Ikastaroak :: Hezkuntza, Informatika

Material didaktikoaren sorkuntza tresna askeak erabiliz

  • Hasiera-data: 2021(e)ko otsailaren 24a
  • Amaiera-data: 2021(e)ko martxoaren 24a
  • Tokia: Ikasgela Birtuala
  • Ordutegia: astelehena-ostirala. 00:00-24:00
  • Izaera: On-line
  • Ordu kopurua: 20.00 ordu
  • Matrikula-prezioak: Orokorra: 140,00 €. Ikasle, langabe eta erretiratuak: 126,00 €. Bazkideak: 105,00 €
  • Matrikula-epearen hasiera: 2021(e)ko urtarrilaren 11a
  • Matrikula-epearen bukaera: 2021(e)ko otsailaren 11a

Ikastaro hau erabat online da, ez dauka aurrez aurreko saiorik.

Hezkuntza arloan, material didaktikoak sortzerakoan testuaz gain irudiak eta bideoak ere maneiatu behar izaten ditugu gero eta gehiago. Ikastaro honekin, material didaktikoak software askeaz sortzeko tresnak ezagutuko ditugu, bai eta haien oinarrizko erabilera ere.

unibertsitatea.net atarian duzu irakasleari egindako elkarrizketa.

Irakaslea

  • Iñigo Gebara Gracenea

    DBHko irakaslea.

Helburuak

  • Irakasleei software askeko tresnak ezagutaraztea.
  • Tresna horiek erabiltzeko oinarrizko baliabideak irakastea.
  • Sortzen den materiala klaserako erabilgarri izatea.

Edukiak

  • InkScape. Marrazki bektorialak sortzeko programa.
  • KdeNLive: bideoak muntatu eta animatzeko programa.
  • OBS: kapturak egiteko programa
  • Materialaren sorkuntza.

Metodologia

Ikastaroa online izango da eta, horretarako, Moodle irakaskuntza-plataforma batean oinarrituta dagoen UEUren ikasgela birtuala erabiliko da.

Ikastaroa parte-hartzailea eta praktikan oinarritutakoa izango da.

Ikastaroaren hasierako fasean marrazki bektorialak nola sortu eta bideo-tutorial laburrak egiten erakutsiko da.

Bigarren fasean, KDEnlive-rekin bideoak nola sortu / OBS-rekin kapturak nola egiten diren erakutsiko da.

Azkenik, bakoitzak bere proiektua egingo du eta lantaldean elkarbanatuko da.

Ikasleek momentu oro irakaslearen jarraipena eta tutoretza izango dute.

Nori zuzendua

DBH, Batxilergo, zein LHko irakasleei zuzendua.

Matrikulaziorako argibideak

  • Matrikulatu aukera sakatu eta han agertutako zaizun fitxa bete.
  • Matrikula-orria bete ondoren, mezu bat jasoko duzu zure posta elektronikoan, matrikularen eta ordainketaren inguruko argibideekin.
  • Ez baduzu mezurik jasotzen, akatsen bat izan da. Horrela bada, jarri gurekin harremanetan: 943 82 14 26, markeskoa@ueu.eus, (Mari Karmen).
  • Talde mugatua: gehienez, 20 pertsona.
  • Hemen UEUren matrikulazio-araudi orokorra.

Oharrak

Euskal Autonomia Erkidegoko unibertsitateaz kanpoko irakasleentzako prestakuntza-ikastaroak homologatzeko eskaera bideratuta, erantzunaren zain.

COVID-19 izurrite egoeran ikastetxeek jarraitu beharreko prebentzio-, segurtasun- eta higiene-neurri berdinak jarraituko dira gure egoitza eta jardueretan. Hona argibideak: UEUren prebentzio-neurriak.

Eguneratze-ikastaro modura homologatuta, 2020ko urtarrilaren 24an Hezkuntza Saileko Hezkuntza sailburuordeak emandako ebazpenaren bidez, honako kodearekin: 2068348009.