Gradu eta graduondokoak :: Hizkuntzalaritza, Hezkuntza, Pedagogia, Informatika

IKTak eta Konpetentzia Digitalak Eskolan, Unibertsitatean eta Enpresan (UPV/EHUren Aditu Titulua)

  • Izaera: On-line
  • Balio akademikoa: 15 ECTS
  • Matrikula-epearen hasiera: 2018(e)ko ekainaren 11a
  • Matrikula-epearen bukaera: 2019(e)ko urtarrilaren 15a

2018ko urtarrilean aurkeztutako plana, UPV/EHUren Berezko Tituluen eskaintzan onartua (2018-06-07)

(Ohar garrantzitsua: izen ematea UPV/EHUren web orrian egiten denez, web orri honen matrikulazio aukera soilik informazioa jasotzeko erabiliko da. Barkatu eragozpenak.)

Hezkuntza-munduan gero eta aldaketa edota berrikuntza gehiago daude, gero eta joera metodologiko gehiago azaltzen dira, teknologiak eskolari egin diezazkiokeen ekarpenez baliatuta. Modulu honen helburu nagusia da joera horiek identifikatzea eta hezkuntza-praktika berritzeko eta ikaslea boteretzeko izan dezaketen aukeren hausnarketa bultzatzea.

Horretarako, hezkuntza formalean (eskolan, Lanbide Heziketan, unibertsitatean), enpresan eta hizkuntzen irakaskuntzan teknologiak, konpetentziak digitalak eta teknologia baliatzeko moduak erakutsiko dira, arloan arituak diren profesionalen eta irakasleen laguntzarekin. Baliabide digitalek duten aukerak eta ikasteko estrategia ezberdinak kontuan izango dira.

Zertarako? Teknologia modu instrumentalean menderatzea baino gehiagorako izan behar duelako konpetentzia digitalak; sarean dauden informazioa eta tresnak kritikoki eta arduraz erabiltzeko gaitasuna esrdietsi behar delako, baita horiekin modu sortzailean aritzeko ere bai. Baina nola garatu konpetentzia digitala hezkuntzan? Bada, IKTak ikas-arloetan txertatuz. Hau da, ikas-irakaskuntza prozesuan baliabide digitalak normaliza daitezen, horiek ikusezin bihurtzea da erronka nagusia, ikasgelako eguneroko jardueretan txertatuz. Hausnartuko da zein gaitasun digitalaren eta irakas-estrategiaren garapenak ematen duen aukera gehiago ikasleriaren parte hartze handiagorako eta ikasketa kolaboratiborako

 

Graduondokoa UPV/EHUko Berezko Tituluen eskaintzan sartzen da, UPV/EHUko Sail bik antolatuta: Hizkuntzaren eta Literaturaren Didaktika Saila eta Hizkuntza eta Sistema Informatikoak Saila. Halaber, IKT eta formazioaren alorrean lan egiten duten hainbat elkarte eta enpresen irakasle biltzen dira graduondoko honen ikasketa-planean.

 

Unibertsitateko aditu titulua

Prestakuntza programa hau IKTak eta Konpetentzia Digitalak Hezkuntzan, Etengabeko Formakuntzan eta Hizkuntzen Irakaskuntzan Unibertsitate Espezializazio Tituluaren parte da. Espezialista titulu horri dagozkion 3 moduluak ikasturte ezberdinetan egin ahal izango dira.

Informazio gehiagorako, graduondokoaren webgunean: https://hezikt.eus/

 

Ezaugarri orokorrak:

  • Eskolak UEUko Eibarko egoitza akademikoan eta UEUren Ikasgela Birtualean izango dira.
  • Aurrez aurreko eskolak ostiraletan (arratsaldez) izango dira.

 

 

Helburuak

Graduondokoaren helburu nagusiena honako hau da: gizartea gehien eraldatu duen ardatzak (Informazio eta Komunikazio Teknologia, aurrerantzean IKT) hezkuntzan (eta bereziki euskal hezkuntzan) nola eragiten duen eta zer nolako abantailak dituen aztertzea eta horretan ari diren profesionalekin lan egitea.

