Ikastaroak :: Soziolinguistika

Soziolinguistika hiztegi txikia. Arabatik Euskal Herrira ''Hausnartu''.

  • Izaera: Presentziala
  • Ordu kopurua: 12.50 ordu
  • Matrikula-epearen hasiera: 2018(e)ko abenduaren 3a
  • Matrikula-epearen bukaera: 2019(e)ko urtarrilaren 28a

Hausnartu sarietan saritutako lanak maila tekniko eta metodologiko goreneko gaiak dira, eta euskal gizartearen interesekoak direla ikusten dugunez, modu dibulgatiboan eskainiko ditugu. Hitzaldi segida bat soilik izan beharrean, Oihanederren eta UEUren asmoa ikerketa eta ezagutza soziolinguistikoa gizartearen esku modu dibulgatibo eta erakargarrian egitea izango da, gaiak tokiko euskaldunari gerturatuz. Saritutako lanen segidari koherentzia eta edukiak Gasteiz eta Arabara hurbiltzeko, Hausnartu sarituarekin batera bertako hizlari bat gonbidatuko dugu, tokiko ikuspegia emateko.

Bost arlo jorratuko ditugu, Soziolinguistika hiztegi txikia ikastaroan: Kultura, Komunikazioa, Hezkuntza, Hizkuntza eta Kulturartekotasuna.

  •  Gure hizkuntza ardatz hartuta, zeintzuk dira bost arlo horietan euskaldunok egiten ditugun hausnarketak? Zeintzuk burura datozkigun kezkak eta proposamenak?

Bost saio eta hamar hizlari izango dira, horietako bakoitzak ekarpen interesgarri bat egin dio euskarak arlo horietan dituen erronkei eta arazoei. Ikastaro honen helburu nagusia da kezka horiek gizarteratzea eta denon artean hausnarketa kolektibo bat egitea. Bestalde, ikastaro formatua emango zaio, hitzaldiei balio erantsia eman eta eduki osagarriak eskainiz, baita amaierako parte hartze ziurtagiri homologatua ere.

 

Ikastaro hau UEUk eta Oihaneder Euskararen Etxeak antolatu dute elkarlanean.

 

Laguntzailea Soziolinguistika Klusterra    

.

.

Irakasleak

  • Manex Agirre Arriolabengoa

    Euskara teknikaria.

  • Josu Amezaga Albizu

    Soziologian doktorea. UPV/EHUko irakaslea. UEUkidea

  • Goio Arana Arrieta

    Kazetaritzan lizentziaduna eta Hezkuntza-berrikuntzan masterra.

  • Amelia Barquin López

    Filologia Hispanikoan doktorea. HUHEZIko irakaslea. UEUkidea.

    ...Bloga: Kinka. Zapia buruan, ibili munduan!

  • Naiara Berasategi Sancho

    Soziologian lizentziatua eta Irakaslea Hezkuntza Berezian. Doktorego Tesia egin zuen Hizkuntza eta Kultura aniztasuna-ren inguruan. Egun UPV/EHUn irakasle dihardu Didaktika eta Eskola Antolakuntza Sailean eta Eleaniztasuna eta Hezkuntza Masterrean klaseak ematen ditu.

  • Leire Diaz de Gereñu Lasaga

    UPV/EHUko doktore eta Letren Fakultateko Hizkuntzalaritza eta Euskal Ikasketak Saileko irakaslea da. Ahozko hizkuntzaren azterketan eta euskararen didaktikan ikerlari dihardu ELEBILAB ikertaldean. Munduko Hizkuntza Ondarearen Unesco Katedrako kide da.UEUkidea

  • Gartzen Garaio Atxurra

    Herrigintza eta euskalgintzako militantea eta kooperatibista.

  • Txerra Rodriguez Gomez

    EMUNen hizkuntza aholkulari eta UPV/EHUn doktoregai.

  • Galder Unzalu Etxabe

    Antropologian eta Zuzenbidean lizentziaduna. Bigarren Hezkuntzako irakaslea.

  • Mario Zapata Solano

    Soziologoa. Migrazio eta Soziolinguistika gaietan aditua.

  • Aitor Zuberogoitia Espilla

    Informazio Zientzietan Doktorea. HUHEZIko irakaslea. UEUkidea.

Helburuak

Ikastaroan parte-hartuko duten ikasleei eskaini nahi diegu euskal soziolinguistikaren esparruan gaurkotasuna duten hainbat gairen inguruko hausnarketa egiteko aukera. Apurka apurka euskal soziolinguistikaren mundua aberastuz doa gure ikerlariek egin lanekin, eta ''Hausnartu'' sarietara aurkeztutako lanak horren lekuko dira. Ikastaroko partaideek zuzenean jaso ahal izango dituzte egileen ahotsean zeintzuk diren arlo hauen inguruko gaur egungo kezkak eta hausnarketak.

