Ikastaroak :: Hezkuntza, Pedagogia

Arazo-egoeratik proiektura. Proiektu bidezko metodologiak sustatzen. PBL.

  • Hasiera-data: 2018(e)ko otsailaren 20a
  • Amaiera-data: 2018(e)ko martxoaren 20a
  • Tokia: Ikasgela Birtuala
  • Ordutegia: astelehena - ostirala. 00:00-24:00
  • Izaera: On-line
  • Ordu kopurua: 25.00 ordu
  • Matrikula-epearen hasiera: 2018(e)ko urtarrilaren 15a
  • Matrikula-epearen bukaera: 2018(e)ko otsailaren 12a

Taldea OSATU da. Matrikula orria betez gero, itxaron zerrendan sartuko zara.

Ikastaroa on-line izango da.

Aurrez aurreko saio bakarra izango du ikastaroaren hasiera-egunean: otsailaren 20an (17:30-19:30), UEUren Ikastetxe Nagusian (Otaola hiribidea, 1. Eibar).

Ikastaro honetan irakaskuntza-ikaskuntza prozesua esanguratsua egiteko Proiektuetan Oinarritutako Ikaskuntza metodologiaren (PBL) nondik norakoak ikasi eta praktikara eramango dituzu. Ikastaroan nabarmenduko den metodologia praktikoa izango da, norberaren lana oinarritzat hartuz.

Irakaslea

  • Itziar Uriarte Crespo

    Psikopedagogian lizentziatua.  Derrigorrezko Bigarren Hezkuntzan, Batxilergoan, Lanbide Heziketan eta Hizkuntzen Irakaskuntzan irakasle gisa aritzeko gaitzen duen Unibertsitate Masterra.

    unibertsitatea.net atarian duzu irakasleari egindako elkarrizketa.

Helburuak

  • Proiektuetan Oinarritutako Ikaskuntzaren praktika eta IKTen erabilera sustatzea.
  • Parte-hartzaile guztien garapen profesionala areagotzea, haien esku-hartzean eragin positibo eta eraginkorra lortzea.
  • Parte-hartzaileen ikaskuntza-irakaskuntza prozesuaren zein metodologien ikuspuntua esanguratsuki zabaltzea, edukien ezagutza ez ezik konpetentzien garapena ere indartzen duten ikasgelako egoerak planifikatzea eta sortzea.
  • Etapako irakasleen arteko elkar ezagutza eta laguntza bultzatzea. Berdinkideen arteko praktika onen trukea eta ikaskuntza kooperatiboa lortzea.
  • Parte-hartzaileen gaitasun digitala garatzea eta Proiektuetan Oinarritutako Ikaskuntza sortzeko erabilgarriak diren tresna digitalak ezagutzea.
  • Parte-hartzaileen gaitasunak hobetzea (bakarkakoak zein taldekoak) eta profesional gisa beharrezkoak dituzten gaitasunak eskuragarri jarri, manipulatzera bultzatu, hausnartu, erabili, eraldatzera bultzatuz gaiarekiko.

Edukiak

  • Ikaskuntza esanguratsuaren paradigma.
  • Proiektuetan Oinarritutako Ikaskuntzaren (PBL) gaitasunak garatzeko metodologia.
  • PBLren estruktura eta planifikazioa: gaitasun nagusiak (xedeak), curriculuma, ebaluazioa, erronka eta azken produktua, ekintza edo betebeharrak, hedapena, baliabideak, IKT tresnak eta taldekatze motak.
  • Ikaskuntza kooperatiboa eta ikaskuntza-komunitateak: taldekatzea, sozializazio aberasgarria, elkarlana, ikerketa (jakin-minetik zein aurrezagutzetatik abiatuta) eta irakasle-gida edo irakasle-tutore rola.
  • Ebaluazio jarraitua, ebaluazio globala, ebaluazio errubrika, paper-zorroa (portafolios-a), ikas egunerokoa, ebaluatzeko elkarrizketa eta galdetegia.

Metodologia

Ikastaroa on-line motakoa izango da eta, horretarako, Moodle irakaskuntza-plataforma batean oinarrituta dagoen UEUren ikasgela birtuala erabiliko da. Erabiliko den metodologia ahalik eta praktikoena zein kooperatiboena izango da. Parte-hartzaileek proiektu bidezko metodologia erabiltzen ikasiko dute horrelako metodologia mota erabiltzen, hain zuzen ere. Parte-hartzaileek beren aurrezagutza zein esperientziatik abiatuta eta astez aste ikasitakoarekin beren eskoletan inplementatuko duten proiektua diseinatuko dute. Hori izango da ikastaro honetako azken produktua. Gainera, haien sorkuntza praktikara eraman ostean, hori ere ebaluatuko dute hobekuntzarako bidean.

Nori zuzendua

Haur Hezkuntza, Lehen Hezkuntza eta Derrigorrezko Bigarren Hezkuntzako irakasleei, Berritzeguneko kideei.

Matrikulaziorako argibideak

  • Matrikulatu aukera sakatu eta han agertutako zaizun fitxa bete.
  • Matrikula-orria bete ondoren, mezu bat jasoko duzu zure posta elektronikoan, matrikularen eta ordainketaren inguruko argibideekin. Ez baduzu mezurik jasotzen, akatsen bat izan da. Horrela bada, jarri gurekin harremanetan: 943 82 14 26, markeskoa@ueu.eus, (Mari Karmen).
  • Talde mugatua: Gehienez, 20 pertsona.
  • Hemen UEUren matrikulazio-araudi orokorra.
  • Diru-laguntzen informazioa.

Oharrak

Ikastaroa on-line izango denez, ezinbestekoa da nork bere ordenagailua, posta elektronikoa eta Internet konexioa izatea.

Eusko Jaurlaritzak Euskal Autonomia Erkidegoko unibertsitateaz kanpoko irakasleentzako prestakuntza-ikastaro moduan homologatuta. Homologazio kodea: 1868348001.

Babesleak

Etiketak

ikastaroak, PBL, proiektuak, metodologia, Eibar, UEU

Copyright @ 2018 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.