Berriak

Uztailaren 10ean Matematikari Euskaldunen IV. Topaketa egingo dugu Eibarren, elkarren berri izan, matematikari berriak ezagutu eta posible bada elkarlanari bide emateko helburuarekin.

Abel Camacho Romero (Santurtzi, 1966) urte luzez euskara-irakaslea eta gaur egun Santurtziko Udaleko prestakuntza-teknikaria da. 1991n joan zen lehenengoz Larraonako Udako Ikastaroetara. Harrez geroztik, Glotodidaktika sailburu izan da, hainbat jardunaldiren antolatzaile, profesionalen etengabeko prestakuntzako ikastaroetan irakasle, #HEZikt berezko tituluko zuzendaritzakide eta UEUren online eredu pedagogikoaren egileetako bat.

Isusko Vivas Ziarreta (Bilbo, 1975) hogei urtez hirigintzan eta hiri-paisaian eragin fisikoa nahiz sinbolikoa duten elementuei buruzko ikerketan aritu izan da. Duela kasik hamabost urte Karmele Artetxe UEUko zuzendari-ohiaren eskutik heldu zen UEUrekin aktiboki kolaboratzera. Lehenik eta behin Uztaro: Giza eta Gizarte Zientzietako Aldizkarian eta handik gutxira Unibertsitatea.net atariko Blog Komunitatean, han zuzen ere Hiritartea: hiria eta artea uztartzen dituen gunearen ardurarekin, besteak beste. Euskal Herriko Unibertsitateko irakasle-ikerlaria da Arte Ederren Fakultatean eta aipaturiko lan-ildoez gain, azken boladan goi-mailako arte-hezkuntzaren eta transmisioaren inguruan gogoetak plazaratu ditu.

Oskar Arantzabal Iraeta (Eibar, 1967) ekonomia eta enpresa zientzietan lizentziatua da eta Nazioarteko marketinean masterduna. Esportazio lanetan jardunean dabil, sektore industrialean. EITBn ekonomia gaietan kolaboratzaile eta estatu txikietan espezializatua. Juan Zelaia saria irabazi zuen 2013an, honako saiakeragatik: “Azpilkueta, ekonomiaren aitzindari”. Inguma datu-basean zazpi erreferentzia ditu, UEUrekin izandako lehen harremanetik: “Estatu txikien ekonomia handiak” (2008) eta UEUn argitaratu zuen 2012. urtean “Lurraldearen dimentsioa estatuaren eraketan” liburua. 2017an, koordinatzaile gisa aritu da “Ikasgai sozioekonomikoak Eskozia eta Kataluniako prozesuetatik” liburuan eta 2019an Ekonomialari Euskaldunen lehen bilkuraren koordinatzailea izan da.

Apirilaren 22tik maiatzaren 20ra "Areagotu zure konpetentzia digitala!" MOOC ikastaroa antolatu dugu. Ikastaroaren ardatza Konpetentzia Digitala da eta LHko irakasleei zuzenduta dago. Asmoa gai honen inguruan dagoen informazioa euskaraz eskuragarri jartzea, irakasle bakoitzak, dituen ahulezia eta indarguneez jabetuta, norberak identifikatutako beharrak bideratzeko aukera eskaintzea eta ikasleekin modu egokienean nola landu daitekeen hausnartzea da. EMAN IZENA.

Uztailaren 10ean, Udako Ikastaroen baitan, Matematikari Euskaldunen IV. Topaketa egingo dugu Eibarren. Komunikazioak bidaltzeko deialdia zabalik dago dagoeneko martxoaren 23ra arte.

Deialdi honen xedea euskarazko unibertsitate-liburuen sorkuntza sustatzea da. Deialdi honetara euskarazko unibertsitate-liburuak aurkez daitezke, liburu amaituak, euskaraz sorturikoak nahiz euskaratuak (euskaraz sorturikoek izango dute lehentasuna). Eskariak jasotzeko epea otsailaren 28an bukatzen da.

Maiatzaren 21ean Informatikari Euskaldunen Bilkuraren XII. edizioa burutuko da Donostiako Parke Teknologikoan eta ohi bezala, azkenaldian informatikaren alorrean izandako esperientzien eta garatutako softwarearen berri ematea izango da helburua. Aurten landuko den gaia ADIMEN ARTIFIZIALA izango da. Dagoeneko komunikazio-deialdia zabalik dago otsailaren 24ra arte.

Jose Inazio Imaz soziologian doktoreak idatzi eta UEUk argitaratu duen "Hezkuntzaren Soziologia" liburua dagoeneko eskuragai duzue gure DENDAn.

Otsailaren 22an, UEUk Batzar Nagusia egingo du Eibarko Ikastetxe Nagusian, Markeskoan. Bertan, 2019ko balantzea egin eta 2020rako UEUren egitasmoa aurkeztuko die bere bazkideei.