Ikastaroak :: Hizkuntzalaritza, Glotodidaktika, Hezkuntza

Hizkuntza Trataera Bateratua: Euskara, gaztelania eta atzerriko hizkuntza modu integratuan lantzen

  • Hasiera-data: 2022(e)ko irailaren 27a
  • Amaiera-data: 2022(e)ko urriaren 25a
  • Tokia: Ikasgela Birtuala
  • Ordutegia: Astean zehar. 00:00-24:00
  • Izaera: On-line
  • Ordu kopurua: 30.00 ordu
  • Matrikula-epearen hasiera: 2022(e)ko irailaren 1a
  • Matrikula-epearen bukaera: 2022(e)ko irailaren 20a

Ikastaroaren datak: irailak 27-urriak 25

Indarrean den hezkuntza curriculumean zehazten denez, hizkuntzen trataera integratuak (HTI) izan behar du ikastetxeetako hizkuntza-proiektuaren ardatza, eta ikastetxeko esparru guztiei eragiten die. Ikastaro honetan HTIren gakoak zein diren ikasteaz gainera, gure ikastetxeetako hizkuntza-tratamenduari buruzko gogoeta egingo dugu, bai eta gure ikastetxeko beharrizanetan oinarrituta interbentzio bat sortzeko proiektua idatzi ere.

Irakaslea

  • Mari Mar Boillos Pereira

    Hispaniar Filologia doktorea. UPV/EHU irakasle atxikia.

Helburuak

  • Hizkuntzen trataera bateratua ulertzeko oinarrizko hainbat kontzeptu berrikustea.
  • Hizkuntzen trataera bateratuak EAEko hezkuntza-legearen markoan duen lekua zein denikastea eta aurrekarien berri izatea.
  • Hizkuntza trataera bateratuaren definizioa, oinarriak eta printzipioak zein diren ikastea.
  • Norberaren ikastetxean egiten den hizkuntzen trataerari buruz hausnartzea taldean.
  • Norberaren ikastetxearen egoera beste kide batzuekin konpartitzea eta ikastetxeetako hizkuntza-trataera bereiziaren beharrizanaz gogoeta egitea.
  • HTB aplikatzeak norbere ikastetxean lekarzkeen onura eta arriskuei buruz hausnartzea, bai eta mehatxuen eta aukeren inguruan hausnarketa egitea ere.
  • HTBren bideragarritasunari buruzko sintesi bat egitea AMIA taula baten bidez.
  •  Beste ikastetxe batzuetako esperientzien berri izatea eta esperientzia horien oinarriei eta ezaugarriei buruzko hausnarketa egitea taldean.
  • Ikastaroan landutako eduki teorikoa martxan diren proiektuekin lotzea.
  • Norbere ikastetxerako HTB esperientzia diseinatzea.
  • Beste ikaskide baten esperientzia-zirriborroa zuzentzea eta osatzea.

 

Edukiak

- Hizkuntza zientzien ekarpenak eta hizkuntza-komunikaziorako konpetentzia:

  • Hizkuntzen trataera bateratuaren oinarriak: zenbait kontzeptu eta definizio (atalazea, interdependentzia eta hizkuntzen arteko transferentzia)
  • Hizkuntzak eta curriculuma, ikuspegi integratu baterantz: ereduak, esperientziak eta programazioak.
  • Ikastetxeko hizkuntza proiektua.
  • Hizkuntza trataera bateratuaren printzipioak: inklusio soziala eta linguistikoa, hizkuntza- eta kultur aniztasunarekiko jarrera positiboak, komunikazioa lehenestea, hizkuntzak testuinguru errealetan erabiltzeko espazioen sorrera eta sustapena.

-Eredu didaktikoa eta hizkuntzen-programazio integratua: orientabideak

  • Ereduen azterketa
  • Norberaren testuinguruko hizkuntza proiektuaren eta hizkuntza (euskara, gaztelania, atzerriko hizkuntza eta ikastetxeko gainerako hizkuntzak) programazioen azterketa
  • Programazio bateratu baten proposamena

 

Metodologia

Ikastaroa online irakaskuntzan oinarrituko da eta, horretarako, Moodle irakaskuntza-plataforma batean oinarrituta dagoen UEUren Ikasgela Birtuala erabiliko da. Ikastaroa parte-hartzailea eta praktikan oinarritutakoa izango da, parte-hartzailea eta konpetentzietan oinarritutakoa izango da.

1. Astea: Lehenengo gaia landuko da. Guztira, 6,5 ordu.

2. Astea: Bigarren gaia landuko da. Guztira, 6,5 ordu.

3. Astea: Hirugarren gaia landuko da. Guztira, 6,5 ordu.

4. Astea: Laugarren gaia landuko da. Guztira, 5,5 ordu.

5. Astea: Laugarren gaia landuko da. Guztira, 5 ordu.

Nori zuzendua

Hezkuntza arloko ikasle zein irakasleendako.

Izen-ematea publiko zabalari ere irekia dago baina unibertsitatean ikasten dabiltzan nafar ikasleek izango dute lehentasuna.

Ikasleak onartuak izango dira irizpide honen arabera: izen emate epea zabaldu eta lehenengo 15 egunetan izena ematen dutenen artean, lehenik, unibertsitateko nafar ikasleak, gero gainontzeko nafarrak eta azkenik, beste lurraldetakoak.

15 egun horiek pasata, taldea osatu arte onartuko dira ikasleak.

Matrikulaziorako argibideak

• Ikastaroa DOAKOA da.

Matrikulatu aukera sakatu (goian dago, izenburuaren azpian) eta bertan agertutako zaizun fitxa bete.

• Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.

• Ez baduzu mezurik jasotzen, akatsen bat egon da. Horrela bada, jarri gurekin harremanetan: 948 362563, nafarroa@ueu.eus, (Edurne).

Oharrak

OSASUN-SEGURTASUN OHARRA

COVID-19 izurrite egoeran ikastetxeek jarraitu beharreko prebentzio, segurtasun eta higiene-neurri berdinak jarraituko dira gure egoitza eta jardueretan.

Homologazioa

Ikastaro hau egiteagatik, Nafarroako Unibertsitate Publikoak (NUP) ECTS erdia (0,5) emango die ikasleei. Horretarako, NUPeko erregistro orokorrean aurkeztu beharko dute instantzia orokorrarekin batera, UEUren bertaratze ziurtagiria.

Halaber, Nafarroako Gobernuko Hezkuntza Departamentuak, irakasleen etengabeko prestakuntza gisa ere homologatu du.

Homologazio-zenbakia: 54/2022, otsailaren 22koa. Hiru kreditu (3) eskuratu ahal izango dira.