Ikastaroak :: Hezkuntza

Adimen-gaitasun handiko ikasleei erantzuna eskolan: eguneroko erronka

  • Hasiera-data: 2018(e)ko azaroaren 7a
  • Amaiera-data: 2018(e)ko abenduaren 11a
  • Tokia: Ikasgela Birtuala
  • Ordutegia: astelehena-ostirala. 00:00-24:00
  • Izaera: On-line
  • Ordu kopurua: 20.00 ordu
  • Matrikula-epearen hasiera: 2018(e)ko irailaren 3a
  • Matrikula-epearen bukaera: 2018(e)ko urriaren 19a

Taldea OSATU da. Matrikula orria betez gero, itxaron zerrendan sartuko zara. Ez egin matrikularen ordainketa.

Ikastaroa on-line izango da.

Adimen-gaitasun handiei buruzko ezagutzarik ezak eta mitoek ezaugarri horiek dituzten haurrei egunerokotasunean eskola-erantzun aproposa ematea oztopatzen dute. Alde batetik, haur horiek identifikatzeko zailtasunak daude, eta haien ezaugarriak eta jokabideak gaizki interpretatzen dira. Ondorioz, eskaintzen zaien eskola-erantzuna batzuetan ez da eraginkorra haien ikaskuntza-prozesuetarako. Bestetik, identifikatuta dauden haurrekin lan egiteko metodoak eta teknikak zalantzan jartzen dira askotan, beti ez baitira eraginkorrak izaten.

Ikastaro honen bidez, alde batetik, kontzeptuak argitu eta mitoak aztertuko dira, eta identifikaziorako gakoak eskainiko dira. Bestetik, eskola-erantzun eraginkorrerako gakoak aztertu eta zenbait proposamen eskainiko dira, didaktika desberdinak abiapuntu hartuta.

unibertsitatea.net atarian duzu irakasleei egindako elkarrizketa.

Irakasleak

Helburuak

  • Adimen-gaitasun handiei buruzko eredu teoriko nagusiak ezagutzea.
  • Ikasle horien ezaugarriak ezagutzea eta irakasleak detekzioan eragileak izatea.
  • Gelarako esku-hartzeak ezagutzea.
  • Eskola inklusiboaren ildotik erantzun egokiak jasotzeko proposamenak lantzea.

Edukiak

  • Adimen Gaitasun Handiko (AGH) ikasleei buruzko aurreiritziak, mitoak eta ezaugarriak.
  • Eredu teorikoak, kontzeptualizazioa eta AGHak dituzten ikasleen ezaugarriak (kognitiboak, emozionalak, sozialak eta generoari loturikoak).
  • Hezkuntzarako ondorioak eta inplikazioak: irakasleen gogoeta eta rola; metodologia eta gelarako praktika egokiak.
  • AGHko ikasleak antzematearen garrantzia eta horretarako erabiltzen diren eskalak eta tresnak.
  • Esku-hartzea: baliabideak eta esku hartzeko proposamenak.

Metodologia

Online plataforman asteroko antolaketa egingo da. Astero atal berria zabaldu eta dagozkion materialak eta ariketak landuko dira. Jarduera edo ataza desberdinetatik eratorritako txosten bat sortuko dute partaide guztiek, jardunei osotasuna emango diena. Parte-hartzaileek aste guztian zehar garatu beharreko jardunaren ataza plataformara igo beharko dute aste batzuetan, horretarako egokitutako espazioaren bidez; besteetan, aldiz, foroetan parte hartzea eskatuko da. Gainera, galde-sorta baten bidez asteko jarduna ebaluatuko du partaideak.

Lanean laguntzeko zalantzen foroa egongo da ikastaroaren aurkezpenaren atalean, zereginei buruzko zalantzak argitzeko, aipamenak egieko eta abarretarako. Zalantzen foroaren bidez edo bestela egiten diren kontsultei gehienez 24 ordu (astegunetan) eta 48 orduko (asteburuan) epean erantzungo zaie.

Irakasleek plataforman entregatu behar diren jarduerei buruzko feed-back pertsonalizatua emango diote parte-hartzaile bakoitzari. Foroan parte hartzea ere derrigorrezko jarduera moduan definitu denez, bertan esperientziak partekatzea, iritzia eman edo galderei erantzutea ere derrigorrezkoa izango da.

Nori zuzendua

Irakasleei (lehentasuna izango dute), hezitzaileei eta oro har gaian interesa dutenei.

Matrikulaziorako argibideak

  • Matrikulatu aukera sakatu eta han agertutako zaizun fitxa bete.
  • Matrikula-orria bete ondoren, mezu bat jasoko duzu zure posta elektronikoan, matrikularen eta ordainketaren inguruko argibideekin. Ez baduzu mezurik jasotzen, akatsen bat izan da. Horrela bada, jarri gurekin harremanetan: 943 82 14 26, markeskoa@ueu.eus, (Mari Karmen).
  • Talde-mugatua: Gehienez, 20 pertsona.
  • Hemen UEUren matrikulazio-araudi orokorra.
  • Diru-laguntzen informazioa.

Oharrak

Ikastaroa on-line izango denez, ezinbestekoa da nork bere ordenagailua, posta elektronikoa eta Internet konexioa izatea.

Eusko Jaurlaritzak Euskal Autonomia Erkidegoko unibertsitateaz kanpoko irakasleentzako prestakuntza-ikastaro moduan homologatuta. Homologazio kodea: 1868348026.

Babesleak

Etiketak

adimen gaitasun handiak, eskola inklusiboa, eskola erantzuna, aberastea, ikastaroak, UEU, Ikastetxe Nagusia, Eibar

Copyright @ 2018 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.