Helburu hori ikuspuntu kritikoarekin egin ahal izateko, ezinbestekoa da graduondokoan parte hartuko duten ikasleak konpetentzia digitaletan trebatzea. Europako erreferentzia markoaren arabera konpetentzia digitala hau da: “Digital competence involves the confident and critical use of Information Society Technology (IST) for work, leisure and communication”.

Konpetentzia digitalak helburu izanik, graduondoko hau garatu nahi da komunitatea erreal zehatzean (euskal komunitatean) dauden arazoetan oinarrituz (kanpoko erreferentziei irekita) eta dituen abantailak aprobetxatuz (hizkuntza gutxiagotua normalizatzeko helburua duen komunitate eleanitza).

Izan ere, egoera edo gabezia horiek eragiten dute hala nola, hezkuntza formal eta ez-formalean, enpresetan garatzen diren ikastaroetan edota enpresak euskalduntzeko proiektuetan, hizkuntzak irakasteko orduan edota gizartea elebiduntzeko proiektu erraldoian (Europako handienean C1 mailako azterketari kopuruari dagokionez eta normalizazio egoeran dauden hizkuntzen erreferentearen rolean).

Horrez gain, graduondoko honetan pertsonengan eta balioetan oinarrituriko ikaskuntza autonomo eta esanguratsua IKTekin eta modu birtualean nola gara daiteken proposatu nahi dugu, baina baita proposamen horretan dauden hutsuneak identifikatu nahi ditugu, ikerketa proiektuak sustatzeko, era horretan ikasten duen ikasle-komunitate berria sortuz.

Edukiak

Modulu honetan honako irakasgaiak landuko ditu ikasleak:

  • Hezkuntza formala eta teknologia (5 ECTS)
  • e-learning testuinguruetarako ereduak eta baliabideak (5,5 ECTS)
  • Hizkuntzen irakaskuntza, komunikazioa eta garapenerako teknologiak (4,5 ECTS)

 

Metodologia

Graduondokoa ONLINE izango da UEUren Ikasgela Birtualaren bitartez.

Modulu bakoitzean saio presentzial bat egongo da edukien jarraipen egokia ziurtatu eta edukiei lotutako esperientzia praktikoak ezagutzeko.

Nori zuzendua

Abiapuntuan hartu dugun hipotesia hauxe dugu: izan bada Euskal Herrian halako prestakuntzan aritzeko interesa duten pertsonak, jada profesionalak direnak, batetik, eta unibertsitateko ikasketak amaitu berrian jarduera-esparru honetan sakondu nahi dutenak, bestetik.

Matrikulaziorako argibideak

UPV/EHUren titulua izanik izen-ematea eta matrikulazioa UPV/EHUko Berezko Tituluen sarbidetik egin beharko da, hemendik. UPV/EHUko prozedura izanik, bertoko ikaslea ez bazara izan, prozedura berezia da eta guk lagundu ahal zaitugu bide hori egiten.

Izena emateko epea urtarrilaren 15era arte zabalik egongo da.

Izena emateko aukera zabalik geldituko da aipatutako data horietan zehar.

Halaber, edozein zalantza argitzeko, edo prozeduran laguntzarik behar izanez gero, a.latatu@ueu.eus helbidera idatz dezakezu.

Oharrak

UPV/EHUren Berezko Titulua da eta beraz, UPV/EHUko eskaintzan sartzen da, unibertsitateari dagozkio tramite administratiboak (matrikulazioa eta graduondokoaren betekizunak).

UEUtik prozesu osoan laguntzen dugu eta zalantzarik baduzu, mesedez jar zaitez gurekin harremanetan eta infomazio guztia helaraziko dizugu.

(Ainhoa Latatu, a.latatu@ueu.eus, 943821426)

Etiketak

IKT, konpetentziak

Copyright @ 2018 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.