Ikastaroak :: Hizkuntzalaritza, Pedagogia, Soziolinguistika

Bazkide egin zaitez

TELP (taller d´espai lingüístic personal) tailerra

Inprimatu
  • Hasiera-data: 2017(e)ko martxoaren 22a
  • Amaiera-data: 2017(e)ko apirilaren 5a
  • Tokia: Eibar - Markeskoa Jauregia
  • Nola heldu: https://labur.eus/UEUEibar
  • Ordutegia: asteazkenak. 17:00-20:30
  • Izaera: Presentziala
  • Ordu kopurua: 10.00 ordu
  • Matrikula-epearen hasiera: 2017(e)ko urtarrilaren 31a
  • Matrikula-epearen bukaera: 2017(e)ko martxoaren 20a

Ikastaroaren datak: martxoaren 22a, 29a eta apirilaren 5a (asteazkenak).

Zenbat aldiz gertatu ote zaigu elkarrizketa bat euskaraz hasi eta gaztelaniaz hitz eginez amaitzea, mintzakideak hartara eraman gaituelako, edo besterik gabe geu ohartu gabe eta pisuzko arrazoirik gabe gaztelaniara pasatu garelako?

Zergatik egiten dugun ulertzeko, deserosotasunik ez sentitzeko, aldatu nahi duguna aldatzeko gakoak ezagutzeko lagungarria da tailerra.

unibertsitatea.net atarian duzu irakasleei egindako elkarrizketa.

Irakaslea

Helburuak

  • Euskaraz egiteari lotutako deserosotasuna murriztea.
  • Hizkuntza jokabide asertiboari esker gusturago egotea.
  • Horretarako baliabide gehiago sortzea.

Tailerrean parte hartuko duten pertsonek euskaraz hitz egitean duten deserosotasuna gutxituko dute, eta horrela, euskaraz gehiago egiteko aukera izango dute. Horretarako, oso baliagarriak izango dira maila kognitiboan, emozionalean eta fisiologikoan eskainiko diren baliabideak.

Edukiak

  • Oinarri teorikoak
  • Interakzio Pertsonalen ikuspegi estrategikoa
  • Baliabideak eta dramatizazioak.
  • Aniztasuna, zailtasuna eta progresibitatea
  • Konbergentzia geruzak, asertibitatea, norberaren helburuak zehaztu eta ondorioak.

Metodologia

Tailer honen metodologiari dagokionez, lau ezaugarri azpimarratu beharrekoak iruditzen zaizkigu:

  • Parte-hartzailea. Tailerrera etorriko diren pertsonek beren esperientzia oinarri hartuta tailerra asko aberats dezaketela uste dugu eta horrexegatik tailerra oso parte-hartzailea izango da. Tailerraren aurrez aurreko saioetatik kanpo egingo diren ariketez gain, tailerrean bertan azalpenak eta ariketak tartekatuko dira eta hitza emango zaie pertsonei momenturo.
  • Praktikan oinarritua. Tailerraren oinarrian hainbat kontzeptu soziolinguistiko eta psikologiko aurkitzen diren arren, tailerrera bertaratuko diren pertsonen eguneroko esperientzian oinarrituko gara, horixe baita ikasbiderik aberatsena eta gure hizkuntza-praktikak aldatzeko bide bakarra.
  • Egokitua. Tailerrean parte hartuko dutenen interesak eta beharrak kontuan hartuta, tailerra egokitu egingo dugu. Hurrengo atalean aurkezten diren edukiak prest izango ditugu, baina batean edo bestean denbora eta azalpen gehiago emateko beharra ikusten denean, horretan zentratuko gara.
  • Malgua. Aurretik esandako guztiagatik, malgutasunez jokatuko dugu parte-hartzea bermatzeko, praktiketatik ikasteko eta hartzaileen beharretara egokitzeko.

Nori zuzendua

Tailerreko hartzaile potentzialak euskaraz egiteko gogoa duten hiztunak (hizkuntza kontzientziadunak) izango dira. Oinarrizkoa da pertsonek euskararekiko kontzientzia izatea. Kontzientzia horretatik abiatuta, baliabideak eta estrategiak eskainiko zaizkie, euskaraz gehiago eta erosoago hitz egiteko.

Matrikulaziorako argibideak

  • Matrikulatu aukera sakatu eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioaren inguruko argibideekin.
  • Ez baduzu mezurik jasotzen, akatsen bat egon dela adierazten du. Horrela bada, jarri gurekin harremanetan: 943 82 14 26, markeskoa@ueu.eus (Mari Karmen).
  • Hemen UEUren matrikulazio-araudi orokorra.
  • Diru-laguntzen informazioa.

Babesleak

Etiketak

Telp, motibazioa, hizkuntza jokabidea, euskaraz eroso, UEU, Ikastetxe Nagusiko ikastaroak, Markeskoa, Eibar
UEU365
50. Udako Ikastaroen hirugarren astea: uztailak 11 – 15

2022/06/21

50. Udako Ikastaroen bigarren astea: uztailak 4-8

2022/06/21

50. Udako Ikastaroen lehen astea: ekainak 27 – uztailak 1

2022/06/21

ETIKETAK