Ikastaroak :: Hizkuntzalaritza, Hezkuntza

Idazketa kolaboratiboa konstruktibismoan; hizkuntza idatziaren garapena eskolatzearen lehen urteetan

  • Izaera: Presentziala
  • Ordu kopurua: 10.00 ordu
  • Matrikula-epearen hasiera: 2018(e)ko apirilaren 2a
  • Matrikula-epearen bukaera: 2018(e)ko apirilaren 17a

Ikastaroa bete egin da. Eman izena eta zerrendan sartuko zara. Apirilaren 18an jakinaraziko dizugu ikastaroan onartua izan zaren edo ez.

Ikastaroaren datak eta ordutegia:

  • Ikastaroa, apirilaren 26an eta maiatzaren 3an, 10ean ets 17an eskainiko da. 17:30etatik, 20:00etara.

Irakurketa eta idazketaren didaktikan topatu ditzakegun praktika ezberdinen euskarri teorikoak arakatu eta haien inguruan hausnartuko dugu. Modu honetan, gelako praktiken eta teoria ezberdinen arteko zubiak bilatuko ditugu, gelan egiten ohi dugunaren zergatietan sakonduz. Gure ikasleek ezagutza eraikitzerakoan, hizkuntza idatziaren jabekuntzan ari direnean, egiten duten prozesua ulertzen saiatuko gara, haien galderen eta kezken nondik norakoak, haien zalantzen zergatia edota euren elkarrekintzetan sakontzen ahaleginduko garelarik, gure lana eta hezitzaile rola birpentsatzeko tresnak jasoz.

Irakaslea

  • Nora Salbotx Alegria

    Haur Hezkuntzako maistra. Psikopedagogoa. Edukomunikazioan eta Landa Eremuko Hezkuntzan aditua. Baztango Herri Hezitzailea ekimeneko kidea. NUPeko irakasle elkartua.

Helburuak

  • Hizkuntzaren didaktikaren inguruko teoria ezberdinek gure eguneroko praktikan duten eragina identifikatzea. Ikuspegi hauetako bakoitzean hezitzaileak eta ikasleak jokatzen duen rola aztertzea.
  • Hizkuntzaren jabekuntza prozesua ikuspegi konstruktibista batean oinarrituta aztertzea, gisa honetan, ikasleak ikas objektuarekin zein inguratzen dituztenekin eginen dituen elkarrekintzak sakonki ulertu ahal izateko. Hizkuntza idatziaren funtzio komunikatiboari buruz hausnartu, haren dimentsio soziala eta kulturala ulertuz eta berau eskolaratzeko tresnak bereganatzea.
  • Hizkuntzaren jabekuntzaren lehen faseetarako proiektu didaktikoak eraikitzeko hainbat tresna teoriko-praktiko ezagutzea.

Edukiak

  • Hizkuntza idatziaren jabekuntza aztertu duten teoria eta ikerketak. Irakas ereduen atzean leudeken ikuskerak, oinarriak eta paradigmak.
  • Irakurketa eta idazketaren irakaste prozesua eskolan: begirada historiko bat.
  • Erabilera sozialeko testu motak eta testu generoak eskolan.
  • Ikas eta irakas prozesuan parte hartzen duten kideen arteko elkarrekintzak aztertu hobekuntzarako tresna gisara.
  • Ebaluazio kolaboratiboa; erregulazioa eta autoerregulazioa. Zenbait tresna.
  • IKTak eta hizkuntza idatzia ikuspegi konstruktibista eta edukomunikatibo batean.

Metodologia

Izaera teoriko-praktikoa izanen du, bata eta bestea uztartuko dira eskolako adibideetatik teoriara eta hortik eskolarako loturak eginez aldi oro.

Izaera teoriko-praktikoa izanen du, bata eta bestea uztartuko dira eskolako adibideetatik teoriara eta hortik eskolarako loturak eginez alIzaera teoriko-praktikoa izanen du, bata eta bestea uztartuko dira eskolako adibideetatik teoriara eta hortik eskolarako loturak eginez aldi oro.di oro.

Nori zuzendua

Haur Hezkuntza (3-6) eta Lehen Hezkuntzako lehen ikasturteetara bideratuta dago.

Izen-ematea publiko zabalari irekia dago baina Nafarroako Hezkuntza Graduko ikasleek izango dute lehentasuna.

Matrikulaziorako argibideak

  • Ikastaroa DOAKOA da.
  • Matrikulatu aukera sakatu eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioaren inguruko argibideekin.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: 948 362563, nafarroa@ueu.eus (Edurne).

Oharrak

Ikastaro hau Nafarroako Hezkuntza sistemaren homologazio prozeduran sartua dago.

Babesleak

Etiketak

Irakurketa eta idazketa, konstruktibismoa, edukomunikazioa, proiektu didaktikoak, Iruñeko ikastaroak, formakuntza

Copyright @ 2018 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.