Adimen gaitasun handiko ikasleei erantzuna eskolan: eguneroko erronka

Ikastaroa bete egin da. Eman izena eta zerrendan sartuko zara. Apirilaren 18an jakinaraziko dizugu ikastaroan onartua izan zaren edo ez.

Adimen gaitasun handiei buruzko ezagutza ezak eta mitoek ezaugarri hauek dituzten haurrei egunerokotasunean eskola erantzun aproposa ematea oztopatzen dute. Alde batetik, haur hauek identifikatzeko zailtasunak daude, eta euren ezaugarriak eta jokabideak gaizki interpretatzen dira. Ondorioz, eskaintzen zaien eskola erantzuna batzuetan ez da eraginkorra euren ikaskuntza prozesuetarako. Bestetik, identifikatuta dauden haurrekin lan egiteko metodoak eta teknikak zalantzan jartzen dira askotan, beti ez baitira eraginkorrak izaten.

Ikastaro honen bidez, kontzeptuak argitu eta mitoak aztertuko dira, eta identifikaziorako gakoak eskainiko dira, alde batetik. Bestetik, eskola erantzun eraginkorrerako gakoak aztertu eta proposamen desberdinak eskainiko dira, didaktika desberdinak abiapuntu hartuta.

Irakasleak

• Leire Aperribai Unamuno

  Psikologian doktorea. BAMeko irakaslea (Begoñako Andra Mari Irakasleen Unibertsitate Eskola). UEUkidea.

• Leire Garamendi Merino

  Psikologian lizentziatua. BAMeko irakaslea (Begoñako Andra Mari Irakasleen Unibertsitate Eskola).

Helburuak

• Adimen gaitasun handiei buruzko eredu teoriko nagusiak ezagutu.
• Ikasle horien ezaugarriak ezagutu eta irakasleak detekzioan eragileak izatea.
• Gelarako esku-hartzeak ezagutu.
• Eskola inklusiboaren ildotik erantzun egokiak jasotzeko proposamenak landu.

Edukiak

• Adimen Gaitasun Handiko (AGH) ikasleei buruzko aurreiritziak, mitoak eta ezaugarriak.
• Eredu teorikoak, kontzeptualizazioa eta AGHk dituzten ikasleen ezaugarriak (kognitiboak, emozionalak, sozialak eta generoari loturikoak).
• Hezkuntzarako ondorioak eta inplikazioak: irakasleen gogoeta eta rola; metodologia eta gelarako praktika egokiak.
• AGHko ikasleak antzematearen garrantzia eta horretarako erabiltzen diren eskalak eta tresnak.
• Esku-hartzea: baliabideak eta esku-hartzeko proposamenak.

Metodologia

Online plataforman asteroko antolaketa jarraituko da. Astero atal berria zabaldu eta dagozkion materialak eta ariketak landuko dira. Jarduera edo ataza desberdinen baturatik portfolio bat sortuko dute partaide guztiek jarduneei osotasuna emango diena. Asteroko entregak betetzeko moduan ez dauden parte hartzaileek, portfolioan jaso beharko dituzte lan guztiak.

Parte-hartzaileek aste guztian zehar garatu beharreko jardunaren ataza plataformara igo beharko dute aste batzuetan egokitutako espazioaren bidez, besteetan berriz foroetako parte hartzea eskatuko da.

Lanean laguntzeko zalantzen foroa egongo da ikastaroaren aurkezpena atalean, zereginei buruzko zalantzak argitu, aipamenak egin eta abarrerako. Zalantzen foroaren bidez edo bestela egiten diren kontsultak gehienez 24 ordu (aste egunetan) eta 48 orduko (asteburuan) epean erantzungo dira.

Irakasleek plataforman entregatu behar diren jarduerei buruzko feed-back pertsonalizatua emango diote parte-hartzaile bakoitzari. Foroan parte hartzea ere derrigorrezko jarduera moduan definitu denez, bertan esperientziak partekatzea, iritzia eman edo galderei erantzutea ere derrigorrezkoa izango da.

Nori zuzendua

Izen-ematea publiko zabalari irekia dago baina Nafarroako Hezkuntza Graduko ikasleek izango dute lehentasuna.

Matrikulaziorako argibideak

Oharrak

Ikastaro hau Nafarroako Gobernuko Hezkuntza departamentuak homologatu du. Homologazio zenbakia: 253/2018ko maiatzak 25. Bi kreditu eskuratu ahal izango dira.

Babesleak

• 

  Nafarroako Gobernua

Etiketak

adimen gaitasun handiak, eskola inklusiboa, eskola erantzuna, aberastea, formakuntza, Iruñeko ikastaroak