Berriak

Guretzat interesgarriak diren berriak aurkituko dituzu.

Udako ikastaroetarako proposamenen bila gabiltza

Dagoeneko Udako Ikastaroetarako eskaintza prestatzen hasi behar dugu eta ikastaroak jasotzeko epea zabalik dugu.

Urtarrilak 14

Natur Zientzien 2. Topaketak egiten ari dira atzo eta gaur

UEUren Natur Zientzien sailak antolatuta, Natur Zientzien II. Topaketa ospatzen ari da atzo eta gaur, Donostian. Topaketak Euskal Herrian naturaren inguruan lanean dabilen jendearen eta naturzaleen elkargune izateko helburua dute.

Jarraitu topaketa #NZ2Topa traolan

Azaroak 12

Amesten al dute androideek ardi latx elektrikoekin? #IEB15

Gaur egingo da Informatikari Euskaldunen X. Bilkura UEUk eta Miramon Enpresa Digitalak antolatuta  Donostiako Miramon Teknologi Elkartegian. Hamargarren edizioko gai nagusia robotika izango da, eta horrez gain, esperientziak trukatzea eta elkarlanerako espazioak sortzea dira lortu nahi diren beste helburuak. Streaming-ez jarraitzeko: http://video.i2basque.es/evento.php?e=238&i=es

Urriak 28

UEUk eta NUPek hitzarmena sinatu dute

Elkarlanerako hitzarmena sinatu dute gaur eguerdian UEUk eta Nafarroako Unibertsitate Publikoak. Helburua alor akademikoan, materialgintzan eta beste hainbat alorretan elkarlana sustatzea da. Carmen Jarén NUPeko Irakaskuntzarako errektoreordeak eta Iñaki Alegria UEUko zuzendariak sinatu dute akordioa (argazkian).Iñaki Alegriak hitzarmen hau mugarria dela azpimarratu du. UEU historikoki lotuta dago Nafarroarekin, eta gaurkoa aurrerapauso handia dela adierazi du.

Urriak 08

Unibertsitateko ikasmaterialak sustatzeko diru-poltsak 2015eko deialdia

Udako Euskal Unibertsitateak Bizkaiko Foru Aldundiaren laguntzarekin, unibertsitate-mailako euskarazko ikasmaterialak sustatzeko hiru poltsarako deia egiten du.

Eskaerak eta gainontzeko agiriak aurkezteko epea 2015eko irailaren 15etik urriaren 31ra arte egongo da zabalik, biak barne.

Irailak 07

UZTARO eta ALDIRIren azken zenbakiak eskuragai

UZTARO Giza eta Gizarte Zientzien aldizkariaren 93. zenbakia kalean da. Bertan, gai hauek landu ditugu: Euskara, Curriculuma, Hezkuntza, Gipuzkoa, Garapena, Ikus-entzunezko, Antropologia, Soziologia, Kazetaritza, Emakumeak, Pedagogia, Emakumea, Kalitatea, Pilota, Lehen Hezkuntza, Pertsuasioa, Irakaskuntza, Emakume, Nerabeak.

Aldizkariak, gainera, web gune berria estreinatu du: www.uztaro.eus

ALDIRI. Arkitektura eta Abar aldizkariaren 21 eta 22. zenbakiak batera kaleratu ditugu. Zenbaki hauetan KAPak (Karrera Amaierako Proiektuak) biltzen ditugu.

Uztailak 22

Juan San Martin beka 2015

Eibarko Udalak, Udako Euskal Unibertsitatearen laguntzarekin, euskarazko ikerketa sustatzeko eta Juan San Martin eibartar euskalari eta ikertzailea omentzeko, honen izena duen ikerketa-bekarako deia egiten du.

  • Gaia: ETNOLOGIA
  • Bekaren ezaugarriak:

          + Proiektua, azterlana eta memoria euskaraz burutuko dira.

          + Bekaren iraupena gehienez 18 hilabetekoa izango da, beka esleitzen den egunetik hasita.

          + Beka honen diru zenbatekoa 9.000 eurokoa izango da.

          + Ikerketa-lanak originala eta argitaratu gabea izan behar du.

  • Nork hartu dezake parte: Beka jaso ahal izateko ezinbestekoa da diplomatua edo goi mailako tituluduna izatea. Taldeen kasuan, gutxienez erdiak bete beharko du baldintza hori.
  • Epea: agiriak aurkezteko epea 2015eko irailaren 1etik urriaren 9ra arte egongo da zabalik.

Deialdi osoa irakurri dezakezu lotura honetan.

Uztailak 13

Copyright @ 2019 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.