezialista. Eskola alternatibo eta pedagogia librearen gaian formatzailea. Hizlari eta artikulugilea. UEUkidea.

Helburuak

• 0-2 urteko garapen etapako ezaugarri eta berezitasunak aztertuz, haurraren garapena ulertzeko eta behatzeko gakoak eskuratzea
• Garapen etapa horretan eman daitezkeen jarrera oldarkorren aurrean nola jolatu jakitea
• Eguneroko errutinak antolatzeko eta hauetan ekimen aproposak aurrera eramateko gakoak ezagutzea

Edukiak

• Garapen fisiko eta psikomotorea lehen haurtzaroan
• Oinarrizko prozesu kognitiboak lehen haurtzaroan
• Zentzuei eta mugimenduari dagokion adimena
• Hizkuntza jabekuntza
• Garapen soziala eta nortasuna
• Garapena eta hezkuntza
• Haurren garapenaren portaera besteekiko harremanetan
• Haurren portaera eguneroko errutinetan

Metodologia

Metodologia praktika-partehartzailea izango da, honetarako hainbat dinamika erabiliko dira. Helburua taldeak dituen ezagutzetatik abiatzea da ikastaroaren zehar hauek zabaltzeko.

Nori zuzendua

Haurreskoletako hezitzaileei, 0-2 urtetako gurasoei eta gaian interesa duen orori

Egitaraua