Berriak

UEUk euskarazko 3 Berezko Titulu sustatuko ditu UPV/EHUren eskaintzaren barne 2017/2018 ikasturtean. Dagoeneko izena eman dezakezu:

• IKTak eta konpetentzia digitalak hezkuntzan, etengabeko formakuntzan, eta hizkuntzen irakaskuntzan (ON-LINE- 2. edizioa)
• Lurraldea eta Hizkuntza. Eragin Linguistikoaren Ebaluazioa (ERDI PRESENTZIALA- 2. edizioa)
• Itzulpengintza eta teknologia (ON-LINE - 5. edizioa)

UEUk Bizkaiko Foru Aldundiaren laguntzarekin, unibertsitate-mailako euskarazko ikasmaterialak sustatzeko hiru poltsarako deia egiten du.

Ikasmaterialen esparrua unibertsitateko edozein jakintza-arlokoa izan daiteke. Deialdi hau edozein autoreri dago zabalik. Hala ere, batez ere, orain arte testugintza unibertsitariora hurbildu ez direnei dago begira, autore unibertsitarioen esparrua ahalik eta modurik zabalenean egituratzen joan dadin: idazle arituen lanari, gazteena gehitu dakion. Hartara, bereziki baloratuko dira bai autore gazteen lan-proiektu indibidualak bai eta talde-proiektuetan autore gazteak integratzeko ahaleginak.

Eskaerak eta gainontzeko agiriak urriaren 3a baino lehen aurkeztu beharko dira.

IKUSI OINARRIAK

Eibarko Udalak, Udako Euskal Unibertsitatearen laguntzarekin, euskarazko ikerketa sustatzeko eta Juan San Martin eibartar euskaltzale eta ikertzailea omentzeko, honen izena duen ikerketa-bekarako deia egiten du.

• Gaia: ARKEOLOGIA
• Bekaren ezaugarriak:
  • Proiektua, azterlana eta memoria euskaraz burutuko dira.
  • Bekaren iraupena gehienez 18 hilabetekoa izango da, beka esleitzen den egunetik hasita.
  • Beka honen diru zenbatekoa 9.000 eurokoa izango da.
  • Ikerketa-lanak originala eta argitaratu gabea izan behar du.

• Nork hartu dezake parte: Beka jaso ahal izateko ezinbestekoa da diplomatua edo goi mailako tituluduna izatea. Taldeen kasuan, gutxienez erdiak bete beharko du baldintza hori.
• Epea: agiriak aurkezteko epea 2017ko irailaren 4tik urriaren 11ra arte egongo da zabalik, biak barne.

Deialdi osoa irakurri dezakezu lotura honetan.

Atzo eta gaur (uztailaren 13 eta 14an) "Euskara, generoa, jatorria eta klasea gurutzatzen diren lekua" jardunaldia antolatu dute JAKIN, Usurbilgo Udalak eta UEUk udako ikastaroen baitan.

Zuzenean BERRIA ematen ari da.

Ikusi EGITARAUA

UEUk Jose Ramon Etxebarria fisikari, ingeniari, irakasle, testu zuzentzaile eta besteak beste, UEUkidearen omenez liburu bat argitaratu nahi du datorren urtean, eta bertan parte hartzeko gonbita luzatu nahi dizugu.

ELKAR EKIN lelopean datoz UEUren 45. Udako Ikastaroak.  Matrikulatzeko epea zabalik dago, beraz, hasi ikastaroak aukeratzen! #UI45 #ElkarEkin

“Lurraldea eta Hizkuntza. Eragin Linguistikoaren Ebaluazioa“ graduondokoaren baitan, ALTERNATIBAK saio irekia egingo dugu gaur.

• 9:30: Lorea Agirre, JAKIN aldizkariko zuzendaria.
• 10:00: Pablo Suberbiola, Soziolinguistika Klusterreko ikerlaria.
• 10:30: Xabier Harlouxet/Anaiz Agirre, BIZI mugimendu ekologistako kideak.
• 11:00: Patxi Galarraga/Miren Vives, PROJEKTA-ko arkitektoak.
• 12:00: Mahai ingurua.

Zuzenean streaminga ikusteko: http://ow.ly/Sekq30bhBzV

Datozen hiru urtetan, UEUren Udako Ikastaroetan jardunaldi bat Usurbilen egingo dela baieztatu dute hiru eragileek. Usurbilgo Udala elkarlanean arituko da Udako Euskal Unibertsitatearekin (UEU) eta Jakin-ekin hurrengo hiru urtetan, astelehen honetan (2017-03-27) sinatutako hitzarmenaren ondorioz. Hori horrela, Udako Euskal Unibertsitateak, Jakin-ek eta Usurbilgo Udalak UEUren udako ikastaroetan jardunaldi bat Usurbilen egiteko elkarlana bideratu dute. Jardunaldi horiek uztailaren 13 eta 14an burutuko dira “Euskara, generoa, jatorria eta klasea gurutzatzen diren lekua” izenburupean.

IKERGAZTE 2017, ikertzaile euskaldunen bigarren kongresua egiten ari gara Iruñean. Sarea osatu, euskarazko produkzioa sustatu eta ikertzaileen lana ezagutara ematea du helburu proiektu honek.

#ikergazte2017 traolan jarraitu dezakezu zer gertatzen ari den bertan.

Ez da erraza bi hitzetan laburbiltzea, haren bizitza luzea gertakari eta ekintza aipagarriz bete-betea dagoelako. Orobat, paradoxa hutsa dirudi hura buruz-buru ezagutu ez zutenei azaltzea nola ote den posible adinez oso aurrera zihoan pertsona batek, hitz bakoitzarekin, keinu labur ororekin, etengabe transmititzea gaztetasuna eta suhartasuna. Gehienok oso adindun ezagutu izan baitugu Hazparneko euskaltzaina eta, aldi berean, beti gazte eta bizkor.