Berriak

UEUren urteetako esperientziak bultzatuta, UEUk ikastarONline proiektu aitzindaria jarriko du martxan datorren ikasturtean. Bere bidez hezkuntza-testuinguru guztietarako baliagarri diren ikastaroak sortzeko gaitasuna sustatu nahi dugu.

ikastarONline ibilbidea modularra izango da eta orotara 120 orduko iraupena izango du, 30 orduko 4 modulutan banatuta. Modulu guztiak arrakastaz egindakoan eta proiektua gainditutakoan, UEUk online ikastaroak sortzeko gaitasuna ziurtatzen duen aditu-agiria emango dio.

Izena emateko epea irailaren 5ean zabalduko da. Ikusi informazio guztia HEMEN.

Zabalik dago 2022/2023 ikasturteko UPV/EHUko Berezko Tituluetan izena emateko epea. Izen ematea irailaren 14ra arte zabalik egongo da eta UEU sustatzailea den heinean informazio gehiago eskuratzeko aukera duzue: 

UEUk, Bizkaiko Foru Aldundiaren laguntzarekin, unibertsitate-mailako euskarazko ikasmaterialak sustatzeko 3.000 euroko hiru poltsarako deia zabaldu du.

Ikasmaterialen esparrua unibertsitateko edozein jakintza-arlotakoa izan daiteke. Deialdi hau autore ororentzat dago zabalik, baina orain arte testugintza unibertsitariora hurbildu ez direnen lana sustatu nahi da batik bat, autore unibertsitarioen esparrua ahalik eta modurik zabalenean egituratzen joan dadin, idazle arituen lanari gazteena gehitu dakion.

Proposamenak bidaltzeko epea urriaren 10ean itxiko da. Inforazio guztia HEMEN.

SolastUEU hitzaldi-zikloaren baitan, irailaren 13an, 18:00etan, online solasaldia prestatu dugu: "Herrigintza"

Nolakoak dira herri mugimenduen antolaketa egiturak eta militantzia eredu berriak? Zergatik eta zertarako antolatzen da herrigintza? Zein da bolodresen papera? Eta etorkizuna?

Izena emateko--> komunikazioa@ueu.eus

Dagoeneko zabaldu dugu udazkeneko ikastaroetan matrikula egiteko epea.

Eibar, Iruñean eta online egin ahal izango dira, eta hainbat gai daude aukeratzeko: ipuin-kontalaritza, sexu-hezkuntza HHn eta LHn, psikomotrizitatea, diskalkulia, ahots-teknika,...

UEUk “BEKADUNA” umorezko webseriea estreinatu du, bere 50. urteurrena ospatzeko helburuarekin. Proiektu hau UEUk, BIRA produkzioak eta Hiru Damatxok egin dute elkarlanean eta Mikel Irazustak eta UEUko lantaldeak egin dituzte aktore lanak. Webseriea lau kapituluk osatzen dute eta asmoa bi astetik behin UEUren youtube kanalean kapitulu berri bat argitaratzea da. Ikusi lehen kapitulua!

Udako Ikastaroek 50 urte betetzen dute aurten, eta aurrera doa ikastaldi berezi hau. 

Hausnarketa egiteko baliatzen ari gara bertan antolatu ditugun jardunaldi eta ikastaroak.

Irakurri blogean egin ditugun elkarrizketa eta kronikak.