Berriak

2018an  Udako Ikastaroen 46. ikastaldia izango dugu eta hasi gara dagoeneko antolaketarekin.  UEUren sarea zabala da eta horri esker urtero proposamen ugari eta interesgarriak jasotzen ditugu, UEUrekin lan egin nahi duen orori irekita dugun deialdiei esker.

IKUSI DEIALDIA

Aurten bigarrenez,  UEUk eta  UPV/EHUko Arabako campusak elkarlanean arituko dira,  EHUskARABANdaprogramaren barnean,  Kafetapintxo 2. Topaketa antolatzeko.

KafeTaPintxo topaketa  Arabako campuseko ikerlari euskaldunen bilgunea bihurtzea da gure helburua, bertan ikerlari euskaldunen sarea indartuz. Hori horrela, iaz “ikertzaile euskaldunak eta euskara ikerkuntzan gogoetarako abiapuntu bat” (Zientzia kaiera, 2017/04/18) izan nahi zuen eta aurten aldiz, SAREAri erreparatu nahi diogu.  Zertarako behar dugun ikerlari euskaldunen sare bat, zelako sarea nahi dugun, eta zabal diezaizkiguken aukeren inguruan eztabaidatuko dugu.

IKUSI ALBISTE OSOA

UEUk eta Azpeitiako Udalak "Bullyingaren mugak gainditzen" jardunaldia antolatu dugu. Topaketa hau azaroaren 24an egingo da, Azpeitiako Sanagustin kulturgunean. Ikusi egitaraua eta izena eman: www.ueu.eus

UEUk eta GISLAN kooperatibak antolatu duten jardunaldi hau azaroaren 17an egingo da Donostiako Tabakaleran. Geografia Informazioko Sistemen (GIS) helburua, erreferentzia geografikoa sistematizatuz errealitatea aztertzeko, irudikatzeko eta interpretatzeko aukera bide indartsua eskaintzea da. Topaketa honetan sistema hauek aztertuko dira. Zabalik dago bertan izena emateko epea.

UEUren Matematika sailak GeoGebra erabiltzaileen I. topaketa antolatu du NUPekin batera. Jardunalduia azaroaren 4an izango da Iruñean, NUPeko kanpusean. Topaketa DOAN da, baina izena eman behar da: www.ueu.eus

Irailaren 28an UEUren 2017/2018 ikasturte hasiera ekitaldia egin genuen Eibarren. Sarrera hitzaldia Agustin Arrieta Urtizberea irakasle, filosofo eta idazleak eskaini zuen: "Zientzien, arteen eta humanitateen arteko lankidetzaren garrantziaz".

Lotura honetan bere hitzaldia irakurri dezakezue.

UEUk eta Nafarroako Hezkuntza departamenduak elkarlan hitzarmena sinatu dugu 17 urte ondoren. Akordio honen baitan UEUk hainbat ikastaro antolatuko ditu, eta horretaz gain, Ezpeleta jauregia Iruñeko udako ikastaroen egoitza iraunkorra izatea adostu dugu.

Agerraldian María Solanak, Nafarroako Hezkuntza kontseilariak; Nekane Orozek, Unibertsitateen zuzendari orokorrak eta Iñaki Alegriak, UEUko zuzendariak hartu dute parte.

Agerraldia ikusi

22 ikastaro prestatu ditu UEUk udazken honetan on-line, Eibar, Iruñean eta Azpeitian. Adimen emozionala, Gazteak eta Internet, Prozedura feministak, Argazkigintza eta Gaitasun sortzailea dira landuko diren gai batzuk.  Matrikula dagoeneko zabalik dago.

UEUk euskarazko 3 Berezko Titulu sustatuko ditu UPV/EHUren eskaintzaren barne 2017/2018 ikasturtean. Dagoeneko izena eman dezakezu:

• IKTak eta konpetentzia digitalak hezkuntzan, etengabeko formakuntzan, eta hizkuntzen irakaskuntzan (ON-LINE- 2. edizioa)
• Lurraldea eta Hizkuntza. Eragin Linguistikoaren Ebaluazioa (ERDI PRESENTZIALA- 2. edizioa)
• Itzulpengintza eta teknologia (ON-LINE - 5. edizioa)

UEUk Bizkaiko Foru Aldundiaren laguntzarekin, unibertsitate-mailako euskarazko ikasmaterialak sustatzeko hiru poltsarako deia egiten du.

Ikasmaterialen esparrua unibertsitateko edozein jakintza-arlokoa izan daiteke. Deialdi hau edozein autoreri dago zabalik. Hala ere, batez ere, orain arte testugintza unibertsitariora hurbildu ez direnei dago begira, autore unibertsitarioen esparrua ahalik eta modurik zabalenean egituratzen joan dadin: idazle arituen lanari, gazteena gehitu dakion. Hartara, bereziki baloratuko dira bai autore gazteen lan-proiektu indibidualak bai eta talde-proiektuetan autore gazteak integratzeko ahaleginak.

Eskaerak eta gainontzeko agiriak urriaren 3a baino lehen aurkeztu beharko dira.

IKUSI OINARRIAK