Berriak

Guretzat interesgarriak diren berriak aurkituko dituzu.

Unibertsitateko ikasmaterialak sustatzeko diru-poltsak 2015eko deialdia

Udako Euskal Unibertsitateak Bizkaiko Foru Aldundiaren laguntzarekin, unibertsitate-mailako euskarazko ikasmaterialak sustatzeko hiru poltsarako deia egiten du.

Eskaerak eta gainontzeko agiriak aurkezteko epea 2015eko irailaren 15etik urriaren 31ra arte egongo da zabalik, biak barne.

Irailak 07

UZTARO eta ALDIRIren azken zenbakiak eskuragai

UZTARO Giza eta Gizarte Zientzien aldizkariaren 93. zenbakia kalean da. Bertan, gai hauek landu ditugu: Euskara, Curriculuma, Hezkuntza, Gipuzkoa, Garapena, Ikus-entzunezko, Antropologia, Soziologia, Kazetaritza, Emakumeak, Pedagogia, Emakumea, Kalitatea, Pilota, Lehen Hezkuntza, Pertsuasioa, Irakaskuntza, Emakume, Nerabeak.

Aldizkariak, gainera, web gune berria estreinatu du: www.uztaro.eus

ALDIRI. Arkitektura eta Abar aldizkariaren 21 eta 22. zenbakiak batera kaleratu ditugu. Zenbaki hauetan KAPak (Karrera Amaierako Proiektuak) biltzen ditugu.

Uztailak 22

Juan San Martin beka 2015

Eibarko Udalak, Udako Euskal Unibertsitatearen laguntzarekin, euskarazko ikerketa sustatzeko eta Juan San Martin eibartar euskalari eta ikertzailea omentzeko, honen izena duen ikerketa-bekarako deia egiten du.

  • Gaia: ETNOLOGIA
  • Bekaren ezaugarriak:

          + Proiektua, azterlana eta memoria euskaraz burutuko dira.

          + Bekaren iraupena gehienez 18 hilabetekoa izango da, beka esleitzen den egunetik hasita.

          + Beka honen diru zenbatekoa 9.000 eurokoa izango da.

          + Ikerketa-lanak originala eta argitaratu gabea izan behar du.

  • Nork hartu dezake parte: Beka jaso ahal izateko ezinbestekoa da diplomatua edo goi mailako tituluduna izatea. Taldeen kasuan, gutxienez erdiak bete beharko du baldintza hori.
  • Epea: agiriak aurkezteko epea 2015eko irailaren 1etik urriaren 9ra arte egongo da zabalik.

Deialdi osoa irakurri dezakezu lotura honetan.

Uztailak 13

UEUren liburugintzako deialdia 2015

UEUk 2015eko liburugintzako deialdia argitaratu du. Deialdi honen xedea, azken buruan, euskarazko unibertsitate-liburuen sorkuntza sustatzea da, eta horien argitalpenerako, UEUk hainbat urtez egin duen moduan, onartze-prozesuan edukien kalitatea bermatuko duen bide eraginkorra proposatzea. Gai honi buruz Gidor Bilbaori egindako elkarrizketa irakurri dezakezu.

Deialdi honetara euskarazko unibertsitate-liburuak aurkez daitezke, liburu amaituak nahiz liburu-proiektuak, euskaraz sorturikoak nahiz euskaratuak (euskaraz sorturikoek izango dute lehentasuna).Eskariak irailaren 7a baino lehen bideratu behar dira.

Deialdiaren informazio guztia DEIALDIAK atalean duzu.

Uztailak 06

Iruñeko Udako Ikastaroak

Uztailaren 20tik 22ra bitartean, Jaso Ikastolan emango dira. Matrikula zabalik dago!

Uztailak 05

"Euskara, estatugintza eta naziogintzaren erdian" jardunaldiaren laburpenak ikusgai

UEUk eta JAKInek antolatu dugun"Euskara, estatugintza eta naziogintzaren erdian" jardunaldia bukatu da.

#EuskaraEN traolan irakurri ditzakezu Twitterren esan direnak.

Eta hemen BERRIAk jaso dituen hitzaldi guztiak.

Azkenik, laburpen bideoa ere ikusi dezakezu.

Ekainak 25

Eibarko Udako Ikastaroak

UEUren 43. Udako Ikastaroen barne, hauek dira Eibarren uztailaren 13tik 17ra eskainiko ditugun ikastaroak. Matrikula zabalik dago!

Ikastaroak Markeskoa Jauregian emango dira.

Ekainak 24

Baionako Udako Ikastaroak

Baionako ikastaroak uztailaren 8, 9 eta 10ean egingo ditugu, Baionako Ereintza AEK euskaltegian. Izena ematea zabalik dago!

Ekainak 22

Copyright @ 2019 UEU -- Bisitariak: 683568

Gure cookieak eta hirugarrenenak erabiltzen ditugu zure nabigazio-esperientzia hobetzeko eta eduki eta funtzio berezituak eskaintzeko. Nabigatzen jarraitzen baduzu, erabilera onartzen duzula ulertuko dugu. Argibide gehiago eskuratzeko: cookie-politika.