Ikastaroak :: Dokumentazioa, Herri-administrazioa

Hizkera argia administrazio elektronikoaren garaian

  • Izaera: Presentziala
  • Ordu kopurua: 8.00 ordu
  • Matrikula-epearen hasiera: 2018(e)ko urtarrilaren 15a
  • Matrikula-epearen bukaera: 2018(e)ko apirilaren 20a

IKASTAROA BETE EGIN DA (18-04-23). Itxaron zerrenda ireki dugu, eman izena baina ez egin ordainketarik tokia daukazula konfirmatu arte.

Ikastaroaren datak: maiatzaren 16an eta 23an (asteazkenak).

Herritarra, gure testuen azken hartzailea, kontuan hartzeaz arituko gara ikastaroan. Ikusiko dugu zer egin dezakegun administrazioko komunikazio idatziak erraz ulertzeko modukoak izan daitezen, zehatzak izateari utzi gabe. Ez ditugu administrazioko idazki egokiak eskainiko, ezta gramatika-auziez jardungo ere.

Administrazioko testuen bidez komunikazio argia bermatzeko testu-ezaugarriez arituko gara: auzi garrantzitsua Gobernantzari bagagozkio, eta are garrantzitsuagoa administrazio elektronikoaren aroan; izan ere, herritarrak jada ez du argibideetarako leihorik elektronikoki tramitatzean izan ditzakeen zalantzez galdetzeko.

unibertsitatea.net atarian duzu irakasleari egindako elkarrizketa.

Irakasleak

  • Xabier Amatria Cuesta

    IVAPeko teknikaria.

  • Urtzi Barrenetxea Iparragirre

    IVAPeko teknikaria.

Helburuak

  • Komunikazio elektronikoaren ezaugarriez jabetzea.
  • Administrazioko testuetatik baztertu beharreko joerez jardutea.
  • Testu komunikatiboagoak osatzeko gakoak aztertzea.

Edukiak

  • Laburrago idatzi beharra: irizpide orokorrak.
  • Edukiaren egituraketa: orri berean, orri ezberdinetan. Piramidea...
  • Izenburuak.
  • Hipertestua: aukerak, loturak jartzeko irizpideak eta gomendioak.
  • Zerrendak (eta puntuazioa).
  • Paragrafoak.
  • Esaldiak.
  • Lexikoa (glosategi egokiaz hausnartu).
  • Izenordainak (hartzaile bikoitzaren paradoxa).
  • Ortotipografia: letra larria, etzana, lodia...
  • Irakurketa-maila ezberdinak.

Metodologia

Esparrua zehazteko azalpen orokorraren ondoren, nozio ezberdinak lantzeko metodologia bera erabiliko dugu:

  • Azalpen teoriko laburra.
  • Ariketak, bakarka zein taldeka.
  • Hausnarketa eta ondorioak.

Ariketak paperean zein ordenagailuko pantailan egingo ditugu.

Nori zuzendua

Testuak idazten dituzten teknikariei eta administrariei.

Eta, oro har, lanean euskaraz idatzi behar dutenei eta gaian interesa duen orori.

Matrikulaziorako argibideak

IKASTAROA BETE EGIN DA (18-04-23). Itxaron zerrenda ireki dugu, eman izena baina ez egin ordainketarik tokia daukazula konfirmatu arte.

  • Matrikulatu aukera sakatu eta han agertutako zaizun fitxa bete.
  • Matrikula-orria bete ondoren, mezu bat jasoko duzu zure posta elektronikoan, matrikularen eta ordainketaren inguruko argibideekin.
  • Ez baduzu mezurik jasotzen, akatsen bat izan da. Horrela bada, jarri gurekin harremanetan: 943 82 14 26, markeskoa@ueu.eus, (Mari Karmen).
  • Talde-mugatua: Gehienez, 20 pertsona.
  • Hemen UEUren matrikulazio-araudi orokorra.
  • Diru-laguntzen informazioa.

Babesleak

Etiketak

Hizkera argia, testugintza, komunikazio elektronikoa, ikastaroak, UEU, Eibar

Copyright @ 2018 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.