Ikastaroak :: Matematika

Kolorezko zenbakiak. Matematika lantzen erregeleten bidez

  • Hasiera-data: 2019(e)ko urriaren 2a
  • Amaiera-data: 2019(e)ko azaroaren 8a
  • Tokia: Ikasgela Birtuala
  • Ordutegia: astelehena-ostirala. 0:00-24:00
  • Izaera: On-line
  • Ordu kopurua: 25.00 ordu
  • Matrikula-epearen hasiera: 2019(e)ko irailaren 2a
  • Matrikula-epearen bukaera: 2019(e)ko irailaren 24a

Ikastaroa online izango da, nagusiki. Aurrez aurreko saio bakarra izango du ikastaroaren hasiera-egunean: urriaren 2an (17:30-20:00). Saio hau UEUren Ikastetxe Nagusian izango da (Otaola hiribidea, 1. Eibar).

Edozein ikas-prozesu, Brunerren hitzetan, 3 pausoz osaturik dago: manipulazioa, irudikapena eta hizkuntza konkretua. Kasu honetan, argi dago, gure azken pausoa hizkuntza matematikoa da eta lehen bi pausoak emateko oso material egokia ERREGELETAK dira. Erregeletak edo kolorezko zenbakiak George Cuisenaire-k asmatu zituen XX. mendeko berrogeiko hamarkadan. Irakaslea eta musikoa zen. Urte asko eman zituen, musikaren didaktikan lanean eta hortik jasotako esperientziaz baliatuz kolorezko tira batzuk sortu zituen bere ikasleei musika erakusteko. Aukeratu zituen koloreak ongi pentsatutakoak ziren: gorriak, arrosak eta marroiak familia bat osatzen dute; horiak eta laranjak beste bat; berde argia, berde iluna eta urdinak beste familia batekoak dira; zuriak bere barne hartzen ditu beste kolore denak eta beste tira guztiak tira zuriz osa daitezke; beltza, kolorearen ukapena, ezin dugu beste tiren zenbaki zehatz baten funtzioan jarri. Tira horiek egurrezko prismak bihurtu zituen eta ikasleen eskura jarri zituen. Laster konturatu zen kalkulurako zuten balioaz.

unibertsitatea.net atarian duzu irakasleari egindako elkarrizketa.

Irakaslea

  • Lorena Egidazu Ormazabal

    Hezkuntza izan da beti nire proiektua eta horregatik kooperatiba txiki bat sortu nuen. Ikas prozesuan laguntzen diegu baliabide desberdinak erakutsiz, hauek barneratu eta bidea bakarrik jarraitu ahal izateko. Urteekin matematiketan espezializatu garela esan dezakegu, matematikak era manipulatibo eta erronken bidez landuz. Bakarkako saioak nahiz taldekoak egiten ditugu, abstrakziorako bidea landuz, tamalez batzuk berez lortzen ez dutelako. Ikastetxe desberdinetan ere jarduten gara ikastaroak ematen. Matematika manipulatiboak egunerokotasunean txertatuz.

Helburuak

  • Etapako irakasleek elkar ezagutzea eta laguntza bultzatzea, partekatzea.
  • Ikasle guztien garapenean areagotzea, eragin positibo eta eraginkorra lortzea.
  • Zenbakikuntzari aurrepausoak egokitzea.
  • Manipulazioa ikasleekin lantzea.
  • Irudikapena sustatzea.
  • Abstrakzioa lortzea.
  • Eragiketak egiteko beste bide batzuk ezagutzea.

Edukiak

  • Kantitatearen kontzeptua: kontaketa.
  • Ordenazioa: sistema hamartarra.
  • Erregeletekin lehen pausoak: programaketa posible bat.
  • Deskonposaketan oinarritutako kalkulu mentala.
  • Eragiletak I: batuketa, kenketa, biderketa, zatiketa.
  • Eragiketak II: zatikiak.
  • Irudikapena eta autoestimuaren garrantzia.

Metodologia

Ikastaroa b-learning motakoa izango da, hau da, saio presentziala eta online irakaskuntza konbinatuko dira. Ikastaroa online bideratuko da tutore pertsonalarekin. Beraz, teknologia berrietan eta Interneten oinarritutako ikasteko modu bat erabiliko da.

Ikastaroa emateko, Moodle (http://moodle.org/) motako irakaskuntza kudeatzeko sistema edo plataforma erabiliko da. Moodle, GPL lizentzian (Lizentzia Publiko Orokorra) oinarritutako ikasketarako kudeaketa-sistema da. Plataforma horren bitartez, ikasleek ikastaroko eduki eta jarduera guztiak eskura dituzte eta komunikatzeko bestelako tresnak ere (foroak, adibidez). Tresna horiek ikasleen arteko elkarrekintza, eta ikasleen eta irakaslearen arteko komunikazioa errazten dute.

Beraz, aurrez aurreko saioa eta online irakaskuntza konbinatuz, ikastaroan alde teorikoa eta praktikoa uztartuko dira. Plataformaren bidez, edukien informazioa zabalduko da eta ariketa praktikoak landuko dira, zalantzak, argibideak eta ezagutza elkarrekin eraikiz plataformako foroen bitartez.

Nori zuzendua

Haur Hezkuntzako (HH4 eta HH5) eta Lehen Hezkuntzako irakasleei.

Matrikulaziorako argibideak

  • Matrikulatu aukera sakatu eta han agertutako zaizun fitxa bete.
  • Matrikula-orria bete ondoren, mezu bat jasoko duzu zure posta elektronikoan, matrikularen eta ordainketaren inguruko argibideekin.
  • Ez baduzu mezurik jasotzen, akatsen bat izan da. Horrela bada, jarri gurekin harremanetan: 943 82 14 26, markeskoa@ueu.eus, (Mari Karmen).
  • Hemen UEUren matrikulazio-araudi orokorra.
  • Diru-laguntzen informazioa.

Oharrak

  • Ikastaroa on-line izango denez, ezinbestekoa da nork bere ordenagailua, posta elektronikoa eta Internet konexioa izatea.
  • Ez da ezinbestekoa Moodle plataforma ezagutzea ikastaroa egiteko. Lehen ikasgelako saioan plataformaren inguruko oharrak emango ditugu, besteak beste, eta ikastaroan zehar, edozein zalantza argitzeko prest izango gara.
  • Euskal Autonomia Erkidegoko unibertsitateaz kanpoko irakasleentzako prestakuntza-ikastaroak homologatzeko eskaera bideratuta, erantzunaren zain.

Babesleak

Etiketak

matematika, erregletak, hezkuntza, UEU, ikastaroak, Eibar

Copyright @ 2019 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.