Berriak

ALDIRI. Arkitektura eta Abar eta UZTARO. Giza eta Gizarte Zientzien aldizkarien zenbaki berriak kalean daude.

• ALDIRI 44: Nora goaz?
• UZTARO 117. zenbakia

Udako Ikastaroen 49. edizioa amaitu da eta benetan emankorra izan da. Bertan gertatu denaren zatitxo bat ikusi nahi baldin baduzu:

• Irakurri eta ikusi irakasleei egin dizkiegun elkarrizketak gure blogean.
• #Ui49 traola ikusi Twitterren.
• Edo Instagrameko argazkiak.
• Eta hemen bideoak.

Maiatzaren 11n "Hizkuntza gutxituen aldeko legea Frantzian: argi izpi bat euskararentzat" hitzaldia eskaini zuen Eneritz Zabaleta zuzenbidean doktoreak Pauline Guelleren gidaritzapean. Lotura honetan entzun dezakezue bere solasaldia.

Ekainaren 9, 10 eta 11an egingo da IKERGAZTE2021 kongresua, Gasteizen. Dagoeneko zabalik dago bertan izena emateko aukera!

Aurtengo Udako Ikastaroak martxan dira eta oraindik aukera duzu ikastaro batzuetan izena emateko:

UEUk, UPV/EHUren zentro atxikiaren bidez, euskaraz eta online eskainiko du bigarren aldiz irakaskuntza masterra 2021/22 ikasturtean. Master honek DBHko, Batxilergoko eta Lanbide Heziketako irakasle eta hizkuntzen irakasle izango direnak prestatzea du helburu espezialitate hauetan: Natur Zientziak eta Matematika; Giza eta Gizarte Zientziak eta Hizkuntza eta Literatura. Guztira, 132 plaza eskainiko ditugu.

Aurrematrikula egiteko epea zabalik egongo da maiatzaren 31ra arte. Informazio guztia eta izena emateko, HEMEN.

Maiatzaren 11an, asteartean, "Hizkuntza gutxituen aldeko legea Frantzian: argi izpi bat euskararentzat?" online hitzaldia egingo dugu arratsaldeko 18.00etan.

Bertan parte hartzeko izena eman behar duzu komunikazioa@ueu.eus helbidean.

Nafarroako Gobernuko Unibertsitateko, Berrikuntzako eta Eraldaketa Digitaleko Departamentuarekin 2021erako elkarlan hitzarmena berritu dugu eta diziplina eta alor desberdinetako 15 ikastaro eskainiko ditugu DOAN urtean zehar. Matrikulak hurrenkera honetan onartuko dira: unibertsitateko nafar ikasleak, gero gainontzeko nafarrak eta azkenik, beste lurraldetakoak.

UEUko Natura Zientziak eta Euskalnatura taldeak  Natur Zientzien IV. Topaketa antolatu dugu Donostian asteburu honetan, Itsumustuka izenburupean. 

ALDIRI. Arkitektura eta Abar aldizkariaren 43. zenbakia argitaratu dugu. Etxebizitzaren forma eta funtzio soziala aldatuz joan da historian zehar. Industrializazioak soldatapeko lanak fabrikara atera zituen bezala, familia nuklearraren hegemoniak pribatutasunaren muga zorroztu zuen. Hiriek jasandako immigrazio masiboak bizitetxe duinerako aldarria izan zuen ondorio; eta XIX. mendeko higienismoak argiztapen- eta aireztapen-baldintzen hobetzea ekarri zuen. Egun ere, hainbat dira etxebizitzaren aferak planteatzen dizkigun erronkak, eta etxealdi behartuek erronka horien urgentzia mahaigaineratu digute. Nola sortu espazio malguagoak? Nola egin toki lan ordainduari zein musu-truk egiten denari? Nola lausotu «kanpoarekiko» eta «bestearekiko» mugak?

Lotura honetan eskuratu dezakezue, eta HEMEN egin dezakezue harpidetza.