Berriak

150 pertsona baino gehiagok parte hartu dute Gipuzkoako Foru Aldundiak, UEMAk, Kontseiluak eta UEUk antolatu duten “Hizkuntza eta Lurraldea. Erronkak & Tresnak” II. jardunaldietan. Bertan, azterketa sozioekonomiko eta soziolinguistikotik eratorritako datuak erakutsi, Eragin Linguistikoaren Ebaluazioa (ELE) tresna aurkeztu, bere aplikazioa Tolosaldean ezagutu eta Katalunia eta Balear Uhartetako egoerak aztertu dituzte, besteak beste. Hizkuntzaren biziraupenerako euskararen arnasguneak babestea ez ezik, bihotz-gune ezinbesteko horiek zabaltzea helburu duten ekimenei aterki juridikoa ematea beharrezkoa dela ondorioztatu dute.

UEUk “IkerGazte: Nazioarteko ikerketa euskaraz” Kongresua antolatu du. Proiektu honen helburua ikerlari euskaldunen ikusgarritasuna areagotu, beraien arteko ezagutza sustatu eta euskarazko zientzia produkzioa areagotzea da. 150 ikerlari biltzeko asmoa dugu Durangon, datorren maiatzaren 13, 14 eta 15ean. Komunikazioak bidaltzeko epea irekita dago otsailaren 16ra arte. EZIN BADUZU GARAIZ AMAITU, IDATZIGUZU ikergazte@ueu.eus helbidera!

Informazio guztia: www.ueu.eus/ikergazte

Otsailaren 5 eta 6an Lurraldea eta Hizkuntza. Erronkak & Tresnak II. jardunaldiak egingo dira Donostian UEMAk, Kontseiluak, Gipuzkoako Foru Aldundiak eta UEUk antolatuta.

Jardunaldi hauek iaz egindako topaketa arrakastatsuen jarraipena dira, eta bertan hirigintza eta euskararen arteko harremanean gehiago sakondu nahi da. Pauso bat aurrera eginda, euskararen arnasguneak babestea ez ezik, bihotz-gune ezinbesteko horiek zabaltzea ere helburu duten ekimenei aterki juridikoa emateko oinarriak aztertu nahi dira bertan.

Jardunaldiak zuzenean jarraitzeko aukera dago streaming bidez.

http://www.ueu.eus/berriak/ikusi/lurraldea_eta_hizkuntza_ii__jardunaldiak_zuzenean_jarraitu

Unibertsitatea.net orain edozein gailutan ikusteko moduan dago. Horretarako diseinu moldagarria aplikatu diogu (responsive) edozein gailuren pantailan egoki ikusteko: telefono adimentsuan, tabletean, ordenagailuan edota telebistan.

Hauek dira gure nobedadeak:

• Hirigintzaren oinarriak
• Garapen biologikoa eta kognitiboa bizi-zikloan
• Euskal hizkuntzalaritzaren egungo zenbait ikerlerro
• Ingurumen-kutsaduraren analisia
• Komunikazioa euskaraz ingeniaritzan
• Gorputza eta generoa: teoria, didaktika eta esperientziak
• Diskurtsoak, eraikuntzak, gorputzak
• Psikopatologia
• Automatismoak eta kontrola
• UZTARO 88, 89, 90eta 91 zenbakiak
• ALDIRI 17, 18 eta 19 zenbakiak

PARTITU GURE NOBEDADEEN BIDEOA!

Donostian, otsailaren 5 eta 6an, UPV/EHUren Carlos Santamaria eraikinean egingo ditugu "Lurraldea eta Hizkuntza. Erronkak & Tresnak" jardunaldiak.

Hirigintzaren eta euskararen arteko erlazioan gehiago sakontzeko eta euskararen arnasguneak babestea ez ezik, bihotz-gune ezinbesteko horiek zabaltzea ere helburu duten ekimenei aterki juridikoa emateko oinarriak lantzeko asmoarekin antolatu dugu Lurraldea eta Hizkuntza II. jardunaldia 2015ean, Kontseilua, UEMA eta Gipuzkoako Foru Aldundiarekin elkarlanean.

Izen ematea zabalik dago eta matrikula DOAN da. Informazio guztia hemen: Lurraldea eta Hizkuntza.

Dagoeneko irekita dago 2015eko Udako Ikastaroetarako proposamenak bidaltzeko epea. Ideiarik baduzu? Bidaliguzu! IKUSI INFORMAZIO GUZTIA

Itziar Gonzalez-Dios UPV/EHUko IXA Taldeko doktoregaia izan da "Txiolari ulergarriena". Eta 2012an doktorego-tesia aurkeztu zuen eta egun Mondragon Unibertsitateko irakaslea den Eneko Bidegain "Txiolari originalena". Bestetik, 2. edizioko txiolari guztien txioak bildu ditugu "Txiotesia" deritzon atalean.

Ikusi albiste osoa.

Ikusi ITZIAR GONZALEZ-DIOSen bideoa.

Ikusi ENEKO BIDEGAINen bideoa.

Azaroan UEUk eta Donostiako Euskaraz Zerbitzuak elkarlanean hiru hitzaldi antolatu dituzte Donostian:

• Azaroaren 13an: '(Trans) feminismoa, abjekzioa, ezberdintasuna eta borroka ideologikoa'. Ainhoa Güemes.
• Azaroaren 20an: 'Ba al dago euskal umorerik?'. Uxoa Anduaga.
• Azaroaren 27an: 'Bertso-sorkuntza automatikoa, posible da?'. Manex Agirrezabal.

Hitzaldien ostean solasalditxoa egongo da, mokautxo batekin lagundua.Hitzaldiok DOKA aretoan emango dira eta 19:00etan hasiko dira.Sarrera irekia eta doanekoa da, plazak aforoa bete arte.

Unibertsitatea.net atariak "Txiokatu zure tesia 6 mezutan" lehiaketaren 2. edizioa antolatuko du. Egitasmoarekin ikertzaile euskaldunek egiten duten lana gizarteratzea lortu nahi dugu eta baita lan horren atzean dauden pertsonei izen-abizenak jartzea ere. Iazko esperientziak alor anitzetako 86 ikertzaile gazte euskaldunen lanak ezagutzeko aukera eman zigun eta aurten ere lan horien erakusleiho izatea lortu nahi dugu. Hori dela eta, lehiaketan parte hartzera edo bere berri ematera animatu nahi zaituztegu! Iazko txio eta partaideak Unibertsitatea.net atariko atal berrian topatuko dituzue: TXIOTESIA ATALA Informazio gehiago Unibertsitatea.net atariko albiste honetan jaso dugu: "Txiokatu zure tesia 6 mezutan" lehiaketaren 2. edizioa azaroaren 18an ospatuko dugu: #txiotesia2