Metodologia

Aurrez aurre emango diren 5 saio izango dira, bakoitzean gai bat monografiko hartuta bi hizlari egongo dira. Hizlarien jarduna osatzeko, partaideei material osagarria banatuko zaie eta gaiaren lanketa pertsonala egiteko aukera izango dute.

Nori zuzendua

Gaian interesa daukan edonori.

Egitaraua

2019-01-29

Ordua Edukiak Irakaslea
19:00-20:30

Kultura.

"Arabako bertso eskolak, gazteek hitza hartzeko guneak." Manex Agirre (Gorbeialdeko Kuadrillako euskara teknikaria).

 ''Euskarazko kulturaren kontsumoa ulertu nahirik. Arabatik begirada.'' Josu Amezaga (UPV/EHUko irakaslea).

Ikusi saio honen bideoa.

2019-02-26

Ordua Edukiak Irakaslea
19:00-20:30

Komunikazioa.

''Sormen-ekosistema bat euskarazko komunikazioarentzat.'' Aitor Zuberogoitia eta Goio Arana (MUko irakasleak).

"Aiaraldea Ekintzen Faktoria: komunikaziotik komunitate proiektu integral batera" Gartzen Garaio (herrigintza eta euskalgintzako militantea eta kooperatibista).

 

Ikusi saio honen bideoa.

2019-03-26

Ordua Edukiak Irakaslea
19:00-20:30

Hezkuntza.

"Eskola eleaniztunean hizkuntzen gaineko jarrerak gogoetagai: euskararen biziberritzerako aukera bat?" Leire Diaz de Gereñu (UPV/EHUko irakaslea, ELEBILAB ikertaldeko kidea).

 ''Hizkuntza eta kultura aniztasuna Bilboko eskoletan. Euskararen erabileran eta euskal kulturaren praktikan eragiten duten faktoreak.'' Naiara Berasategi (UPV/EHUko irakaslea)

Ikusi saio honen bideoa.

2019-05-28

Ordua Edukiak Irakaslea
19:00-20:30

Kulturartekotasuna.

  • “Immigranteen seme-alabak, euskara eta hezkuntza. Gaurko erronkak” Amelia Barquin ( Filologian doktorea, Mondragon Unibertsitateko irakaslea.)
  • ''Migratzaileen harrera gutxiagotutako hizkuntzen testuinguruan.'' Mario Zapata
Saio honetan izena emateko: Kulturartekotasuna

2019-04-09

Ordua Edukiak Irakaslea
19:00-20:30

Hizkuntza.

“Araba: mundu mailako biziberritzearen adibide?”  Txerra Rodriguez (Emunen hizkuntza aholkulari eta UPV/EHUn doktoregai).

  • Ikusi hemen hitzaldian erabilitako mapa.

  “Sugea dantzan: Mentalitate kolektiboak, espazioa eta erabilera Bilbon”. Galder Unzalu (Antropologian eta Zuzenbidean lizentziaduna. Bigarren Hezkuntzako irakaslea).

  • Eskuratu hemen hitzaldian erabilitako aurkezpena
Ikusi saio honen bideoa.

Matrikulaziorako argibideak

Ikastaro osoan edo hitzaldi soltetan izena eman daiteke. Prezioak:

  • Ikastaro osoa: 30,00€ (begiratu deskontuak)
  • Hitzaldi edo saioka, bakoitzak: 10,00€

.- IKASTARO OSOAN IZENA EMATEKO

  • Matrikulatu aukera sakatu (goian dago, izenburuaren azpian) eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: 942 821426, i.iciar@ueu.eus, (Irati).
  • Hemen UEUren matrikulazio-araudi orokorra.
  • Diru-laguntzen informazioa.

 

.- SAIO BAKAR BATEN izena emateko: klikatu egitarauan adierazitako esteketan.

Oharrak

Eusko Jaurlaritzak Euskal Autonomia Erkidegoko unibertsitateaz kanpoko irakasleentzako prestakuntza-ikastaro moduan homologatuta:

  • Erabakia: 2019/01/25
  • Kodea: 1968348012

Unibertsitateko ikasleek ECTS kredituak lortu ditzakete, baliozkotzea ikasleak bere fakultatean eskatu behar du.

  • EHUren Letren Fakultatean 0,25 ECTS aitortuko dira.

 

ZIURTAGIRIAK

  • Parte hartze ziurtagiria lortzeko, ikastaro osoan matrikulatu behar da eta %80k asistentzia ziurtatu.
  • Ez dira egingo saiokako ziurtagiriak.

Etiketak

gasteiz, ikastaroak, oihaneder, euskara, hezkuntza, komunikazioa, hizkuntza, kulturartekotasuna, kultura

Copyright @ 2019 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.