Coaching pertsonala. Programazio Neurolinguistikoaren baliabideaz

Ikastaroa bi larunbatetan (apirilaren 2an eta 9an) izango da.

Coaching-a galderak egiteko artea da. Pertsonekin lantzen den teknika da eta pertsonek barnean dituzten erantzunak bilatzen saiatzen da galderen bitartez.

Galderak Coach-ak (coaching-ean aditua denak) egiten ditu, eta erantzunak bezeroak (coachee-ak) ematen ditu. Komunikazio horren ondorioz, coaching delako prozesua sortzen da haien artean; “entrenamendu” prozesu bat, alegia.

Bide horretan, coach-ak laguntza eskaintzen dio coachee-ari (bezeroa) bere bidea aurki dezan eta garrantzitsua dena eta ez dena bereizten erakusten dio.

Coachhee-ak konpromisoak hartzen ditu egin behar edo egin nahi duena egiteko. Beti era ekologikoan, hau da, norberarentzako hobekuntzak lortuz, batzuetan gainontzekoentzat ere, baina inori kalterik egin gabe.

Ikastaroa praktikoa da eta eginez ikasten da, ikaskuntzarako teknika eraginkorrak baliatuz.

Irakaslea

• Gotzon Carcar Muerza

  Coach pertsonala eta enpresariala, Trainer's Training Masterra Programazio Neurolinguistikoan. UEUkidea

Helburuak

• Coaching teknikak ezagutzea eta gaitasuna lortzea edozein komunikazio-prozesutan aplikatu ahal izateko.
• Eguneroko bizitzan baliagarriak diren gaitasunak lortzea, eraginkortasunean, denboran eta esfortzuan irabaziz eta bizi-kalitatea hobetuz.

Zarena eta daukazuna baloratzea oinarrizkoa da,

behar ez duzuna utziz edo aldatuz.

Norberaren esku dago gaitasunak lortzea:

ohiturak berrikusi eta gaitasun berriei zabalik egonez

Benetan ikasi nahi badugu...

Erantzun hoberena

galdera hoberenetan dago

Edukiak

• Coaching-aren filosofia ezagutzea
  • Coaching-a, historia, motak
  • Coaching-a PNLaren laguntzaz
  • Coach-aren perfila
  • Coaching-aren oinarriak
• Harremanetarako eta ezagutzarako tresnak
  • Aliantza
  • Lanaren metafora: Eraikina
  • Elkargunerako tresnak
  • Enpatia eta konfiantza
  • Galdera ahaltsuak
  • Itxaropenak
  • Egungo egoera ≠ Egoera desiragarria
  • Trabak eta Helburuak
• Barne-egoerak eta coach-aren kontzientzia
  • Komunikazio ekologikoaren aurresuposizioak
  • Metaprogramak eta Pertzepzioa
  • Bezeroaren mapa
•  Coaching-aren 7 trebetasunak
  • Feed-back eta inbentarioa

Metodologia

Funtsean, teknika guztiak pertsonaren esperientzia bizi eta hurbilekora modu praktikoan sartzean datza metodologia (eginez ikastea).

Ikaskuntza funtsean esperientzian oinarritua izan dadin egituraturik dago mintegia. Parte-hartzaileen artean egindako ariketa anitzek urratsez urrats osatzen dute prozesu guztia.

Nori zuzendua

Coach moduan formatu nahi duten profesionalei, bai Coaching pertsonalaren trebetasunak garatzeko bai enpresara zuzendutakoak.

Coaching-ean interesa duten pertsonei, Coach izan nahi dutenei edota bere komunikazio-gaitasuna zabaldu nahi duenari.

Ikastaro honetan parte hartzeko ezinbesteko baldintza da I. Modulua (Komunikazio eraginkorra izateko komunikazio-trebetasunak) egina izatea.

Matrikulaziorako argibideak

Oharrak

Ikastaroaren edukiak behar bezala barneratzeko ezinbestekoa da ikastaro osoa egitea, beraz, %100eko asistentzia eskatuko da ikastaroan

Babesleak

• Eusko Jaurlaritza. Kultura Saila

• Eusko Jaurlaritza. Hezkuntza Saila

• Gipuzkoako Foru Aldundia. Gizarte eta Erakunde Harremanetarako Departamentua

• 

  KUTXA

Etiketak

garapen pertsonala, coach, harremanak, galderak, entrenamendu, komunikazio teknika, udaberriko eskaintza